ຕ້ອນຮັບ 48 ທີມ, ຟີຟາ ກຽມອະນຸຍາດບານໂລກ 2026 ຮອບທຳອິດແບ່ງ 12 ກຸ່ມເຕະ 104 ນັດ

ຟີຟາ ກຽມອະນຸມັດຮູບແບບໃຫມ່ໃນບານໂລກ 2026 ທີ່ມີ 48 ທີມ ຮ່ວມແຂ່ງຂັນ ໂດຍຮອບທຳອິດແບ່ງເຕະ 12 ກຸ່ມ ກຸ່ມລະ 4 ທີມ ເອົາແຊ໊ມ ຮອງແຊ໊ມ ແລະ ອັນດັບ 3 ດີສຸດອີກ 8 ກຸ່ມ ເຂົ້າຮອບ 32 ທີມສຸດທ້າຍ ສ່ວນຈຳນວນນັດ ເພີ່ມເປັນ 104 ເກມ.

ສະຫະພັນບານເຕະນາໆຊາດ (FIFA) ຕົກເປັນຂ່າວວ່າ ກຽມຈະອຸມັດຮູບແບບການແຂ່ງຂັນແບບໃຫມ່ຂອງບານໂລກ 2026 ເຊິ່ງສະຫະລັັດ ອາເມລິກາ ຈະເປັນເຈົ້າພາບຮ່ວມກັບ ແຄນາດາ ແລະ ເມັກຊີໂກ ແລະ ຈະມີທີມຮ່ວມແຂ່ງຂັນເພີ່ມຈາກ 32 ເປັນ 48 ທີມ ໂດຍໜ້າຈະມີການອະນຸມັດຢ່າງເປັນທາງການ ໃນການປະຊູມໃຫຍ່ຂອງອົງການບານເຕະໂລກ ທີ່ປະເທດວັນດາ ເຊິ່ງມີຂຶ້ນລະຫວ່າງວັນທີ 13-17 ມີນານີ້.

ຕາມທີ່ມີກະແສຂ່າວວ່າຮອບທຳອິດຂອງບານໂລກ 2026 ນັ້ນ ອາດແບ່ງເປັນ 16 ກຸ່ມ ກຸ່ມລະ 3 ທີມ ແຕ່ລາຍງານຫລ້າສຸດ ລະບຸວ່າຮູບແບບການແຂ່ງຂັນໃນບານໂລກ 2026 ນັ້ນ ຮອບທຳອິດໜ້າຈະແບ່ງເປັນ 12 ກຸ່ມ ກຸ່ມລະ 4 ທີມ ໂດຍຄັດເອົາທີ 1 ແລະ 2 ຂອງກຸ່ມ ບວກກັບທີມອັນດັບ 3 ທີ່ດີທີ່ສຸດອີກ 8 ຈາກ 12 ກຸ່ມເຂົ້າຮອບ 32 ທີມສຸດທ້າຍ.

ດ້ວຍເຫດນີ້ ສົ່ງຜົນໃຫ້ທີມທີ່ຈະຄວ້າແຊ໊ມ ຕ້ອງລົງຫລິ້ນເຖິງ 8 ເກມ ຈາກເກ່ົາທີ່ລົງຫລິ້ນພຽງ 7 ນັດ ຂະນະທີ່ ຈຳນວນເກມທັງຫມົດນັ້ນ ຈາກເກ່ົາທີ່ມີ 64 ນັດ ກໍຈະເປັນເພີ່ມຶຂ້ນມາອີກ 40 ນັດ ເປັນ 104 ນັດ ເຊິ່ງໜ້າຈະເຮັດໃຫ້ ຟີຟາ ກວາດລາຍໄດ້ຈາກການແຂ່ງຂັນຫລາຍກວ່າ 9,000 ລ້ານປອນນຳອີກ.

ຂະນະທີ່ໄລຍະເວລາຂອງລາຍການ ໜ້າຈະກິນເວລາປະມານ 40 ມື້ ໂດຍທີ່ນັດຊີງຊະນະເລີດ ໜ້າຈະມີຂຶ້ນໃນວັນທີ 19 ກຸມພາ 2026.