ສ.ເກົາຫລີ ເກີດໄຟໄໝ້ປ່າ ທົ່ວປະເທດ 30 ຈຸດ ທາງການເລັ່ງລະດົມກຳລັງເຈົ້າໜ້າທີ່ເຂົ້າມອດໄຟ
ສຳນັກຂ່າວຢອນຮັບລາຍງານວ່າ: ທ່ານ Yun Seok-yeol, ປະທານາ ທິບໍດີ ສ.ເກົາຫລີ ສັ່ງເຈົ້າໜ້າທີ່ກ່ຽວຂ້ອງ ລະດົມກຳລັງ ມອດໄຟໄໝ້ປ່າ ແລະ ຫາວິທີປ້ອງກັນ ບໍ່ໃຫ້ເກີດ ໄຟໄໝ້ປ່າຄັ້ງໃໝ່ ຫລັງຈາກ ເກີດໄຟໄໝ້ປ່າ ເທິງພູໜ່ວຍໜຶ່ງ ໃນເຂດເມືອງ Hongseong ຫ່າງຈາກ ນະຄອນຫລວງ Seoul ໄປທາງໃຕ້ 114 ກິໂລແມັດ ໂດຍໄໝ້ເຖິງ 30 ຈຸດ ສາມາດຄວບຄຸມໄດ້ແລ້ວ 15 ຈຸດເນັ້ນໃຫ້ ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ໃຫ້ການສະໜັບສະໜູນ ປະຕິບັດການດັບໄຟປ່າ ຢ່າງຮີບດ່ວນ. ປັດຈຸບັນ ມີການລະດົມເຈົ້າໜ້າທີ່ຫລາຍກວ່າ 580 ຄົນ ແລະ ເຮລີຄອບເຕີ ອີກ 9 ລຳ ໄປມອດໄຟປ່າ ເທິງພູ Inwangsan ເຮັດໃຫ້ພື້ນທີ່ປ່າໄມ້ ໄດ້ຮັບຄວາມເສຍຫາຍປະມານ 230.000 ຕາແມັດ. ປັດຈຸບັນ ເຈົ້າໜ້າກ່ຽວຂ້ອງ ສັ່ງຫ້າມ ປະຊາຊົນເຂົ້າໄປເທິງພູໜ່ວຍນີ້ ແລະ ກຳລັງຍົກຍ້າຍ ປະຊາຊົນອອກໄປ ຢູ່ເຂດປອດໄພແລ້ວ ຢ່າງໜ້ອຍ 120 ຄອບຄົວ.
