ກຽມອອກມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ແລະ ຈະປະກາດໃຊ້ໃນໄວໆນີ້

- 4356 - ກຽມອອກມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ແລະ ຈະປະກາດໃຊ້ໃນໄວໆນີ້
- kitchen vibe - ກຽມອອກມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ແລະ ຈະປະກາດໃຊ້ໃນໄວໆນີ້

ໃນໂອກາດໂອ້ລົມຕໍ່ກອງປະຊຸມເປີດກວ້າງສະຫລຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກໃນຂະແໜງອຸດສາຫະກຳ ແລະ ການຄ້າ ວັນທີ 5 ເມສາ 2024 ນະຄອນຫລວງວຽງຈັນ, ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ໄດ້ສະເໜີບາງຈິດໃຈທີ່ກົມການເມືອງສູນກາງພັກ ພວມຕົກລົງໃຫ້ອອກມະຕິ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ເຊິ່ງຈະປະກາດໃຊ້ໃນໄວໆນີ້.

ເນື້ອໃນສຳຄັນແມ່ນແນໃສ່ສ້າງພື້ນຖານເສດຖະກິດຂອງປະເທດເຮົາໃຫ້ເປັນເສດຖະກິດທີ່ນັບມື້ນັບມີຄວາມເປັນເອກະ ລາດ ແລະເປັນເຈົ້າຕົນເອງ, ໂດຍເນັ້ນໃສ່:

- Visit Laos Visit SALANA BOUTIQUE HOTEL - ກຽມອອກມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ແລະ ຈະປະກາດໃຊ້ໃນໄວໆນີ້

– ການຮູ້ຂຸດຄົ້ນນໍາໃຊ້ໃນສິ່ງທີ່ປະເທດຊາດ ແລະສັງຄົມລາວມີຢູ່, ສິ່ງທີ່ເຮົາສາມາດເຮັດໄດ້, ຮູ້ອີງໃສ່ທ່າແຮງບົ່ມຊ້ອນຂອງປະເທດ, ຮູ້ວາງແຜນໃນການຂຸດຄົ້ນ, ຄຸ້ມຄອງ, ນໍາໃຊ້ຊັບພະຍາກອນຂອງຊາດອອມາເປັນນທຶນຮອນຢ່າງຄຸ້ມຄ່າ.

– ສ້າງໃຫ້ຄົນລາວມີສະຕິຄວາມເປັນເຈົ້າຫລາຍຂຶ້ນໃນການຮູ້ຫາເງິນຢ່າງເປັນລະບົບ, ຮູ້ຕໍ່ຍອດ ແລະ ສ້າງມູນຄ່າເພີ່ມໃໝ່ຂຶ້ນຢ່າງຮູ້ສະສົມ ແລະ ນໍາໃຊ້ທຶນຢ່າງປະຢັດ, ພ້ອມກັນນັ້ນ ກໍຕ້ອງສ້າງຄ່ານິຍົມໃຫ້ຄົນລາວຫັນມາຊົມໃຊ້ຜະລິດຕະພັນຂອງຄົນລາວຫລາຍຂຶ້ນຢ່າງບໍ່ຢຸດຢັ້ງ. ດັ່ງຄໍາຂັວນທີ່ເຄີຍເວົ້າຜ່ານມາ “ລາວເຮັດ ລາວໃຊ້ ລາວໄດ້ ລາວຈະເລີນ” ເຊິ່ງເຫັນວ່າຖືກຕ້ອງທີ່ສຸດ ຖ້າຄົນລາວຜະລິດສິນຄ້າອອກມາແລ້ວ ຄົນລາວເຮົາເອງບໍ່ສະ ໜັບສະໜູນ ກໍບໍ່ສາມາດພັດທະນາຕໍ່ຍອດໄປໄດ້, ມັນກໍບໍ່ສາ ມາດເຮັດໃຫ້ປະເທດເຮົາເປັນເຈົ້າຕົນເອງໄດ້ຈັກເທື່ອ ປະເທດເຮົາກໍຈະສືບຕໍ່ເປັນປະເທດເພິ່ງພາຕະຫລອດໄປ.

– ເຮັດໃຫ້ຄົນລາວ ຮູ້ຊອກຄົ້ນຫາລາຍຮັບ, ຮູ້ສະສົມຢ່າງກຸ້ມຄ່າ ແລະ ເກີດດອກອອກຜົນ.

– ຮູ້ຈັກຂຸດຄົ້ນຕະຫລາດພາຍໃນ ການກ້າເຂົ້າເຖິງ ແລະ ແບ່ງປັນຈາກຕະຫລາດສາກົນ.

– ຮູ້ຈັກເຂົ້າເຖິງເຕັກໂນໂລຊີໃໝ່ທີ່ທັນສະໄໝຂອງຍຸກສະໄໝ ແລະ ນໍາໃຊ້ສິ່ງທີ່ໂລກມີແຕ່ເຮົາຍັງຂາດໃຫ້ໄດ້ຢ່າງສົມສ່ວນ ແລະ ມີການເລືອກເຟັ້ນ.

– ເດັດດ່ຽວຫັນເອົາເສດຖະກິດຂອງປະເທດເຮົາອອກສູ່ໂລກ, ນໍາໃຊ້ຊັບພະຍາກອນທີ່ມີຢູ່ຢ່າງຈໍາກັດນີ້ໃຫ້ເພີ່ມມູນຄ່າໃໝ່ໆ ຂອງໂລກມານໍາໃຊ້, ທັງຊອກເອົາ, ທັງພັດທະນາ, ຍາດແຍ່ງທຶນຮອນ, ເຕັກໂນໂລຊີຈາກພາຍໃນອກກະທົບໃສ່ຊັບພະຍາກອນທີ່ເປັນທ່າແຮງຂອງປະເທດເຮົໃຫ້ອອກເປັນຜະລິດຕະພັນ, ສ້າງຍີ້ຫໍ້ສິນຄ້າລາວທີ່ມີຄຸນນະພາບອອກສູ່ຕະຫລາດໂລກໃຫ້ຫລາຍຂຶ້ນ.

– ເປັນເຈົ້າການ ຄິດໄລ່-ໄຕ່ຕອງການນໍາເອົາຜະລິດຕະພັນຈາກພາຍນອກມາຊົມໃຊ້ຢ່າງມີຈຸດສຸມ ແລະ ມີການເລືອກເຟັ້ນ.

ທັງໝົດນັ້ນ ແນໃສ່ເຮັດໃຫ້ຄົນລາວ, ສັງຄົມລາວ:
– ຍົກລະດັບວິທີການທໍາມາຫາກິນແບບໃໝ່ທີ່ນັບມື້ ນັບທັນສະ ໄໝ ປະຢັດຕົ້ນທຶນ ແລະ ສ້າງມູນຄ່າເພີ່ມສູງຂຶ້ນ.
– ຮູ້ສ້າງສາພັດທະນາດ້ວຍສະຕິປັນຍາ ດ້ວຍຄວາມສາມາດທີ່ຢືນຢູ່ ແລະ ເດີນໜ້າດ້ວຍລໍາຂາຂອງຕົນເອງຢ່າງເປັນເຈົ້າການ.
– ຮູ້ນໍາໃຊ້ຊັບພະຍາກອນທີ່ພວກເຮົາມີຢູ່ໃຫ້ເປັນທຶນຮອນ, ແຕ່ຊັບພະຍາກອນຂອງຊາດ ຕ້ອງໄດ້ຮັບການປົກປັກຮັກສາ ແລະ ພັດທະນາຂຶ້ນຕື່ມ ເພື່ອສາມາດນໍາໃຊ້ໄດ້ຢ່າງຍາວນານ.
– ເຮັດໃຫ້ປະຊາຊົນລາວ ໄດ້ຮັບຜົນປະໂຫຍດຈາກການພັດທະນາຢ່າງຍຸຕິທໍາ, ຮັ່ງມີ, ທົ່ວເຖີງ ແລະ ມີຄວາມຍືນຍົງໄປຕາມໆ ກັນ ແລະ ອື່ນໆ.

ຂ່າວ: ວິທະຍຸແຫ່ງຊາດ

- 3 - ກຽມອອກມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ແລະ ຈະປະກາດໃຊ້ໃນໄວໆນີ້
- 4 - ກຽມອອກມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ແລະ ຈະປະກາດໃຊ້ໃນໄວໆນີ້
- 5 - ກຽມອອກມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫລື “ສອຈ” ແລະ ຈະປະກາດໃຊ້ໃນໄວໆນີ້