ປະຕິຫານ! ຟີລິບປິນ ຊ່ວຍເຫລືອເດັກຍິງທີ່ຕິດຢູ່ໃຕ້ຊາກດິນຖະຫລົ່ມ ດົນເກືອບ 60 ຊົ່ວໂມງ
February 10, 2024 - 2:06 PM
ສຳນັກຂ່າວຕ່າງປະເທດລາຍງານຈາກກຸງມະນີລາ ໃນວັນທີ 10 ກຸມພາ 2024 ວ່າ: ຈາກເຫດການດິນຖະຫລົ່ມຢູ່ໝູ່ບ້ານແຫ່ງໜຶ່ງ ໃກ້ກັບເໝືອງທອງຄຳ ໃນເມືອງມາຊາລາ ແຂວງຄາເວເດໂອໂຣ ຕັ້ງຢູ່ເກາະມິນດາເນົາ ທາງພາກໃຕ້ຂອງຟິລິບປິນ ເມື່ອວັນທີ 7 ຜ່ານມາ.
ໜ່ວຍງານທີ່ກ່ຽວຂ້ອງຍັງຄົງພະຍາຍາມສຸດຄວາມສາມາດໃນການຄົ້ນຫາຜູ້ສູນຫາຍອີກຫລາຍກວ່າ 80 ຄົນ, ເຊິ່ງເຈົ້າໜ້າທີ່ ແລະ ປະຊາຊົນມີຄວາມຫວັງຫລາຍຂຶ້ນ ເມື່ອສາມາດຊ່ວຍເຫລືອເດັກຍິງອາຍຸ 3 ປີ ອອກຈາກຊາກຫັກພັງ ຫລັງຜ່ານຊ່ວງເກີດເຫດເປັນເວລາ 60 ຊົ່ວໂມງ.
ເຈົ້າໜ້າທີ່ກູໄພຢືນຢັນຈຳນວນຜູ້ເສຍຊີວິດຈາກໄພທຳມະຊາດດັ່ງກ່າວ ເພີ່ມຂຶ້ນຢ່າງໜ້ອຍ 27 ຄົນ ແລະ ມີຜູ້ໄດ້ຮັບບາດເຈັບອີກຢ່າງໜ້ອຍ 32 ຄົນ.
