ຈໍເກສ ຊະນະ ຄາຊັກກິນາ 2-0 ເຊັດ ໄດ້ແຊ໊ມເຕັນນິສເຄຣມລິນ ເປັນຄັ້ງທຳອິດໃນອາຊີບ

ການແຂ່ງຂັນເຕັນນິສ ດັບເບິລຢູທີເອ ທົວ ລາຍການ ເຄຣມລິນ ຄັບ ຊີງເງິນລາງວັນ ລວມ 790.208 ໂດລາສະ ຫະລັດ ທີ່ນະຄອນຫຼວງມອສ ໂກ ປະເທດຣັດເຊຍ ໃນວັນ ເສົາຜ່ານມາ ໃນປະເພດຍິງ ດ່ຽວຮອບຊີງຊະນະເລີດ ຈູ ເລຍ ຈໍເກສ ນັກເຕັນນິສສາວ ມື 7 ຂອງລາຍການຄົນ ເຢຍ ລະມັນ ໄດ້ແຊ໊ມໄປຄອງໄດ້ສຳ ເລັດ ຫຼັງເອົາຊະນະ ດາເຣຍ ຄາຊັກກິນາ ນັກເຕັນນິສສາວ ເຈົ້າຖິ່ນ ລົງໄດ້ຢ່າງເໜືອຊັ້ນ 2-0 ເຊັດ 6-1, 6-2. ເຊິ່ງນັບ ເປັນການໄດ້ແຊ໊ມໃນທົວ ເປັນລາຍການທຳອິດ ນັບ ຕັ້ງແຕ່ປີ 2011 ຂອງນັກເຕັນ ນິສສາວຄົນ ເຢຍລະມັນ ນຳ ອີກ.
ສ່ວນການແຂ່ງຂັນເຕັນ ນິສ ດັບເບິລຢູທີເອ ທົວ ລາຍ ການ ບີຈີແອລ ບີເອັນພີ ລັກ ເຊມເບີກ ໂອເພນ ຊີງເງິນລາງ ວັນລວມ 226.750 ໂດລາ ສະຫະລັດ ທີ່ນະຄອນຫຼວງ ລັກເຊມເບິກ ປະເທດລັກເຊມ ເບິກ ໃນປະເພດຍິງດ່ຽວຮອບ ຊີງຊະນະເລີດ ຄາຣິນາ ວິດ ໂຮຟ ນັກເຕັນນິສສາວຈາກ ເຢຍລະມັນ ສະແດງຜົນງານ ໄດ້ຢ່າງດີເດັ່ນ ຫຼັງເອົາຊະນະ ໂມນິກ້າ ປູອິກ ຈາກ ເປີໂຕຣິ ໂກ ໄປໄດ້ຢ່າງງົດງາມ 2-0 ເຊັດ 6-3, 7-5. ໄດ້ແຊ໊ມໄປ ຄອງໄດ້ສຳເລັດ.