ເປີດປື້ມ 70 ປີ ການທູດລາວ

- advert banner 728 90 728x90 - ເປີດປື້ມ 70 ປີ ການທູດລາວ

ສະຖາບັນ ການຕ່າງປະເທດກະຊວງການ ຕ່າງປະເທດ ໄດ້ຈັດພິທີເປີດ “ປື້ມການທູດລາວ 70 ປີ” ຂຶ້ນຢ່າງເປັນທາງການ​ໃນ​ທ້າຍ​ອາທິດ​ຜ່ານ​ມາ​ນີ້ ໂດຍການ​ເຂົ້າຮ່ວມຂອງທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການ ຕ່າງປະເທດ ພ້ອມດ້ວຍຄະນະນຳກະຊວງການຕ່າງປະເທດ ແລະ ຄະນະພົວພັນການຕ່າງປະເທດສູນກາງພັກ, ເອກອັກຄະລັດຖະທູດລາວ, ນັກການ ທູດອາວຸໂສບຳນານ​ເຂົ້າຮ່ວມ.

- new3 - ເປີດປື້ມ 70 ປີ ການທູດລາວ

ວັນທີ 12 ຕຸລາ 1945 ເປັນ ວັນປະກາດເອກະລາດຂອງລາວ ເຮັດໃຫ້ຊາວໂລກຮັບຮູ້ເອກະລາດ, ອະທິປະໄຕອັນຄົບຖ້ວນຂອງລາວຕັ້ງແຕ່ວັນນັ້ນເປັນຕົ້ນມາ ​ເຊິ່ງຖືໄດ້ວ່າເປັນວັນໜຶ່ງທີ່ມີຄວາມໝາຍສຳຄັນໃນປະຫວັດສາດ ຂອງປະເທດເຮົາ. ໃນເວລານັ້ນ ລັດຖະບານລາວອິດສະຫຼະໄດ້ຮັບການສ້າງຕັ້ງຂຶ້ນ ແລະ ໄດ້ວາງແນວທາງການເມືອງອອກ 12 ຂໍ້ ​ເຊິ່ງຂໍ້ສຸດທ້າຍໄດ້ກຳນົດ ເອົານະໂຍບາຍການຕ່າງປະເທດຂອງຕົນຢ່າງເປັນທາງການ. ດັ່ງນັ້ນ, ລັດຖະບານ ຈຶ່ງໄດ້ກຳນົດເອົາວັນດັ່ງກ່າວເປັນ “ວັນການທູດລາວ” ແລະ ຖືເປັນວັນກຳເນີດຂອງການເຄື່ອນໄຫວດ້ານວຽກງານການຕ່າງປະເທດຂອງ ສປປ ລາວ ເພື່ອໃຫ້ຄົນຮຸ່ນຫຼັງໄດ້ຮັບຮູ້, ຈົດຈຳ ແລະ ເຫັນໄດ້ເຖິງບົດບາດຄວາມໝາຍຄວາມສຳຄັນຂອງວຽກງານການທູດທີ່ຕິດພັນກັບຜົນສຳເລັດແຫ່ງການຕໍ່ສູ້ປົດປ່ອຍປະເທດຊາດ ແລະ ການສືບຕໍ່ເຄື່ອນໄຫວປະກອບສ່ວນປົກປັກຮັກສາ ແລະ ພັດທະນາປະເທດຊາດ ຄຽງຄູ່ກັບການເຊີດຊູ-ຍົກສູງບົດບາດຂອງ ສປປ ລາວ ໃນເວທີພາກພື້ນ ແລະ ສາກົນ. ໃນພິທີ, ທ່ານ ພົງສະຫວັດ ບຸບຜາ ອະດີດລັດຖະມົນຕີ ຫົວໜ້າຫ້ອງວ່າການປະທານປະເທດ, ອະດີດຮອງ ລັດຖະມົນຕີກະຊວງການຕ່າງປະເທດ ທັງເປັນຫົວໜ້າຄະນະບັນນາທິການ ໄດ້ກ່າວເຖິງຄວາມເປັນມາ ແລະ ບາງເນື້ອໃນສຳຄັນກ່ຽວກັບການຂຽນປຶ້ມເຫຼັ້ມນີ້ ​ເຊິ່ງໄດ້ຮີບໂຮມ, ຮຽບຮຽງຂໍ້ມູນເປັນເວລາຫຼາຍຫຼົບຫຼາຍຕ່າວ. ເຖິງຢ່າງໃດກໍດີ ພາຍໃຕ້ການຊີ້ນຳ-ນໍາພາຂອງການນຳກະຊວງການຕ່າງປະເທດ ກໍຄືບັນດາພາກສ່ວນຕ່າງໆທີ່ກ່ຽວຂ້ອງທີ່ໄດ້ໃຫ້ການຊ່ວຍເຫຼືອໃນການສະໜອງຂໍ້ມູນ ແລະ ອຳນວຍຄວາມສະດວກຕ່າງໆ ຈົນເຮັດໃຫ້ປຶ້ມຫົວນີ້ສາມາດອອກສູ່ມວນຊົນໄດ້. ການຈັດພິມປຶ້ມດັ່ງກ່າວ ແມ່ນເພື່ອໃຫ້ບັນດາຜູ້ອ່ານສາມາດຮູ້ ແລະ ເຂົ້າໃຈເຖິງບົດຮຽນ ແລະ ປະສົບການການເຄື່ອນໄຫວວຽກງານການທູດຂອງການນຳລາວ ທຸກຮຸ່ນ, ທຸກສະໄໝ ເພື່ອເປັນຕຳລາອັນລ້ຳຄ່າໃຫ້ຄົນຮຸ່ນຫຼັງໝູນໃຊ້ບົດຮຽນດັ່ງກ່າວເຂົ້າໃນວຽກງານຂອງຕົນຢ່າງມີຫົວຄິດປະດິດສ້າງ ແລະ ແທດເໝາະກັບສະພາບການຕົວຈິງ.

- lattana 1 - ເປີດປື້ມ 70 ປີ ການທູດລາວ
error: Content is protected !!