ອາຫານທີ່ບໍ່ຄວນກິນໃນໄລຍະອາກາດຮ້ອນ
- ໝາກໄມ້ທີ່ມີນ້ໍາຕານສູງ
ຖົ່ວລຽນ, ລຳໄຍ, ໝາກມີ້ ທີ່ຕ້ອງຄວບຄຸມປະລິມານ ແລະ ບໍ່ຄວນກິນຫຼາຍຈົນເກີນໄປ ເພາະຖ້າເຮົາກິນຫຼາຍ ຈະມີການສະສົມຈົນເຮັດໃຫ້ຕຸ້ຍໄດ້ ແລະ ອາດຈະສົ່ງຜົນກະທົບຕໍ່ພະຍາດອື່ນໆເຊັ່ນ: ພະຍາດເບົາຫວານ, ຄວາມດັນເລືອດສູງ ເປັນຕົ້ນ ແຕ່ສໍາລັບໄລຍະຮ້ອນແລ້ວເຮົາຄວນຫຼຸດການກິນຖົ່ວລຽນໃຫ້ໜ້ອຍລົງ ເພາະອາດເຮັດໃຫ້ເກີດອາການຮ້ອນໃນ, ເຈັບຄໍ, ໄອ, ໄຂ້, ເຈັບຫົວ, ຈຸກແໜ້ນທ້ອງ, ຄັນຕົນຄັນໂຕ ຫຼື ຕາແດງໄດ້.
- ອາຫານມັນ ອາຫານທອດ
ອາຫານຈຳພວກຂອງມັນຂອງທອດ ເຮັດໃຫ້ຮ່າງກາຍໄດ້ຮັບພະລັງງານທີ່ສູງຂຶ້ນ ໂດຍສະເພາະໃນເວລາທີ່ປະເຊີນກັບສະພາບອາກາດຮ້ອນ ເຮັດໃຫ້ເກີດຄວາມສ່ຽງຕໍ່ການເປັນຮ້ອນໃນ ເຈັບຄໍ ແລະ ນໍ້າໜັກເພີ່ມຂຶ້ນ ຈົນຕຸ້ຍໄດ້, ໃນຂະນະທີ່ຜັກບົ່ວ ແລະ ຜັກທຽມສາມາດເຮັດໃຫ້ເກີດຄວາມຮ້ອນໃນຮ່າງກາຍໄດ້ ດັ່ງນັ້ນ ບໍ່ຄວນກິນໃນປະລິມານທີ່ຫຼາຍເກີນໄປ.
- ເຄື່ອງດື່ມປະເພດທາດເຫຼົ້າ
ຊ່ວຍເພີ່ມຄວາມອົບອຸ່ນໃຫ້ກັບຮ່າງກາຍ ທາດເຫຼົ້າເຮັດໃຫ້ຮ່າງກາຍຮູ້ສຶກຮ້ອນວູບຈາກການຂະຫຍາຍຕົວຢ່າງໄວວາຂອງເສັ້ນເລືອດ ເນື່ອງຈາກຮ່າງກາຍມີການສູນເສຍນ້ຳຫຼາຍກວ່າປົກກະຕິ ແລະ ຖ້າຫາກມີພະຍາດປະຈຳຕົວ ເຊັ່ນ: ພະຍາດຄວາມດັນເລືອດສູງ ພະຍາດຫົວໃຈ ຈະເຮັດໃຫ້ເກີດການເພີ່ມແຮງດັນເລືອດ ຈົນສາມາດເຮັດໃຫ້ເສັ້ນເລືອດແຕກໄດ້ ສົ່ງຜົນໃຫ້ເສຍຊີວິດ ຫຼື ເປັນອໍາມະພາດ.
