ບຸກທຳລາຍ ສາງເກັບເຄື່ອງແມ່ຄ້າອອນລາຍ ພົບສິນຄ້າບໍ່ຜ່ານມາດຕະຖານ ຫລາຍລາຍການ
February 17, 2024 - 3:04 PM
ສຳນັກຂ່າວຕ່າງປະເທດລາຍງານ ວັນທີ 14 ກຸມພາ 2024 ວ່າ: ສູນປະຕິບັດການຄະດີພິເສດ ຈັງຫວັດຊາຍແດນພາກໃຕ້ ແລະ ໜ່ວຍງານກ່ຽວຂ້ອງເຂົ້າກວດຄົ້ນສາງເກັບສິນຄ້າບໍລິສັດມາກີ້ຊ໋ອບ 2017 ໃນພື້ນທີ່ ຕຳບົນສະເຕັງນອກ ອຳເພີເມືອງຍະລາ ຫລັງຮູ້ວ່າ ມີການນຳເຂົ້າຈຳໜ່າຍສິນຄ້າທີ່ບໍ່ຜ່ານການຮັບຮອງ ແລະ ຫລີກລ່ຽງພາສີອາກອນ ໂດຍເປີດຈຳໜ່າຍຜ່ານທາງເວັບໄຊ ແລະ ເຟສບຸກ ຊື່ MakeeShop ແລະ ຕິກຕ໋ອກ ຊື່ Makeeshopofficial.
ຈາກການກວດຄົ້ນພາຍໃນເຮືອນ ພົບສິນຄ້າຫລາຍລາຍການທີ່ບໍ່ຜ່ານການຮັບຮອງມາກຕະຖານ ໂດຍສະເພາະແມ່ນ ເຕົາລີດໄອນ້ຳ, ໝໍ້ຫຸງເຂົ້າ, ໝໍ້ກະທະໄຟຟ້າ, ພັດລົມ, ພາເວີແບັງ ແລະ ລົດຖີບ ຈາກນັ້ນ ເຈົ້າໜ້າທີ່ຈຶ່ງຢຶດໄປກວດສອບ.
