ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ

- 6655 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ
- AGL banner - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ

ວັນທີ 4 ຕຸລານີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ລົງຢ້ຽມຢາມໂຮງງານຜະລິດຖ່ານຂາວ ຂອງ ບໍລິສັດ ບີເຄເອັນ ຈຳກັດ ທີ່ເມືອງໄຊທານີ ນະຄອນ ຫລວງວຽງຈັນ ​ແລະ ​ໄດ້​ຮັບ​ຟັງ​ລາຍ​ງານ​ຈາກ​ທ່ານ​ອຳນວຍ​ການ​ບໍລິສັດ​ດັ່ງກ່າວວ່າ: ບໍລິສັດ ບີເຄເອັນ ມີໂຮງງານຜະລິດຖ່ານຂາວ ທັງໝົດ 6 ​ແຫ່ງ, ລວມມີ ເຕົາເຜົາຖ່ານ 172 ເຕົາ, ​ແຕ່ລະ​ເດືອນສາມາດຜະລິດຖ່ານໄດ້ປະມານ 150 ໂຕນ. ໃນນັ້ນ, ຢູ່ເມືອງ ຫີນເຫີບ, ແຂວງວຽງຈັນມີ 2 ​ແຫ່ງ, ມີເຕົາເຜົາ 36 ເຕົາ; ຢູ່ນະຄອນຫລວງວຽງຈັນ ເມືອງສັງທອງມີ 1 ​ແຫ່ງ, ມີເຕົາເຜົາ 20 ເຕົາ, ເມືອງໄຊທານີ 1 ​ແຫ່ງ, ມີ 56 ເຕົາ, ເມືອງປາກງື່ມ 1 ​ແຫ່ງ, ມີ 30 ເຕົາ ແລະ ຢູ່ເມືອງ ທ່າພະບາດ, ແຂວງບໍລິຄຳໄຊ 1 ​ແຫ່ງ, ມີ 30 ເຕົາ. ນອກນັ້ນ, ຍັງມີເຄືອຂ່າຍຂອງບໍລິສັດ ຢູ່ພາກກາງ ແລະ ພາກໃຕ້ ​ເຊັ່ນ: ​ແຂວງຄຳມ່ວນ, ສະຫວັນນະເຂດ, ສາລະວັນ ແລະ ​ແຂວງຈຳປາສັກ. ສຳລັບວັດຖຸດິບທີ່ນຳມາປ້ອນໂຮງງານ ແມ່ນໄມ້ຕິ້ວທຸກຊະນິດທີ່ມີຂະໜາດໜ້າຕັດ ແຕ່ 7 ຊັງຕີແມັດຂຶ້ນໄປ, ໂດຍການຮັບຊື້ຈາກປະຊາຊົນທ້ອງຖິ່ນ ໃນລາຄາ 200.000 ກີບ/ແມັດກ້ອນ (ລາຄາສົ່ງທີ່ໂຮງງານ). ສ່ວນຕະຫລາດຈຳໜ່າຍ 100% ແມ່ນສົ່ງ ອອກຂາຍຕ່າງປະເທດ, ໂດຍແມ່ນຍີ່ປຸ່ນເປັນຕະຫລາດຫລັກ.​

ໃນໂອກາດດັ່ງກ່າວ, ທ່ານຮອງນາຍົກລັດຖະມົນຕີ ໄດ້ໃຫ້ກຽດໂອ້ລົມ ແລະ ເນັ້ນໃຫ້ບໍລິສັດ ບີເຄເອັນ ເອົາໃຈໃສ່ຕື່ມດ້ານການຜະລິດ ແລະ ຈຳໜ່າຍໃຫ້ເປັນ ລະບົບຄົບ ຊຸດ ແລະ ທັນສະໄໝກວ່າເກົ່າ, ທັງມີຄຸນນະພາບ ແລະ ໄດ້ມາດຕະຖານ ຕາມທີ່ຕະຫລາດຕ້ອງການ; ພ້ອມ​ເອົາ​ໃຈ​ໃສ່ຊຸກຍູ້ສົ່ງເສີມປະຊາຊົນປູກໄມ້ຕິ້ວໃຫ້ເປັນຂະບວນ ​ແລະ ໄດ້ຮັບຜົນປະໂຫຍດຢ່າງແທ້ຈິງ, ສ່ວນດ້ານ ລາຄາກໍ​ໃຫ້ມີຄວາມຍຸຕິທຳແກ່ທຸກຝ່າຍ. ພ້ອມນັ້ນ, ທ່ານຍັງໄດ້ຮັບເອົາບາງຂໍ້ສະເໜີ ຂອງບໍລິສັດ ໄປພິຈາລະນາເບິ່ງຄວາມເໝາະສົມ, ແທດເໝາະກັບສະພາບ ແລະ ເງື່ອນໄຂຄວາມເປັນຈິງ.

- Wave100S AD to Website 2020 0 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ
- WhatsApp Image 2020 05 27 at 5 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ
- WhatsApp Image 2020 05 27 at 5 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ
- WhatsApp Image 2020 05 27 at 5 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ
- WhatsApp Image 2020 05 27 at 5 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ຢ້ຽມຢາມໂຮງງານຜະລິດຖ່ານຂາວ
error: Alert: Content is protected !!