ຊົ່ວໂມງເລັ່ງດ່ວນ ມັກຈະພົບເຫັນຜູ້ຂັບຂີ່ຈຳນວນໜຶ່ງ ຂັບຂີ່ບໍ່ຖືກກົດລະບຽບຈະລາຈອນ

ບັນຫາການຂັບຂີ່ລົດບໍ່ເປັນລະບຽບ ສ່ວນໜຶ່ງເຮົາມັກຈະພົບເຫັນເປັນປະຈຳໃນເວລາຕອນເຊົ້າ ແລະ ຕອນແລງຫລັງຈາກເລີກວຽກເລີກງານ ຫລື ເລີກໂຮງຮຽນ, ໂດຍສະເພາະແມ່ນຢູ່ຈຸດ 4 ແຍກໄຟແດງ ແຕ່ລະຟາກ ມັກມີນັກຂັບຂີ່ຈຳນວນໜຶ່ງຂັບຂີ່ລົດໄປກວມເອົາເລນຝ່າຍກົງກັນຂ້າມ ເພື່ອຫວັງໃຫ້ຕົວເອງໄດ້ຜ່ານຈຸດດັ່ງກ່າວໄດ້ໂດຍໄວ ແຕ່ກົງກັນຂ້າມຈາກທີ່ຈະໄດ້ໄປໄວ ແຕ່ພັດໄດ້ສ້າງຄວາມສັບສົນ ແລະ ອັ່ງອໍຈາກລົດທີ່ຂັບຂີ່ຝ່າຍກົງກັນຂ້າມຈົນເຮັດໃຫ້ລົດຕິດຂັດ ແລະ ສັບສົນ ບາງຄັ້ງກໍ່ໃຫ້ເກີດອຸບັດຕິເຫດກໍມີໃຫ້ເຫັນ.