ລີດ ປະກາດຕັ້ງ ອັລລາໄດ ກູ້ວິກິດໂຄ້ງສຸດທ້າຍພຣີເມຍລີກ ປະເດີມຄຸມທີມນັດທຳອິດກັບ ແມນຊິຕີ

ລີດ ຢູໄນເຕັດ ປະກາດຕັ້ງ ແຊມ ອັລາໄດ ຜູ້ຈັດການທີມຊາວອັງກິດ ເຂົ້າມາຮັບໜ້າທີ່ຜູ້ຈັດການທີມຄົນໃຫມ່ ແທນທີ່ຂອງ ຊາບີ ກຣາເຊຍ ຜູ້ຈັດການທີມຊາວສະເປນ ທີ່ຖືກປົດຕຳແໜ່ງ ເພື່ອກູ້ວິກິດໃນການພາທີມໜີຕົກຊັ້ນໂຄ້ງສຸດທ້າຍ ພຣີເມຍລີກ ອັງກິດ 2022-23.

ສະຖານະການປັດຈຸບັນ ລີດ ຢູໄນເຕັດ ຢູ່ອັນດັບທີ 17 ຂອງຕາຕະລາງມີ 30 ຄະແນນ ຈາກການລົງສະໜາມ 34 ນັດ ໂດຍມີຄະແນນເທົ່າກັບ ທີມອັນດັບ 18 ໃນພື້ນທີ່ເຂດຕົກຊັ້ນຢ່າງ ນັອດຕິງແຮມ ຟໍເຣສ ແຕ່ມີຜົນຕ່າງປະຕູໄດ້ເສຍຕິດລົບນ້ອຍກວ່າ 8 ປະຕູ.

ສຳລັບ ແຊມ ອັລລາໄດ ຈະປະເດີມຄຸມທີມ ນັດທຳອິດ ດ້ວຍການພົບກັບ ແມນເຊສເຕີ ຊິຕີ ຈາກນັ້ນຈະເປີດບ້ານພົບກັບ ນິວຄາສເຊິລ ຢູໄນເຕັດ, ບຸກຢາມ ເວສແຮມ ຢູໄນເຕັດ ແລະ ປິດທ້າຍດ້ວຍການຮັບມືກັບ ທັອດແນມ ຮັອດສະເປີ.