ອາເຊນອລ ກຽມປ່ອຍ 7 ນັກເຕະສ່ວນເກີນຫລັງຈົບລະດູການນີ້

ມິເກລ ອາເຕຕ້າ ຜູ້ຈັດການທີມອາເຊນອລ ໃນການແຂ່ງຂັນ ພຣີເມຍລີກ ອັງກິດ ພວມພິຈາລະນາເຖິງຄວາມເປັນໄປໄດ້ໃນການປ່ອຍຕົວ 7 ນັກເຕະທີ່ບໍ່ໄດ້ຢູ່ໃນແຜນການເຮັດທີມສຳລັບລະດູການໜ້າ ອອກຈາກຖິ່ນ ເອມີເຣສ ຫລັງຈົບລະດູການນີ້.

ລາຍງານຂ່າວລະບຸວ່າ ອາເຕຕ້າ ເບິ່ງວ່າ ການປ່ອຍນັກເຕະທີ່ບໍ່ໄດ້ໃຊ້ງານອອກໄປນັ້ນ ຈະເປັນທາງອອກທີ່ດີຂອງທຸກໆຝ່າຍ ເນື່ອງຈາກ ອາເຊນອລ ກໍຈະໄດ້ເງິນມາເສີມທີມເພື່ອຊື້ນັກເຕະໃຫມ່ ສ່ວນນັກເຕະສ່ວນເກີນກໍຈະໄດ້ຍ້າຍໄປຍັງສະໂມສອນທີ່ໃຫ້ໂອກາດລົງສະໜາມຫລິ້ນຢ່າງສະຫມ່ຳສະເຫມີ.

ນັກເຕະທີ່ມີແວວຈະຖືກປ່ອຍຕົວອອກໄປປະກອບດ້ວຍ : ນິໂກລາ ເປເປ້, ນູໂນ ຕາບາເຣສ, ປາໂບລ ມາຣີ, ເຊດຣິກ ຊົວເຣສ, ເອນລີ ເມດແລນ ໄນ, ຊຳບີ ໂລກົງກ້າ ແລະ ອາເລັກ ຣູນາສສັນ ເຊິ່ງຫາກນັກເຕະເຫລົ່ານີ້ຈະເຮັດເງິນໃຫ້ກັບ ອາເຊນອລ ໄດ້ຫລາຍສົມຄວນ.

ໃນໄລຍະຜ່ານມາ ອາເຕຕ້າ ຕົກເປັນຂ່າວພວມເບິ່ງຫານັກເຕະໃຫມ່ເຂົ້າມາເສີມທີມເພື່ອສູເສິກລະດູການຢ່າງຕໍ່ເນື່ອງ ໂດຍໃຫ້ຄວາມສົນໃຈນັກເຕະຢ່າງ ດີແຄລນ ໄຣ ກອງກາງ ເວສແຮມ ຢູໄນເຕັດ, ບຣາຮິມ ດີອາສ ປີກ ເອຊີ ມິລານ ແລະ ຣາສມຸສ ຮອຍລັນ ກອງໜ້າ ອະດາລັນຕາ ເປັນຕົ້ນ.

ປັດຈຸບັນ ອາເຊນອລ ຍັງຄົງຄອງອັນດັບ 1 ໃນຕາຕະລາງພຣີເມຍລີກ ໂດຍມີຄະແນນຫ່າງ ແມນເຊສເຕີ ຊິຕີ ທີມອັນດັບ 2 ເຖິງ 8 ຄະແນນ.