ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ

ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ - kitchen vibe - ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ

ເວລາ 21:00 ໂມງ ຂອງວັນທີ 11 ພະຈິກ 2023ນີ້, ເຈົ້າໜ້າທີ່ພະແນກຕຳຫລວດສືບສວນ-ສອບສວນ ປກສ ແຂວງ ຈຳປາສັກ ໄດ້ຮັບລາຍງານຈາກ ປກສ ເມືອງໂພນທອງ ວ່າ: ມີຄົນບໍ່ດີຈຳນວນໜຶ່ງ ໄດ້ປຸ້ນເອົາໂທລະສັບ ຂອງເດັກນ້ອຍ 2 ຄົນ ຢູ່ບ້ານ ສະໝໍລຽບ ເມືອງໂພນທອງ ແຂວງຈຳປາສັກ ໄດ້ໂທລະສັບມືຖືໄປ 2 ໜ່ວຍ,  ຈາກນັ້ນ, ເຈົ້າໜ້າທີ່ວິຊາສະເພາະ ໄດ້ສົມທົບ ກັບ ເຈົ້າໜ້າທີ່ ປກສ ເມືອງໂພນທອງ ລົງເກັບກຳຂໍ້ມູນ ແລະ ຕິດຕາມເປົ້າໝາຍ, ມື້ຕໍ່ມາ ຈຶ່ງສາມາດກັກຕົວຜູ້ກໍ່ເຫດຊື່ ທ້າວ ເອະ ອາຍຸ 20 ປີ, ບ້ານໜອງບົວ ເມືອງໂພນທອງ ແຂວງຈຳປາສັກ (ຜູ້ກ່ຽວເຄີຍຖືກໂທດມາແລ້ວ 2 ຄັ້ງ) ມາດຳເນີນການສືບສວນ- ສອບສວນ.

ຜ່ານການສອບສວນຜູ້ກ່ຽວຮັບສາລະພາບວ່າ: ໄດ້ເຄື່ອນໄຫວລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ແລະ ເສບຢາເສບຕິດ (ຢາບ້າ) ຮ່ວມກັບໝູ່ອີກ 3 ຄົນ ຊຶ່ງເຈົ້າໜ້າທີ່ສາມາດກັກຕົວພວກກ່ຽວໃນມື້ຕໍ່ມາ, ໃນນັ້ນມີ ທ້າວ ສຸກສະຫວັນ ອາຍຸ 19 ປີ, ທ້າວ ສີໃໝ່ ອາຍຸ 22 ປີ, ທັງສອງຄົນຢູ່ບ້ານວັດຫໍພະແກ້ວ ແລະ ທ້າວ ດວງຈັນ ອາຍຸ 19 ປີ, ກຳມະກອນ ບ້ານດອນຊາດ ເມືອງໂພນທອງ ແຂວງຈຳປາສັກ ມາດຳເນີນຄະດີຕາມຂັ້ນຕອນຂອງກົດໝາຍ, ຈາກການຈັບກຸມຄັ້ງນີ້ ສາມາດຍຶດໄດ້ເຄື່ອງຂອງກາງຈຳນວນໜຶ່ງຄື: ລົດຈັກ 2 ຄັນ, ຢາບ້າ 8 ເມັດ ແລະ ຍັງສືບຕໍ່ຕິດຕາມຜູ້ຮ່ວມຂະບວນການ ແລະ ເຄື່ອງຂອງກາງຕື່ມອີກ.

ຜ່ານມາທັງ4ຄົນໄດ້ພາກັນເຄື່ອນໄຫວປຸ້ນຊັບ, ລັກຊັບ, ຍາດຊິງຊັບ, ສໍ້ໂກງຊັບ, ປິດບັງການກະທຳຜິດ ແລະ ເສບຢາເສບຕິດມາແລ້ວຫລາຍຄັ້ງ, ເມື່ອໄດ້ເຄື່ອງຂອງມາແລ້ວກໍນຳເອົາໄປຂາຍ ແລ້ວເອົາເງິນມາປັນກັນໃຊ້ຈ່າຍຫລິ້ນກິນຈົນໝົດ.

 

ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ - 5 - ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ
ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ - 3 - ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ
ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ - 4 - ຈັບ 4 ສ່ຽວ ຮ່ວມກັນລັກຊັບ, ປຸ້ນຊັບ, ຍາດຊິງຊັບ, ສໍ້ໂກງຊັບ ມາດຳເນີນຄະດີ