ໄຂ້ເລືອດອອກລະບາດໜັກໃນປະເທດເປຣູ ເສຍຊີວິດແລ້ວ 200 ກວ່າຄົນ ຕິດເຊື້ອຫລາຍກວ່າ 130.000 ຄົນ
ສຳນັກຂ່າວຕ່າງປະເທດລາຍງານ ວັນທີ 15 ມິຖຸນາ 2023 ຜ່ານມາວ່າ: ລັດຖະບານເປຣູເປີດເຜີຍຂໍ້ມູນ ການລະບາດຂອງເຊື້ອພະຍາດໄຂ້ເລືອດອອກທີ່ກຳລັງເກີດຂຶ້ນ ໃນພາກເໜືອ ເຖິງພາກກາງຂອງປະເທດ ເຮັດໃຫ້ມີຜູ້ເສຍຊີວິດແລ້ວ 223 ຄົນ ມີຜູ້ຕິດເຊື້ອແລ້ວ 137,539 ຄົນ ໃນນີ້ຈຳນວນ 700 ຄົນໄດ້ເຂົ້າປິ່ນປົວຢູ່ໃນໂຮງໝໍ.
ຈຸດສູນກາງການລະບາດ ຢູ່ເມືອງ ປິວຣາ ທາງພາກເໜືອຂອງປະເທດ ປະສົບບັນຫານ້ຳຖ້ວມຢ່າງໜັກໃນຊ່ວງເດືອນເມສາ ຜ່ານມາ. ລັດຖະບານ ເປຣູລະບຸວ່າ: ໜຶ່ງໃນປັດໄຈທີ່ເຮັດໃຫ້ການລະບາດຂອງໄຂ້ເລືອດອອກຄັ້ງນີ້ຮຸນແຮງຂຶ້ນຍ້ອນປາກົດການແອວນີໂຍ ເຊິ່ງເປັນໄພທຳມະຊາດທີ່ຮຸນແຮງຂຶ້ນກວ່າປົກກະຕິ, ຈາກເຫດການນ້ຳຖ້ວມສ້າງສະພາບແວດລ້ອມເໝາະສົມໃຫ້ຍຸງລາຍວາງໄຂ່ໄດ້ເປັນຢ່າງດີ.
ຢ່າງໃດກໍຕາມ ດ້ວຍຈຳນວນຄົນເຈັບທີ່ຫລາຍຂຶ້ນ ເຮັດໃຫ້ໂຮງໝໍລັດຫລາຍແຫ່ງເປັນອຳມະພາດ ແພດຕ້ອງຕັດສິນໃຈຮັບປິ່ນປົວແຕ່ຜູ້ທີ່ມີອາການໜັກເທົ່ານັ້ນ, ຂະນະທີ່ທາງການຕ້ອງຈັດໂຮງໝໍສະໜາມ ແລະ ເຕັ້ນພະຍາບານຕາມສະໜາມກິລາຕ່າງໆເພື່ອຮອງຮັບຄົນເຈັບ.
ອ້າງອີງ: usatoday , theguardian, https://www.thairath.co.th/news/foreign/2701992
