ຣິນ ມາດຣິດ ເລັ່ງຊື້ ເຄນ ແລະ ໂປເຊັດຕິໂນ ໄປຮ່ວມທີມ

“ເດີຊັນ” ສື່ຊື່ດັງຂອງ ອັງກິດ ລາຍງານຂ່າວວ່າ ຣິນ ມາດຣິດ ຕ້ອງການດຶງ 2 ກຳ ລັງສຳຄັນຂອງ ທັອດແນມ ຮັອດສະເປີ ດ້ວຍການຕັ້ງເປົ້າ ເຊັນສັນຍາ ແຮຣີ ເຄນ ແລະ ເມົາຣິຊິໂອ ໂປເຊັດຕິ ໄປເປັນຜູ້ ຈັດການທີມຄົນໃໝ່.
ແນ່ນອນວ່າ ສະເປີ ບໍ່ ຕ້ອງການຂາຍດາວຍິງອາຍຸ 24 ປີ ແຕ່ວ່າຫາກໄດ້ຂໍ້ສະເໜີ ໃກ້ຄຽງສະຖິຕິໂລກທີ່ ເນມາ ຍ້າຍໄປ ປາຣິສ ແຊັງແຊັກ ແມັງ ດ້ວຍລາຄາ 198 ລ້ານ ປອນ. ຂະນະທີ່ ເຄນ ເຄີຍຢືນ ຢັນວ່າມີຄວາມສຸກດີກັບ ສະເປີ ແຕ່ໂອກາດຍ້າຍ ໄປຮ່ວມທີມ ຣິນ ມາດຣິດ ຈະດຶງດູດຫຼາຍ ຍິ່ງໃນເກມແຊ໊ມປຽນລີກ ໃນ ກາງອາທິດຜ່ານມາ ເຄນ ຫາ ກໍຂໍແລກເສື້ອກັບ ຄຣິສຕຽນ ໂນ ໂຣນັນໂດ ທີ່ ລາວຍົກຍ້ອງ ເປັນຕົວຢ່າງ.
ຂະນະດຽວກັນມີລາຍ ງານວ່າ ຟລໍເຣນຕິໂນ ເປເຣດ ປະທານສະໂມສອນ ຣິນ ມາດຣິດ ເຖິງວ່າຍັງບໍ່ມີແຜນ ປົດ ຊີເນີດີ ຊີດານ ອອກຈາກ ຕຳແໜ່ງ ແຕ່ກໍຢ້ານວ່າລາວ ເອງອາດຕັດສິນໃຈອຳລາທີມເອງ ແລະ ຫາກເກີດຂຶ້ນໃນ ໄວໆນີ້ ໂປເຊັດຕິໂນ ອາຍຸ 45 ປີ ຈະເປັນໂຕເລືອກທຳອິດທີ່ ລາວຕ້ອງການ.