ຄູຕິນໂຢ ຫວນຄືນລຸຍ ແຊ໊ມປຽນລີກ ພຸດນີ້
ຄືນວັນພຸດນີ້ ລີເວີພູລ ມີ ໂປຣແກຣມລົງເຕະ ຢູຟາ ແຊ໊ມປຽນລີກ ຮອບແບ່ງກຸ່ມ ໂດຍຈະເປີດສະໜາມແອນຟິລ ຕ້ອນຮັບການມາຢາມຂອງ ເຊບີຢາ ໂດຍ ເຈີເກນ ຄລ໊ອບ ຜູ້ຈັດການຂອງທີມ ກໍອອກມາ ບອກວ່າ ເຖິງວ່າພຣີເມຍລີກ ຈະບໍ່ມີຊື່ຂອງ ຟິລິບເປ ຄູຕິນໂຢ ທັງໂຕຈິງ ແລະ ໂຕສຳຮອງ ນັ້ນແມ່ນຍ້ອນຕ້ອງການໃຫ້ ພັກຮ່າງກາຍເຕັມທີ່ ຫຼັງໄປ ຊ່ວຍທີມຊາດບຣາຊິລ ໃນເກມ ບາໂລກຮອບຄັດເລືອກ. ແຕ່ ວັນພຸດນີ້ພ້ອມສົ່ງລົງຫຼິ້ນ ຢູຟາ ແຊ໊ມປຽນລີກ.
ນອກຈາກນີ້ ຜູ້ສື່ຂ່າວໃນ ອັງກິດ ຍັງຖາມເຖິງເລື່ອງ ຄວາມສຳພັນທັງລະຫວ່າງ ຄລ໊ອບ ກັບ ຄູຕິນໂຢ ລວມເຖິງ ໝູ່ຮ່ວມທີມວ່າຍັງດີຄືເກົ່າ ຫຼື ບໍ່. ຄລ໊ອບ ກໍຕອບວ່າບໍ່ມີປັນຫາ ຫຍັງ ເພາະທີມທີ່ເປັນຂ່າວນຳ ແມ່ນ ບາເຊໂລນາ ໜຶ່ງໃນທີມ ໃຫຍ່ຂອງເອີຣົບ ບໍ່ແມ່ນຄູ່ແຂ່ງ ຮ່ວມເມືອງຢ່າງ ເອຟເວີຕັນ. ສະນັ້ນ ທຸກຢ່າງຍັງດີຄືເກົ່າ.
