ໂທລະສັບງໍໄດ້ ອາດເລີ່ມຜະລິດໃນປີ 2020
October 17, 2017 - 3:47 PM
ເວັບໄຊ The Bell ລາຍງານວ່າ Apple ກໍາລັງເຈລະຈາກັບ LG Display ໃນການຜະລິດຈໍ OLED ແບບ “ງໍໄດ້” ສໍາລັບ iPhone ຮຸ່ນໃຫມ່ໃນປີ 2020.
Apple ຫາກໍເປີດຕົວ iPhone X ທີ່ມາພ້ອມກັບໜ້າຈໍ OLED ທີ່ຜະລິດໂດຍ Samsung Display ເປັນຮຸ່ນທໍາອິດ ແຕ່ໃນອີກບໍ່ດົນ Apple ຈະປັບຮູບແບບໃຫມ່ ໂດຍຈະໃຊ້ໜ້າຈໍແບບງໍໄດ້ ເຊິ່ງອາດໄດ້ຮັບການຜະລິດໂດຍ LG Display ເພື່ອເລັ່ງຕາມຄູ່ແຂ່ງສໍາຄັນເຊັ່ນ Samsung ທີ່ໄດ້ພັດທະນາໂທລະສັບໜ້າຈໍງໍໄດ້ມາກ່ອນແລ້ວຫຼາຍປີ.
ນອກຈາກນີ້ ຍັງມີລາຍງານວ່າ LG ໄດ້ພັດທະນາຈໍ OLED ງໍໄດ້ຮຸ່ນຕົ້ນແບບແລ້ວ ແລະ ກຽມທີ່ຈະຜະລິດຢ່າງຈິງຈັງໃນປີ 2020 ແຕ່ໃນຂະນະດຽວກັນ Samsung ກໍກຽມທີ່ຈະເປີດຕົວໂທລະສັບໜ້າຈໍງໍໄດ້ໃນປີ 2018 ນີ້.
