ເມືອງສັງທອງສ້າງຂະບວນການຕ້ອນຮັບວັນປະກາດເອກະລາດ 12 ຕຸລາ ຄົບຮອບ 72 ປີ
ວັນທີ 11 ຕຸລານີ້, ເມືອງ ສັງທອງ ໄດ້ສ້າງຂະບວນການ ອອກແຮງງານລວມເພື່ອຕ້ອນ ຮັບວັນປະກາດເອກະລາດ 12 ຕຸລາ ຄົບຮອບ 72 ປີ, ນຳພາ ໂດຍ ທ່ານ ຄຳໝູນ ຕຽງທະລາດ ເຈົ້າເມືອງສັງທອງ, ມີບັນດາພະ ນັກງານ-ລັດຖະກອນ, ທະຫານ ຕຳຫລວດ ແລະ ປະຊາຊົນອ້ອມ ຂ້າງ ເມືອງເຂົ້າຮ່ວມເປັນຈຳ ນວນຫລາຍໂດຍໄດ້ມີການຕັດ ຫຍ້າຕາມເດີ່ນ ສຳນັກງານຫ້ອງ ວ່າ ການຕາມສອງຝາກທາງ ເທດສະບານເມືອງ, ເກັບຂີ້ ເຫຍື້ອ, ຕັດຕອນກິ່ງໄມ້ ແລະ ອະ ນາໄມຮ່ອງລະບາຍນ້ຳເປື້ອນ, ເພື່ອເປັນການສ້າງຄວາມສະ ອາດຈົບງາມ, ຕ້ານພະຍາດ ຕາມລະດູການ ແລະ ທຳລາຍ ແຫລ່ງເພາະພັນຍຸງລາຍ, ພ້ອມ ທັງເປັນການປະຕິບັດຄຳຂວັນ 6 ສ ໂດຍສະເພາະ ສ. ສະອາດ ຂອງນະຄອນຫລວງວຽງຈັນ ວາງອອກໃຫ້ຜົນ ເປັນຈິງເທື່ອລະກ້າວ.
+ ເມືອງສັງທອງດຳເນີນກອງປະຊຸມຄະນະບໍລິຫານງານພັກເມືອງປະຈຳໄຕມາດ III
+ ນະຄອນຫລວງຫາລືສ້າງຂະບວນການບໍລິຈາກເລືອດ
ພ້ອມນີ້ ປະຊາຊົນພາຍ ໃນເມືອງ ຍັງໄດ້ພ້ອມກັນອະນາໄມ ແລະ ອອກແຮງງານ ລວມ ໃນຂອບເຂດເຮືອນຊານ ບ້ານຊ່ອງຂອງຕົນເອງ ແລະ ຕາມສະຖານ ທີ່ຕ່າງໆ, ຕາມ ທາງຮ່ອມ-ທາງຫລວງໃຫ້ມີ ຄວາມຈົບງາມຫລາຍຂຶ້ນ.
