ອິນໂດເນເຊຍຝົນຕົກໜັກ-ດິນເຈື່ອນ ເສຍຊີວິດແລ້ວຢ່າງໜ້ອຍ 15 ຄົນ ສູນຫາຍອີກປະມານ 50 ຄົນ

ອິນໂດເນເຊຍຜະເຊີນຝົນຕົກໜັກ ແລະ ດິນເຈື່ອນໃນຫລາຍພື້ນທີ່ ໂດຍສະເພາະເຂດເກາະອ້ອມນອກໃກ້ກັບທະເລຈີນໃຕ້ ເປັນເຫດໃຫ້ມີຜູ້ເສຍຊີວິດແລ້ວຢ່າງໜ້ອຍ 15 ຄົນ ແລະ ສູນຫາຍອີກປະມານ 50 ຄົນ.

ຈາກສະພາບອາກາດບໍ່ຄ່ອຍດີ ສັນຍານການສື່ສານຖືກຕັດຂາດ, ຖະໜົນຫລາຍເສັ້ນເປ່ເພເສຍຫາຍຢ່າງໜັກ ບວກກັບດິນເຈື່ອນ ເຮັດໃຫ້ການຊ່ວຍເຫລືອ ແລະ ຄົ້ນຫາຜູ້ປະສົບໄພຂອງທີມກູ້ໄພເປັນໄປດ້ວຍຄວາມຍາກລໍາບາກ ແລະ ສັບຊ້ອນຂຶ້ນ.

ອິນໂດເນເຊຍຖືເປັນໜຶ່ງໃນປະເທດທີ່ມີທ່າອ່ຽງຈະປະສົບໄພພິບັດທາງທໍາມະຊາດຮຸນແຮງເລື້ອຍໆ ໂດຍສະເພາະບັນຫາດິນເຈື່ອນໃນຊ່ວງລະດູຝົນ ເຊິ່ງໄພພິບັດເຫລົ່ານີ້ເປັນພາບສະທ້ອນຂອງຜົນກະທົບທີ່ເກີດຈາກບັນຫາຕັດໄມ້ທໍາລາຍປ່າ ເຊິ່ງກ່ຽວຂ້ອງກັບຄວາມແຂງແຮງຂອງໜ້າດິນ ແລະ ການອຸ້ມນໍ້າຂອງດິນ.

ອ້າງອີງ:

https://www.aljazeera.com/…/at-least-15-killed-in…

https://www.channelnewsasia.com/…/indonesia-natuna…

https://www.reuters.com/…/landslide-kills-least-10…/