ນະຄອນ​ຫລວງເນັ້ນ 4 ຕົວ​ຊີ້​ວັດ​ເພື່ອ​ສົ່ງ​ເສີມ​ການທ່ອງທ່ຽວ​ລາວ

- advert banner 728 90 728x90 - ນະຄອນ​ຫລວງເນັ້ນ 4 ຕົວ​ຊີ້​ວັດ​ເພື່ອ​ສົ່ງ​ເສີມ​ການທ່ອງທ່ຽວ​ລາວ

​ໃນ​ກອງ​ປະຊຸມວາງ​ແຜນການ​ດຳ​ເນີນ​ປີ​ທ່ອງ​ທ່ຽວ​ລາວ 2018 ຂອງນະ ຄອນຫລວງວຽງຈັນ, ​ໄດ້ຈັດ​ຂຶ້ນ​​ເມື່ອ​ບໍ່​ດົນ​ມາ​ນີ້, ທ່ານ ສີ​ຫຸນ ສິທິລື​ໄຊ ຮອງ​ເຈົ້າ​ຄອງ​ນະ​ຄອນ​ຫລວງ​ ​ໄດ້​ເນັ້ນ 4 ຕົວ​ຊີ້​ວັດ ເພື່ອ​ສົ່ງ​ເສີມ​ການທ່ອງທ່ຽວລາວ ຄື: 1.) ຈົ່ງ​ພ້ອມ​ກັນ​ສ້າງ​ນະຄອນຫລວງ​​ມີ​ຄວາມ​ສະຫງົບ, ດ້ວຍ​ການ​ຮັບປະກັນ​ການ​ຈະລາຈອນສະດວກ​ສະບາຍ​ເປັນ​ລະບຽບ​ຮຽບຮ້ອຍ, ບໍ່​ໃຫ້​ມີ​ອຸປະ​ຕິ​ບັດ​ເກີດ​ຂຶ້ນ, ບໍ່​ມີ​ອາ​ສະ​ຍາ​ກຳ, ຊຸ​ມຊົນ​ມີ​ຄວາມ​ສາມັກຄີ​ປອງດອງ, ບໍ່​ມີ​ຂໍ້​ຂັດ​ແຍ່ງ, ຢັບຢັ້ງ​ອັກຄີ​ໄພ ​ແລະ ສາມາດ​ແກ້​ໄຂ​ອັກຄີ​ໄພ​ໃນ​ລະດັບ​ວ່ອງ​​ໄວ, ບໍ່​ມີ​ຄອບຄົວ​ທຸກ​ຍາກ, ຮັບປະກັນ​ດ້ານ​ສະຫວັດດີ​ການ​ຂັ້ນ​ພື້ນຖານນັບ​ມື້​ສູງ​ຂຶ້ນ; 2.) ຈົ່ງ​ພ້ອມ​ກັນ​ສ້າງ​​ເປັນ​ນະຄອນ​ສະອາດດ້ວຍ​ການ​ສ້າງ​ຖະໜົນ​ສະອາດ, ​ເຄຫາ​ສະຖານ​ສະອາດ, ນ້ຳ​ດື່ມ​ສະອາດ, ​ໂຮງ​ຈັກ​ໂຮງງານ​ສະອາດ, ​ເອົາ​ໃຈ​ໃສ່​ສາທາລະນະ​ປະ​ໂຫຍ​ດສະອາດ ແລະ ສິ່ງ​ສຳຄັນ​​ແມ່ນຈະໄດ້ເນັ້ນໃຫ້​ເຂົ້າ​ຮ່ວມ​ໂຄງການ​ຈັດ​ສັນ​ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ ​​ແລະ ປະຕິບັດໂຄງ ການຈັດ​ສັນ​ວຽງ​ຈັນ​ສະ ອາດ​ຢ່າງ​ຕັ້ງ​ໜ້າ; 3.) ຈົ່ງ​ພ້ອມ​ກັນ​ເຂົ້າ​ຮ່ວມ​ສ້າງ​ນະຄອນ​ສີຂຽວ​ດ້ວຍ​ການ​ຮ່ວມ​ກັນ​ປົກ​ປັກ​ຮັກສາ​ປ່າ​ໄມ້​ທຳ​ມະ​ຊາດ ປູກ​ປ່າ​ໝູນວຽນ, ຕົ້ນ​ໄມ້​ປະດັບ​ລຽນ​ຕາມ​ແຄມ​ທາງ​ຫລວງ ​ແລະ ຕາມ​ສຳນັກງານ​ຕ່າງໆ, ສ້າງ​ສີຂຽວ​ສ່ວນ​ຕົວ ​ແລະ ລວມໝູ່, ພ້ອມ​ທັງ ສ້າງ​ໜຶ່ງ​ເມືອງ​ໃຫ້​ໄດ້ 1 ​ແຫ່ງ​ໃນ​ເນື້ອ​ທີ່ 10 ​ເຮັກ​ຕາ, ບ້ານ​ໜຶ່ງ 1 ​ເຮັກຕາ​ຂຶ້ນ​ໄປ ​ແລະ 4.) ຈົ່ງ​ພ້ອມ​ກັນ​ເຂົ້າ​ຮ່ວມ​ສ້າງ​ນະຄອນ​ສະຫວ່າງ, ສາທາລະນະປະ​ໂຫຍ​ດສະຫວ່າງ​ແຈ້ງ, ​ເຄຫາ​ສະຖານ​ສ່ວນ​ຕົວ​ໃນ​ເທສະ​ບານ​ສະຫວ່າງ​ແຈ້ງ, ບູຮານ​ສະຖານ​ ແລະ ວັດ​ວາ​ອາຣາມສຳຄັນ​ສະຫວ່າງ​ແຈ້ງ.

- new3 - ນະຄອນ​ຫລວງເນັ້ນ 4 ຕົວ​ຊີ້​ວັດ​ເພື່ອ​ສົ່ງ​ເສີມ​ການທ່ອງທ່ຽວ​ລາວ
- lattana 1 - ນະຄອນ​ຫລວງເນັ້ນ 4 ຕົວ​ຊີ້​ວັດ​ເພື່ອ​ສົ່ງ​ເສີມ​ການທ່ອງທ່ຽວ​ລາວ
error: Content is protected !!