ຟີຈີຈະອອກພັນທະບັດຮັບມືການປ່ຽນແປງ ສະພາບອາກາດແຫ່ງທຳອິດຂອງໂລກ

- 1508314874052 960x0 - ຟີຈີຈະອອກພັນທະບັດຮັບມືການປ່ຽນແປງ ສະພາບອາກາດແຫ່ງທຳອິດຂອງໂລກ
- Untitled design - ຟີຈີຈະອອກພັນທະບັດຮັບມືການປ່ຽນແປງ ສະພາບອາກາດແຫ່ງທຳອິດຂອງໂລກ

ຟີ​ຈີ​ຈະ​ອອກ​ພັນທະ​ບັດ​ມູນ​ຄ່າ 50 ລ້ານ​ໂດ​ລາ​ສະຫະລັດ ​ໃນ​ມໍ່ໆ​ນີ້ ​ເພື່ອ​ນຳ​ເງິນ​ໄປ​ຮັບ​ມື​ກັບ​ຜົນ​ກະທົບ​ຈາກ​ການ​ປ່ຽນ​ແປງ​ສະ​ພາບ​ອາກາດ​ໂລກ. ຖື​ເປັນ​ປະ​ເທດ​ທຳ​ອິດ​ຂອງ​ໂລກ​ທີ່​ອອກ​ພັນທະບັດ​ແບບ​ນີ້.

ນາຍົກລັດຖະມົນຕີ ​ແຟຣງ ​ໄບນິມາຣາມາ ຂອງ​ຟີ​ຈີ ປະ​ເທດ​​ເປັນ​ເກາະ​ຢູ່​ມະຫາ​ສະໝຸດ​ປາຊີ​ຟິກຕອນ​ໃຕ້ ຖະ​ແຫລ​ງຮ່ວມ​ກັບ​ທະນາຄານ​ໂລກ​ໃນ​ວັນ​ທີ 18 ຕຸລາ​ວ່າ: ຮູບ​ແບບ​ສະພາບ​ອາກາດ​ທີ່​ປ່ຽນ​ແປງ ​ແລະ ມີ​ຄວາມ​ຮຸນ​ແຮງ​ກຳລັງ​ເປັນ​ໄພ​ຕໍ່​ການ​ພັດທະນາ, ຄວາມ​ໝັ້ນຄົງ ​ແລະ ວິຖີ​ຊີວິດ​ຂອງ​ຊາວ​ຟີ​ຈີ​ທີ່​ມີ​ 300 ​ເກາະ​ສ່ຽງ​ໄພ​ຈາກ​ລະດັບ​ນ້ຳທະ​ເລ​ສູງ​ຂຶ້ນ. ການ​ອອກ​ພັນທະບັດ​ນີ້​ເປັນ​ການ​ລະດົມ​ເງິນ​ເພື່ອ​ນຳ​ໄປ​ໃຊ້​ແກ້​ໄຂ​ບັນຫາ​ຈາກ​ການ​ປ່ຽນ​ແປງ​ສະພາບ​ອາກາດ, ​ໃຊ້​ຫລຸດ​ການ​ປ່ອຍ​ແກັສ​ກາກ​ບອນ​ໄດ​ອົກ​ໄຊ ​ແລະ ​ເປັນ​ຕົວຢ່າງ​ໃຫ້ປະ​ເທດ​ອື່ນ​ເລື່ອງ​ການ​ໃຊ້​ນະ​ວັດຕະ​ກຳ ​ແລະ ຄວາມ​ຄິດ​ສ້າງສັນ​ໃນ​ການ​ລະດົມ​ເງິນ. ພັນທະບັດ​ຈະ​ແບ່ງ​ເປັນ​ໄລຍະ 5 ປີ ​ແລະ 13 ປີ ​ໃຫ້​ຜົນ​ຕອບ​ແທນ 4% ​ແລະ 6,3% ຕາມ​ລຳດັບ. ຟີ​ຈີ​ຈະ​ເປັນ​ເຈົ້າພາບ​ກອງ​ປະຊຸມ​ການ​ປ່ຽນ​ແປງ​ສະພາບ​ອາກາດ​ແຫ່ງ​ສະຫະ​ປະຊາ​ຊາດ ຢູ່​ເມືອງ​ບອນ ຂອງ​ເຢຍລະ​ມັນ ລະຫວ່າງ​ວັນ​ທີ 6-17 ພະຈິກ​ນີ້.

ນອກຈາກ​ຟີ​ຈີ​ແລ້ວ, ​ໂປ​ໂລ​ຍ ​ແລະ ຝຣັ່ງ ກໍ​ອອກ​ພັນທະບັດ​ຄ້າຍຄື​ກັນ ​ເປັນ​ການ​ລະດົມ​ທຶນ​ເພື່ອນ​​ຳ​ໄປ​ໃຊ້​ສະໜັບສະໜູນ​ພະລັງງານ​ໝູນວຽນ, ອຸດ​ໜູນ​ອາ​ຄານ​ປະຢັດ​ພະລັງງານ, ປູກ​ຕົ້ນ​ໄມ້ ​ແລະ ​ໂຄງການ​ສິ່ງ​ແວດ​ລ້ອມ​ອື່ນໆ, ​ແຕ່​ມີ​ສຽງ​ວິຈານ​ວ່າ: ຄ່າ​ນິຍົມ​ວ່າການ​ລົງທຶນ​ໃດ​ເປັນ​ການ​ລົງທຶນ​ເພື່ອ​ສິ່ງ​ແວດ​ລ້ອມ​ຍັງ​ມີ​ຄວາມ​ບໍ່​ລະອຽດ. ທະນາຄານ​ໂລກ​ຕີ​ລາຄາ​ວ່າ: ຕະຫລາດ​ພັນທະບັດ​ສີຂຽວ​ທົ່ວ​ໂລກ​ໃນ​ປີ​ນີ້​ຈະ​ມີ​ມູນ​ຄ່າ​ປະມານ 134.900 ລ້ານ​ໂດ​ລາ​ສະຫະລັດ.

- Wave100S AD to Website 2020 0 - ຟີຈີຈະອອກພັນທະບັດຮັບມືການປ່ຽນແປງ ສະພາບອາກາດແຫ່ງທຳອິດຂອງໂລກ
- WhatsApp Image 2020 05 27 at 5 - ຟີຈີຈະອອກພັນທະບັດຮັບມືການປ່ຽນແປງ ສະພາບອາກາດແຫ່ງທຳອິດຂອງໂລກ
- WhatsApp Image 2020 05 27 at 5 - ຟີຈີຈະອອກພັນທະບັດຮັບມືການປ່ຽນແປງ ສະພາບອາກາດແຫ່ງທຳອິດຂອງໂລກ
error: Alert: ເນື້ອຫາຂ່າວມີລິຂະສິດ !!