ງານລາວແຟຊັ້ນວີກ 2017 ມີຜົນຕອບຮັບເກີນຄາດໝາຍ

- fashionn - ງານລາວແຟຊັ້ນວີກ 2017 ມີຜົນຕອບຮັບເກີນຄາດໝາຍ
- Untitled design - ງານລາວແຟຊັ້ນວີກ 2017 ມີຜົນຕອບຮັບເກີນຄາດໝາຍ

ວັນທີ 13 ຕຸລາຜ່ານມານີ້, ທ່ານນາງ ປານີ ໄຊຍະວົງ ຜູ້ອຳນວຍການ ລາວແຟຊັ້ນວີກ ໄດ້ຈັດພິທີສະຫລຸບວຽກງານລາວແຟຊັ້ນວີກ 2017, ໂດຍ ການເຂົ້າຮ່ວມຂອງທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ ແຫ່ງ ສປປ ລາວ ແລະ ທ່ານນາງ ໂກຣດີນ ເລີດູ ເອກອັກຄະລັດຖະທູດ ຝຣັ່ງ ປະຈຳລາວ ແລະ ມີບັນດາພາກສ່ວນກ່ຽວຂ້ອງຕ່າງໆເຂົ້າຮ່ວມ.

ງານດັ່ງກ່າວ ໄດ້ຈັດຂຶ້ນລະຫວ່າງວັນທີ 11-15 ກັນຍາ ຜ່ານມານີ້, ທີ່ນະຄອນຫລວງວຽງຈັນ, ຊຶ່ງເຫັນວ່າມີຜົນສຳເລັດເກີນຄາດໝາຍ, ໂດຍມີນັກອອກແບບມືອາຊີບທັງໃນ ແລະ ຕ່າງປະເທດເຂົ້າຮ່ວມສະແດງຜົນ ງານຫລາຍກວ່າປີຜ່ານມາ, ພ້ອມນີ້ ລາວແຟຊັ້ນວີກ 2017 ຍັງໄດ້ຮ່ວມມື ກັບບັນດາອາຊຽນແຟຊັ້ນວີກ ແລະ ເຄືອຂ່າຍແຟຊັ້ນຂອງຂົງເຂດປະເທດອາ ຊຽນ ເພື່ອດຳເນີນຕາມເປົ້າໝາຍຫລັກໃນການນຳເອົາວົງການແຟຊັ້ນຂອງລາວ ກ້າວໄປສູ່ລະດັບສາກົນຢ່າງເຕັມຮູບແບບ.

- Wave100S AD to Website 2020 0 - ງານລາວແຟຊັ້ນວີກ 2017 ມີຜົນຕອບຮັບເກີນຄາດໝາຍ

ຜູ້ອຳນວຍການລາວແຟຊັ້ນວີກ ກ່າວວ່າ: ເປົ້າໝາຍຂອງລາວແຟຊັ້ນວີກ ແມ່ນການສ້າງໂອກາດໃຫ້ບັນດານັກອອກແບບໜຸ່ມນ້ອຍຂອງລາວ ທີ່ຍັງດ້ອຍ ໂອກາດ ໃຫ້ມີເວທີສະແດງຜົນງານການອອກແບບ ແລະ ຄວາມສາມາດຂອງ ເຂົາເຈົ້າທີ່ບໍ່ໄດ້ດ້ອຍກວ່າຊາດໃດໆ ແລະ ສາມາດກ້າວເຂົ້າສູ່ວົງການແຟຊັ້ນ ມືອາຊີບຢ່າງເຕັມຮູບແບບ, ໄລຍະຜ່ານມາ ຍັງໄດ້ສົ່ງນັກອອກແບບໜຸ່ມນ້ອຍດີເດັ່ນຂອງລາວ ໄປສຶກສາຕໍ່ໃນຫລັກສູດການອອກແບບລະດັບ 6 ເດືອນທີ່ປະເທດຝຣັ່ງ, ເພື່ອ ນຳເອົາຄວາມຮູ້ເຫລົ່ານັ້ນມາພັດທະນາວົງການແຟຊັ້ນຂອງລາວໃຫ້ທຽບເທົ່າສາກົນເທື່ອລະກ້າວ.

- WhatsApp Image 2020 05 27 at 5 - ງານລາວແຟຊັ້ນວີກ 2017 ມີຜົນຕອບຮັບເກີນຄາດໝາຍ
- WhatsApp Image 2020 05 27 at 5 - ງານລາວແຟຊັ້ນວີກ 2017 ມີຜົນຕອບຮັບເກີນຄາດໝາຍ
error: Alert: ເນື້ອຫາຂ່າວມີລິຂະສິດ !!