ລາວ-ອິນໂດເນເຊຍທົບທວນຄືນການພົວພັນຮ່ວມມືສອງຝ່າຍ

- KPL 7593 - ລາວ-ອິນໂດເນເຊຍທົບທວນຄືນການພົວພັນຮ່ວມມືສອງຝ່າຍ
- AGL banner - ລາວ-ອິນໂດເນເຊຍທົບທວນຄືນການພົວພັນຮ່ວມມືສອງຝ່າຍ

ກະຊວງການຕ່າງປະເທດ ຮ່ວມກັບ ສະຖານທູດອິນໂດເນເຊຍ ປະຈຳ ສປປ ລາວ ຈັດກອງປະຊຸມ 60 ປີ ແຫ່ງການພົວພັນການທູດ ລະຫວ່າງ ສປປ ລາວ-ສ.ອິນໂດເນເຊຍ ພາຍໃຕ້ຫົວຂໍ້: “ຄວາມກ້າວໜ້າ ແລະ ສິ່ງທ້າທາຍໃນການພົວພັນສອງຝ່າຍ ລະຫວ່າງ ສປປ ລາວ ແລະ ສ. ອິນໂດເນເຊຍ ປັດຈຸບັນ ແລະ ອະນາຄົດ” ຂຶ້ນທີ່ນະຄອນຫລວງວຽງຈັນໃນວັນທີ 6 ຕຸລານີ້, ໂດຍການເຂົ້າຮ່ວມຂອງທ່ານ ບຸນເຫລືອ ພັນດານຸວົງ ຫົວໜ້າຫ້ອງການກະຊວງການຕ່າງປະເທດ ແລະ ທ່ານ ເດສຣາ ເປີກາຢາ (Desra Percaya) ຮອງລັດຖະມົນຕີ ຜູ້ຮັບຜິດຊອບວຽກງານການຕ່າງ ປະ ເທດໃນຂົງເຂດອາຊີປາຊີຟິກ ແລະ ອາຟຣິກາ, ກະຊວງການຕ່າງປະເທດອິນໂດເນເຊຍປະຈໍາລາວ ແລະ ສະມາຄົມມິດຕະພາບ ລາວ-ອິນໂດເນເຊຍເຂົ້າຮ່ວມ 300 ກວ່າຄົນ.

ກອງ​ປະຊຸມໄດ້ທົບທວນຄືນເຖິງຜົນສຳເລັດຂອງການພົວພັນຮ່ວມມືລະຫວ່າງ ສປປ ລາວ ແລະ ສ. ອິນໂດເນເຊຍ ຕະຫລອດໄລຍະ 60 ປີຜ່ານມາ ກໍຄື ນັບຕັ້ງແຕ່ສ້າງຕັ້ງສາຍພົວ ພັນການທູດນຳກັນ ໃນວັນທີ 30 ສິງຫາ 1957-30 ສິງຫາ 2017. ການພົວພັນຮ່ວມມືຂອງທັງສອງຝ່າຍ ໄດ້ຮັບການຊຸກຍູ້ສົ່ງເສີມ ແລະ ເປີດກວ້າງເປັນກ້າວໆມາ, ພ້ອມທັງໄດ້ມີການແລກປ່ຽນການຢ້ຽມຢາມເຊິ່ງກັນ ແລະ ກັນ ຂອງຄະນະຜູ້ແທນຂັ້ນສູງຂອງສອງປະເທດຢ່າງເປັນປົກກະຕິ ເພື່ອເສີມຂະຫຍາຍການພົວພັນຮ່ວມມືສອງຝ່າຍອັນເປັນມູນເຊື້ອ ແລະ ຄວາມເຂົ້າອົກເຂົ້າໃຈເຊິ່ງກັນ ແລະ ກັນ, ເຊິ່ງເຫັນໄດ້ຈາກການສ້າງຕັ້ງຄະນະກຳມະການຮ່ວມມືສອງຝ່າຍລາວ-ອິນໂດເນເຊຍ ໃນປີ 2004, ເພື່ອຊຸກຍູ້ ແລະ ສົ່ງເສີມການຮ່ວມມືໃນດ້ານຕ່າງໆໃຫ້ຂະຫຍາຍຕົວ ແລະ ມີປະສິດທິຜົນດີຂຶ້ນກວ່າເກົ່າ ເປັນຕົ້ນແມ່ນ ການຮັດແໜ້ນການພົວພັນທາງດ້ານການຄ້າ-ການລົງທຶນ, ການທະນາຄານ, ວຽກງານປ້ອງກັນປະເທດ, ການສຶກສາ, ໂທລະຄົມມະນາຄົມ ແລະ ການສື່ສານ, ໂຍທາທິການ ແລະ ຂົນສົ່ງ. ນອກນັ້ນ, ສອງຝ່າຍຍັງໄດ້ໃຫ້ການສະໜັບສະໜູນເຊິ່ງກັນ ແລະ ກັນ ໃນເວທີ ພາກພື້ນ ແລະ ສາກົນອື່ນໆອີກ. ພ້ອມນີ້, ຜູ້​ຂົ້າຮ່ວມ​ກອງ​ປະຊຸມ​ດັ່ງກ່າວ ຍັງໄດ້ຊົມງານວາງສະແດງຮູບພາບ ກ່ຽວກັບການພົວພັນຮ່ວມມືສອງຝ່າຍ ລາວ-ອິນໂດເນເຊຍ ຕະຫລອດໄລຍະ 60 ປີ ຜ່ານມາ.

 

- Wave100S AD to Website 2020 0 - ລາວ-ອິນໂດເນເຊຍທົບທວນຄືນການພົວພັນຮ່ວມມືສອງຝ່າຍ

 

- lattana banner - ລາວ-ອິນໂດເນເຊຍທົບທວນຄືນການພົວພັນຮ່ວມມືສອງຝ່າຍ
- lattana banner 1 - ລາວ-ອິນໂດເນເຊຍທົບທວນຄືນການພົວພັນຮ່ວມມືສອງຝ່າຍ
-    AD conten website - ລາວ-ອິນໂດເນເຊຍທົບທວນຄືນການພົວພັນຮ່ວມມືສອງຝ່າຍ
error: Alert: ເນື້ອຫາຂ່າວມີລິຂະສິດ !!