ຈັດແທ້ແນ່ນອນ ! ບຸນມະໂຫລານກອງປຶ້ມໃຫຍ່ ຈະຈັດຂຶ້ນ 8-12 ມີນາ ນີ້ ທີ່ສະໂມສອນໃຫຍ່ ມຊ ຊັ້ນ 1

ວັນທີ 1 ມີນາ 2023 ນີ້ ສຳນັກພິມດີບຸກ ຮ່ວມກັບ ມະຫາວິທະຍາໄລແຫ່ງຊາດ (ມຊ) ຖະແຫລງກ່ຽວກັບ ຈະຈັດງານບຸນມະໂຫລານກອງປຶ້ມໃຫຍ່ (Book Festival lll 2023) ໃນລະຫວ່າງວັນທີ 8-12 ມີນາ 2023 ຢູ່ສະ ໂມສອນໃຫຍ່ ມຊ ຊັ້ນ 1 ເລີ່ມແຕ່ເວລາ 8:00-17:00 ໂມງ

ເພື່ອເປັນການຜັນຂະຫຍາຍແຜນຍຸດທະສາດ ການພັດທະນາຊັບພະຍາກອນມະນຸດຂອງ ສປປ ລາວຮອດປີ 2025 ຕາມແນວທາງນະໂຍບາຍຂອງພັກ ແລະ ລັດຖະບານ ໃຫ້ບັນລຸເປົ້າໝາຍຕາມຍຸດທະສາດການອະນຸລັກ ແລະ ສົ່ງເສີມວັດທະນະທໍາອັນດີງາມຂອງຊາດ ໃຫ້ທົ່ວປວງຊົນ ໃນວຽກງານສົ່ງເສີມການອ່ານໃຫ້ໄດ້ 2/3 ຂອງປະຊາກອນທັງໝົດພາຍໃນປີ 2025. ສົ່ງເສີມວັດທະນະທຳການອ່ານໃຫ້ນັກອ່ານ, ນັກຂຽນເພີ່ມຂຶ້ນ, ທັງເພີ່ມຊ່ອງທາງໃນການເຂົ້າເຖິງປຶ້ມອ່ານໃຫ້ເປັນສັງຄົມແຫ່ງການຮຽນຮູ້ຕະຫລອດຊີວິດ ແລະ ປະເທດຊາດ ໄດ້ຮັບການພັດທະນາຢ່າງບໍ່ຢຸດຢັ້ງໃຫ້ເທົ່າທຽມກັບສາກົນ. ສ້າງຂະບວນການສະເຫລີມສະ ຫລອງວັນປຶ້ມອ່ານໂລກ (World Book Day) 2 ມີນາຄົບ ຮອບ 28 ປີ, ວັນແມ່ຍິງສາກົນ 8 ມີນາ ຄົບຮອບ 113 ປີ ແລະ ສ້າງຂະບວນການຕ້ອນຮັບວັນສ້າງຕັ້ງ ພັກປະຊາຊົນ ປະຕິວັດລາວ 22 ມີນາ ຄົບຮອບ 68 ປີທີ່ຈະມາເຖິງນີ້, ໃຫ້ເປັນຂະບວນການຟົດຟື້ນມ່ວນຊື່ນ ແລະ ມີຄວາມໝາຍສຳຄັນຂອງຊາດລາວເຮົາ.

ຢ່າລືມຢ່າພາກງານນີ້ເດີ