ລາວກຽມສັກວັກຊີນ​ປ້ອງ​ກັນ​ພະຍາດ​ໂປ​ລີ​ໂອ

- advert banner 728 90 728x90 - ລາວກຽມສັກວັກຊີນ​ປ້ອງ​ກັນ​ພະຍາດ​ໂປ​ລີ​ໂອ

ທ່ານຮອງລັດຖະມົນຕີກະຊວງສາທາລະນະສຸກ ພູທອນ ເມືອງປາກ ໃຫ້ຮູ້ວ່າ: ເພື່ອປະຕິບັດ​ຄຳ​ສັ່ງ​ແນະນຳ​ຂອງ​ລັດຖະມົນຕີ​ກະຊວງ​ສາທາລະນະ​ສຸກວ່າ​ດ້ວຍ​ການ​ເອົາ​ໃຈ​ໃສ່​ຍົກ​ອັດຕາ​ສັກ​ຢາ​ກັນ​ພະຍາດ​ໃຫ້​ບັນລຸ 95% ໃນທ້າຍ​ປີ 2017 ​ໃນ​ທຸກ​ແຂວງ​ທົ່ວ​ປະ​ເທດ ​ແລະ ຄູ່​ມື​ສຳລັບ​ພະນັກງານ​ແພດ​ໃນ​ການ​ສັກ​ວັກ​ຊິນ IPV ຮອບ​ຕະລຸມບອນເພື່ອ​ປ້ອງ​ກັນ​ພະຍາດ​​ໂປ​ລີ​ໂອ, ເນື່ອງ​ເດັກນ້ອຍ​ໃນ​ບາງ​ເຂດ, ​ໂດຍ​ສະ​ເພາະ​ແມ່ນ​ໃນ 4 ​ແຂວງຄື​: ແຂວງ​ຊຽງ​ຂວາງ, ວຽງ​ຈັນ, ບໍລິ​ຄຳ​ໄຊ ​ແລະ ​ໄຊ​ສົມບູນ ​ໄດ້​ຮັບ​ຜົນ​ກະທົບ​ຈາກ​ພະຍາດ​ຊຶມ​ເຊື້ອຮ້າຍ​ແຮງ​ຈາກ​ໂປ​ລີ​ໂອ​ໃນ​ທ້າຍ​ປີ 2015 ຜ່ານ​ມາ, ​ເຊິ່ງລວມ​ມີ 11 ກໍລະນີ, ​ໃນ​ນັ້ນ​ເສຍ​ຊີວິດ 2 ກໍລະນີຢູ່​ເມືອງ​ບໍລິ​ຄັນ​ແຂວງ​ບໍລິ​ຄຳ​ໄຊ, ການ​ເຈັບ​ເປັນ, ພິການ ​ແລະ ​ເສຍ​ຊີວິດ​ຂອງ​ລູກ​ຫລານ​ໄລຍະ​ຜ່ານ​ມາ​ເຫັນ​ໄດ້​ວ່າ​ລະບົບ​ການ​ປ້ອງ​ກັນ​ພະຍາດ​ເວົ້າສະ​ເພາະ​ວຽກ​ງານ​ສັກ​ຢາ-ຢອດ​ຢາ​ກັນ​ພະຍາດ​ຍັງ​ມີ​ຊ່ອງຫ​ວ່າງ​ເຮັດ​ໃຫ້​ພະຍາດ​ອັນຕະລາຍ​ນີ້​ເກີດ​ຂຶ້ນກັບ​ລູກຫລານ​​ພວກ​ເຮົາ ແລະ ເປັນສັນຍານ​ເຕືອນ​ວ່າພວກເຮົາ​ຕ້ອງ​ໄດ້​ເອົາ​ໃຈ​ໃສ່​​ເພີ່ມ​ຂຶ້ນ​ໃນ​ການ​ປ້ອງ​ກັນ​ພະຍາດ​ໂປ​ລີ​ໂອຄື:ຕ້ອງ​ໄດ້​ມີ​ການ​ໃຫ້​ວັກ​ຊິນ​ທັງ​ຊະນິດ​ຢອດທາງ​ປາກ ​ແລະ ຊະນິດ​ສັກ​ໄປ​ພ້ອມ​ກັນ​ຈຶ່ງ​ຈະ​ໄດ້​ຮັບ​ຜົນ​ດີ​ທີ່​ສຸດ, ​ໂດຍ​ສະ​ເພາະ​ແມ່ນ​ເດັກນ້ອຍ​ລຸ່ມ 1 ປີ ​ແລະ ​ເດັກທີ່​ດ້ອຍ​ໂອກາດ​ກ່ອນ​ທີ່​ອົງການ​ຈັດຕັ້ງສາກົນ​ຈະ​​ເຮັດ​ການ​ປະ​ເມີນ​ຜົນ​ອີກ​ເທື່ອ​​ໃໝ່​ໃນຕົ້ນປີ 2018.

- new3 - ລາວກຽມສັກວັກຊີນ​ປ້ອງ​ກັນ​ພະຍາດ​ໂປ​ລີ​ໂອ
- lattana 1 - ລາວກຽມສັກວັກຊີນ​ປ້ອງ​ກັນ​ພະຍາດ​ໂປ​ລີ​ໂອ
error: Content is protected !!