ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ

ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ - Untitled 2 - ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ
ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ - kitchen vibe - ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ

     ກອງປະຊຸມລັດຖະມົນຕີເສດຖະກິດອາຊຽນ ຢູ່ແຂວງຫລວງພະບາງ ສປປ ລາວ ສະແດງຄວາມມຸ່ງໝັ້ນສົ່ງເສີມການຮ່ວມມື ແລະ ການເຊື່ອມໂຍງ ເພື່ອກະຕຸ້ນການຄ້າ ແລະ ເສດຖະກິດໂດຍລວມຂອງປະຊາຄົມເສດຖະກິດອາຊຽນ (AEC).

     ວັນທີ 13 ມີນາ, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າຂອງລາວ ຖະແຫລງວ່າ: ຄະນະຜູ້ແທນຈາກປະເທດສະມາຊິກອາຊຽນໄດ້ຫາລືບັນຫາສໍາຄັນທາງເສດຖະກິດຂອງປີນີ້ ແລະ ແລກປ່ຽນມຸມມອງກ່ຽວກັບທິດທາງເສດຖະກິດລະດັບພາກພື້ນ ແລະ ລະດັບໂລກ.

ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ - Visit Laos Visit SALANA BOUTIQUE HOTEL - ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ

     ຂະນະດຽວກັນ, ລັດຖະມົນຕີເສດຖະກິດອາຊຽນຍັງຫາລືແຜນລິເລີ່ມສໍາຄັນບາງສ່ວນ ຕາມຂອບປະຊາຄົມເສດຖະກິດອາຊຽນເຊັ່ນ: ການເຈລະຈາຂໍ້ຕົກລົງເສດຖະກິດດິຈີຕອນອາຊຽນ ແລະ ການເຈລະຈາຂໍ້ຕົກລົງການຄ້າສິນຄ້າຂອງອາຊຽນ ເຊິ່ງປຽບດັງກະດູກສັນຫລັງຂອງການຄ້າໃນພາກພື້ນ ຈຶ່ງຕ້ອງໄດ້ຮັບການປັບປຸງ ເພື່ອເກື້ອໜູນ ແລະ ສົ່ງເສີມການພັດທະນາແບບຍືນຍົງ.

     ນອກຈາກນັ້ນ, ມີການຫາລືຄວາມກ້າວໜ້າຂອງການດໍາເນີນງານຕາມແຜນງານປະຊາຄົມເສດຖະກິດອາຊຽນ 2025 ແລະ ການພັດທະນາວິໄສທັດປະຊາຄົມອາຊຽນ 2045 ພ້ອມມີການຮັບຮອງຂອບການອໍານວຍຄວາມສະດວກດ້ານບໍລິການຂອງອາຊຽນ ເຊິ່ງເປັນຊຸດຫລັກການ ແລະ ແຜນປະຕິບັດງານເພື່ອບູລະນະ ແລະ ເພີ່ມຄວາມສາມາດທາງການແຂ່ງຂັນຂອງຂະແໜງທຸລະກິດບໍລິການ.

      ທັງນີ້, ລາວນໍາສະເໜີບັນຫາສໍາຄັນທາງເສດຖະກິດ 14 ປະການ ເຊິ່ງກ່ຽວກັບກະສິກໍາ, ການທ່ອງທ່ຽວ, ພະລັງງານ, ຊັບສິນທາງປັນຍາ, ວິສາຫະກິດຂະໜາດກາງ ແລະ ຂະໜາດນ້ອຍ ແລະ ການປ່ຽນຜ່ານທາງດິຈີຕອນ ຕະຫລອດຮອດແຜນລິເລີ່ມເພື່ອສົ່ງເສີມຕ່ອງໂສ້ອຸປະທານ ແລະ ຫລຸດຊ່ອງວ່າງທາງການພັດທະນາໃນບັນດາປະເທດສະມາຊິກອາຊຽນ.

     ທ່ານ ມະໄລທອງ ຮຽກຮ້ອງໃຫ້ລັດຖະມົນຕີເສດຖະກິດອາຊຽນເຮັດວຽກຮ່ວມກັນຢ່າງໃກ້ຊິດຍິ່ງຂຶ້ນ, ສະແຫວງຫາຫົນທາງຮັບມືຕໍ່ຄວາມທ້າທາຍ ແລະ ກໍານົດທິດທາງອັນເໝາະສົມເພື່ອການພັດທະນາໃນອະນາຄົດ ໂດຍສະເພາະການດໍາເນີນງານຕາມແຜນການທີ່ກ່ຽວຂ້ອງຕ່າງໆ ພ້ອມກະຕຸ້ນການພັດທະນາເພື່ອຜົນປະໂດຍດ, ການເປັນໜຶ່ງດຽວກັນ ແລະ ອໍານາດທາງການຄ້າຂອງປະຊາຄົມເສດຖະກິດອາຊຽນ.

ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ - 3 - ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ
ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ - 5 - ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ
ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ - 4 - ອາຊຽນເນັ້ນການຮ່ວມມື ເພີ່ມອໍານາດການຄ້າລະດັບພາກພື້ນ