ຫຼາຍປະເທດວິຈານສູນທອນພົດ ຂອງທ່ານ ທຣຳ ໃນເວທີ UN

- advert banner 728 90 728x90 - ຫຼາຍປະເທດວິຈານສູນທອນພົດ ຂອງທ່ານ ທຣຳ ໃນເວທີ UN

 

- fe03f4c6a40d567823bb9457f1596dbe - ຫຼາຍປະເທດວິຈານສູນທອນພົດ ຂອງທ່ານ ທຣຳ ໃນເວທີ UN        ປະທານາທິບໍດີ ​ໂດນ​ັນ ທຣຳ ກ່າວ​ສູນ​ທອນ​ພົດ​ໃນ​ເວທີ​ໂລກ​ຢ່າງ​ເປັນ​ທາງ​ການ​ໃນ​ຖານະ​ຜູ້ນຳ​ອາ​ເມ​ລິ​ກາ ​ໂດຍ​ການ​ກ່າວ​ຄຳ​ຖະ​ແຫຼ​ງ​ໃນ​ເວທີ​ສະມັດຊາ​ໃຫຍ່​ສະຫະ​ປະຊາ​ຊາດ ​ເນັ້ນຄວາມ​ເປັນ​ອາ​ເມ​ລິ​ກາ ທ່າມກາງ​ສຽງ​ວິຈານ​ຈາກ​ຫຼາຍ​ປະ​ເທດ​ ວ່າ​ເປັນ​ການ “ສ້າງ​ຄວາມ​ກຽດ​ຊັງ”.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 19 ກັນຍາ​ວ່າ: ປະທານາທິບໍດີ ​ໂດນ​ັນ ທຣຳ ກ່າວ​ຄຳ​ຖະ​ແຫຼ​ງຕໍ່​ກອງ​ປະຊຸມ​ສະມັດຊາ​ໃຫຍ່​ສະຫະ​ປະຊາ​ຊາດ (UNGA) ​ເປັນ​ເທື່ອ​ທຳ​ອິດ​ໃນ​ຖານະ​ຜູ້ນຳ​ອາ​ເມ​ລິ​ກາ ​ໃນ​ວັນ​ທີ 19 ກັນຍາ ​ເນັ້ນອຸດົມ​ການ “ອາ​ເມ​ລິ​ກາ​ຕ້ອງ​ມາ​ກ່ອນ” ​ເພື່ອ​ປົກ​ປ້ອງ​ອະທິປະ​ໄຕ ​ແລະ ຜົນ​ປະ​ໂຫຍ​ດຂອງ​ອາ​ເມ​ລິ​ກາ ​ໂດຍ​ປະກາດ​ພ້ອມ “ທຳລາຍ” ສປປ ​ເກົາຫຼີ ປະ​ເທດ​ທີ່ຢູ່​ພາຍ​ໃຕ້​ການ​ປົກຄອງ​ຂອງ “ມະນຸດ​ຈະ​ຫຼວດ” ຖ້າ​ເຖິງ​ຍາມ​ຄັບຂັນ​ທີ່​ອາ​ເມ​ລິ​ກາ​ຕ້ອງ​ປ້ອງ​ກັນ​ຕົນ​ເອງ, ຕຳ​ໜິຈີນ​ທີ່​ຍັງ​ຄ້າຂາຍ​ກັບ ສປປ ​ເກົາຫຼີ, ວິຈານ​ລັດຖະບານ​ເວ​ເນ​ຊູ​ເອລາ “​ເປັນ​ຜ​ະ​ເດັດ​ການ​ຄື ຮິດ​ເລີ”, ຂໍ້​ຕົກລົງ​ນິວ​ເຄຼຍອີຣານ “ສ້າງ​ຄວາມ​ອັບອາຍ​ຂາຍໜ້າ” ​ໃຫ້​ແກ່​ອາ​ເມ​ລິ​ກາ, ປະນາມ​ປະທານາທິບໍດີ ບາ​ຊາ ອານ ອັດ​ຊັດ ຜູ້ນຳ​ຊີຣີ ວ່າ​ເປັນ “ອາດຊະຍາ​ກຳ” ​ແລະ ວິຈານ​ລັດຖະບານ​ກູ​ບາ​ວ່າ “ສໍ້​ລາດ​ບັງ​ຫຼວງ” ພ້ອມ​ທັງ​ຢືນຢັນ​ຈະ​ຍັງ​ບໍ່​ຍົກ​ເລີກ​ມາດ​ຕະການ​ປິດ​ລ້ອມ​ການ​ຄ້າ “ຈົນ​ກວ່າ​ອີກ​ຝ່າຍ​ຈະ​ປັບປຸງ​ຕົນ​ເອງ”.

ສູນ​ທອນ​ພົດ​ດັ່ງກ່າວ​ຂອງ​ທ່ານ ທຣຳ ​ໃຊ້​ເວລາ​ປະມານ 42 ນາທີ ສ້າງ​ຄວາມ​ຮື​ຮາ ​ແລະ ຮຽກ​ສຽງ​ວິຈານ​ເປັນ​ວົງ​ກວ້າງ, ທ່ານ ​ໂມ​ຮຳ​ໝັດ ຈາ​ວາດ ຊາຣີບ ລັດຖະມົນຕີ​ກະຊວງ​ການ​ຕ່າງປະ​ເທດ​ອີຣານ ກ່າວ​ວ່າ​ເປັນ​ການ​ຖະ​ແຫຼ​ງທີ່​ສະທ້ອນ​ໃຫ້​ເຫັນ​ເຖິງ “ຄວາມ​ເຫັນ​ແກ່​ຕົວ” ຂອງ​ລັດຖະບານ ທຣຳ. ທ່ານ ຮໍ​ເກ ອາ​ເຣຍຊາ ລັດຖະມົນຕີ​ກະຊວງ​ການ​ຕ່າງປະ​ເທດ​ເວ​ເນ​ຊູ​ເອລາ ກ່າວ​ວ່າ​ເປັນ​ການ​ສ້າງ​ວາທະ​ກຳ “ຂົ່ມຂູ່ ​ແລະ ຄຸກ​ຄາມ” ຂອງ​ຜູ້ນຳ​ອາ​ເມ​ລິ​ກາ, ສ່ວນ​ກະຊວງ​ການ​ຕ່າງປະ​ເທດ​ກູ​ບາ​ອອກ​ຖະ​ແຫຼ​ງການ​ວ່າ: ອາ​ເມ​ລິ​ກາ​ບໍ່​ເຄົາລົບ​ອະທິປະ​ໄຕ​ຂອງ​ກູ​ບາ ​ເນື່ອງ​ຈາກ​ເປັນ​ການ​ສົ່ງ​ສັນຍານ​ຄວາມ​ຕ້ອງການ​ຂອງ​ລັດຖະບານ​ວໍ​ຊິງ​ຕັນ ​ໃນ​ການ​ແຊກ​ແຊງ​ກິດຈະການ​ພາຍ​ໃນ​ຂອງ​ກູ​ບາ​ອີກ​ເທື່ອ​ໜຶ່ງ, ສ່ວນ​ທ່ານ​ນາງ ມາກ​ອດ ວອລສຕອມ ລັດຖະມົນຕີ​ກະຊວງ​ການ​ຕ່າງປະ​ເທດ​ສະ​ວິດ ວິຈານ​ຄຳ​ຖະ​ແຫຼງຂອງ​ທ່ານ ທຣຳ “ຜິດ​ທີ່ ຜິດ​ເວລາ ​ແລະ ຜິດ​ກຸ່ມ​ເປົ້າໝາຍ”.

​ເຖິງ​ຢ່າງ​ໃດ​ກໍ​ຕາມ, ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ຜູ້ນຳ​ອິດສະ​ລາ​ແອນ ກ່າວ​ວ່າ: ສູນ​ທອນ​ພົດ​ຂອງ​ຜູ້ນຳ​ອາ​ເມ​ລິ​ກາ​ປຸກ​ຈິດຕະວິນ​ຍານ​ຂອງ​ຄວາມ​ກ້າຫານ, ສ່ວນ​ທ່ານ ຈອນ ​ໂບລຕັນ ອະດີດ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ປະຈຳ​ສະຫະ​ປະຊາ​ຊາດ (UN) ​ແລະ ປັດຈຸບັນ​ເປັນ​ໜຶ່ງ​ໃນ​ຄະນະ​ເຮັດ​ວຽກ​ດ້ານ​ຕ່າງປະ​ເທດ​ຂອງ​ທ່ານ ທຣຳ ກ່າວ​ວ່າ: ຜູ້ນຳ​ອາ​ເມ​ລິ​ກ​າ​ໃຊ້​ເວລາ​ຢ່າງ​ກຸ້ມ​ຄ່າ​ທີ່​ສຸດ​ໃນ​ປະຫວັດສາດ 72 ປີ ຂອງ​ UN ​ໃນ​ການ​ວິຈານ​ແບບ​ກົງ​ໄປ​ກົງ​ມາ​ເຖິງ​ປະ​ເທດ​ໃດ​ກໍ​ຕາມ​ທີ່​ສະ​ແດງ “ພຶດຕິ​ກຳ​ບໍ່​ເໝາະ​ສົມ”.

error: Content is protected !!