ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ

ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ - im 747422 - ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ
ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ - kitchen vibe - ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ

IMF ອະນຸມັດເງິນກູ້ໃຫ້ສີລັງກາອີກ 3.000 ລ້ານໂດລາສະຫະລັດ ໂດຍຈະໄດ້ຮັບກ່ອນໜຶ່ງໃນສາມ.

ວັນທີ 21 ມີນາ, ສໍານັກຂ່າວຕ່າງປະເທດລາຍງານວ່າ: ຈາກຄະນະບໍລິຫານຂອງກອງທຶນການເງິນສາກົນ (IMF) ມີມະຕິໃນວັນທີ 20 ມີນາ ອະນຸມັດສິນເຊື່ອງວດໃໝ່ ເປັນວົງເງິນເກືອບ 3.000 ລ້ານໂດລາສະຫະລັດ ໃຫ້ສີລັງກາ ເພື່ອຮັກສາສະພາບຄ່ອງ ແລະ ສະຖຽນລະພາບທາງເສດຖະກິດໃຫ້ປະເທດແຫ່ງນີ້ ເຊິ່ງອັດຕາເງິນເຟີ້ຍັງຢູ່ໃນລະດັບສູງກວ່າ 50% ນັ້ນ.

ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ - Visit Laos Visit SALANA BOUTIQUE HOTEL - ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ

IMF ອອກຖະແຫລງການເພີ່ມກ່ຽວກັບສະຖານະການຂອງສີລັງກາວ່າ: ທະນາຄານກາງຂອງສີລັງກາຈະໄດ້ຮັບເງິນຊ່ວຍເຫລືອຢ່າງໜ້ອຍ 330 ລ້ານໂດລາສະຫະລັດ ພາຍໃນ 48 ຊົ່ວໂມງ ນັບຈາກວັນທີ່ໄດ້ຮັບການອະນຸມັດ ຕໍ່ຈາກນັ້ນການເບີກຈ່າຍເພື່ອຮັບເງິນຊ່ວຍເຫລືອຈະຂຶ້ນຢູ່ກັບການປະເມີນສະຖານະການທຸກ 6 ເດືອນ.

ຂະນະດຽວກັນ, IMF ຄາດຫວັງວ່າ: ການອະນຸມັດສິນເຊື່ອໃຫ້ສີລັງກາໃນຄັ້ງນີ້ ຈະເປັນຕົວເລັ່ງ ແລະ ສ້າງຄວາມເຊື່ອໝັ້ນໃຫ້ອົງກອນແຫ່ງອື່ນ ໃນການມອບການສະໜັບສະໜູນທາງເສດຖະກິດໃຫ້ສີລັງກາ ໂດຍ IMF ຄາດຄະເນວ່າ: ທະນາຄານໂລກ (World Bank) ແລະ ທະນາຄານພັດທະນາອາຊີ (ADB) ຈະອະນຸມັດສິນເຊື່ອງວດໃໝ່ໃຫ້ສີລັງກາ ລວມປະມານ 3.750 ລ້ານໂດລາສະຫະລັດ.

ສ່ວນຈີນ, ອິນເດຍ ແລະ ຍີ່ປຸ່ນ ໃນຖານະ “ເຈົ້າໜີ້ລະດັບລັດຕໍ່ລັດ” ຕ່າງຢືນຢັນມອບການສະໜັບສະໜູນທາງການເງິນເພີ່ມໃຫ້ສີລັງກາເຊັ່ນກັນ.

ການອະນຸມັດສິນເຊື່ອຂອງ IMF ໃຫ້ສີລັງກາ ເກີດຂຶ້ນພາຍໃຕ້ເງື່ອນໄຂຫລາຍປະການ ເຊິ່ງລວມທັງສີລັງກາຕ້ອງແກ້ໄຂບັນຫາໜີ້ໃນໄລຍະຍາວ ດ້ວຍການປັບໂຄງສ້າງໜີ້ນໍາບັນດາເຈົ້າໜີ້ອື່ນໆ ເພື່ອສ້າງຄວາມເຊື່ອໝັ້ນໃຫ້ທຸກຝ່າຍທີ່ກ່ຽວຂ້ອງໃຫ້ມີຕໍ່ “ຄວາມຍືນຍົງຂອງໜີ້” ຂອງສີລັງກາ ໝາຍຄວາມເຖິງຄວາມສາມາດໃນການຊໍາລະຄືນພາຍໃນກໍານົດ ແລະ ການຫລຸດຊ່ອງວ່າງທາງການເງິນ ເພື່ອໃຫ້ການບໍລິຫານຄວາມສ່ຽງເປັນໄປຢ່າງມີປະສິດທິພາບ.

ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ - 4 - ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ
ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ - 5 - ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ
ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ - 3 - ສີລັງກາກຽມຮັບສິນເຊື່ອກ້ອນໃໝ່ຈາກ IMF ຕໍ່ລົມຫາຍໃຈເສດຖະກິດ