ຫົວໜ່ວຍທຸລະກິດ 267 ຫົວໜ່ວຍ ໄດ້ໃບອະນຸຍາດເກີນ 1 ປີແລ້ວ ແຕ່ຍັງບໍ່ທັນແຈ້ງພັນທະອາກອນ

ວັນທີ 1 ກັນຍາ 2023 ຜ່ານມານີ້ ກົມສ່ວຍສາອາກອນ ກະຊວງການເງິນ ອອກແຈ້ງການ ທີ່ມີໃບອະນຸຍາດດໍາເນີນທຸລະກິດ ແລະ ຂຶ້ນກັບການຄຸ້ມຄອງກົມສ່ວຍສາອາກອນ ແຕ່ບໍ່ທັນໄດ້ມີການແຈ້ງມອບພັນທະອາກອນ ນັບແຕ່ມື້ທີ່ໄດ້ຮັບໃບອະນຸຍາດດໍາເນີນທຸລະກິດ ໃຫ້ເຂົ້າມາປະສານສົມທົບ ແລະຢັ້ງຢືນສະພາບການເຄື່ອນໄຫວທຸລະກິດຕົວຈິງ.

ເຊິ່ງໃນແຈ້ງການດັ່ງກ່າວມີລາຍຊື່ຫົວໜ່ວຍທຸລະກິດ 267 ຫົວໜ່ວຍ ແລະ ເປັນບໍລິສັດຜູ້ຮັບເໝົາ 113 ບໍລິສັດ.

ໃຫ້ຮີບຮ້ອນລາຍງານສະພາບຂອງການເຄື່ອນໄຫວຂອງທຸລະກິດ, ສາຍເຫດທີ່ບໍ່ໄດ້ແຈ້ງ-ມອບພັນທະອາກອນໃນລະບົບ taxris ພ້ອມທັງຫົວໜ່ວຍທຸລະກິດທີ່ບໍ່ມາຕໍ່ໃບຢັ້ງຢືນການມອບພັນທະອາກອນ ເປັນເວລາ 1 ປີ ຂຶ້ນໄປໃຫ້ພົວພັນທີ່ພະແນກຄຸ້ມຄອງເກັບລາຍຮັບອາກອນ ກົມສ່ວຍສາອາກອນພາຍ ໃນ 15 ວັນລັດຖະການນັບແຕ່ມື້ລົງລາຍເຊັນເປັນຕົ້ນໄປ.