ເມືອງດາກຈຶງ ຈູດທຳລາຍອາວຸດລ່າເນື້ອ ແລະ ອາໄຫລ່ລົດດັດແປງ 300 ກວ່າລາຍການ
November 3, 2023 - 1:35 PM
ວັນທີ 3 ພະຈິກ 2023, ກອງບັນຊາການ ປກສ ເມືອງດາກຈຶງ ໄດ້ຈູດທຳລາຍອາວຸດລ່າເນື້ອ ແລະ ອາໄຫລ່ລົດດັດແປງ ທັງໝົດ 313 ລາຍການຄື: ປືນແກັບ 204 ກະບອກ, ເລົາປືນແກັບ 81 ເລົາ, ອາໄຫລ່ລົດຈັກທີ່ດັດແປງ 28 ລາຍການ ມາຈູດທຳລາຍຖິ້ມ.
ພັຕ ວົງໄຊ ໃໝຍະສອນ ຮອງຫົວໜ້າກອງບັນຊາການ ປກສ ເມືອງດາກຈຶງ ໃຫ້ຮູ້ວ່າ: ໄລຍະຜ່ານມາ ເມືອງດາກຈຶງ ຍັງມີການນຳໃຊ້ອາວຸດເສິກ, ອາວຸດລ່າເນື້ອທຸກປະເພດ, ການລ່າສັດປ່າຫວງຫ້າມ, ຮ້າຍແຮງໄປກ່ວານັ້ນ ມີບາງເຫດການໄດ້ສ້າງຄວາມເສຍຫາຍ ເຖິງຊີວິດ ແລະ ຊັບສິນຂອງປະຊາຊົນບັນດາເຜົ່າ ເຊິ່ງຜ່ານມາມີຄະດີເກີດຂຶ້ນຍ້ອນນຳໃຊ້ອາວຸດເສິກ, ອາວຸດລ່າເນື້ອ 8 ຄະດີ, ມີຜູ້ເສຍຊີວິດ 5 ຄົນ, ບາດເຈັບ 3 ຄົນ; ດັ່ງນັ້ນ ເຈົ້າໜ້າທີ່ຈຶ່ງໄດ້ສົມທົບກັບອຳນາດການປົກຄອງທ້ອງຖິ່ນລົງຕິດຕາມ, ກວດກາ ແລະ ຢຶດມາໄດ້ແລ້ວນຳມາຈູດທຳລາຍຖິ້ມ.
