ອະນາໄມໂລກຢືນຢັນຜູ້ຕິດເຊື້ອໄຂ້ຫວັດສັດປີກ H9N2 ຄົນທໍາອິດໃນຮອບ 5 ປີຂອງອິນເດຍ

- 111 1 - ອະນາໄມໂລກຢືນຢັນຜູ້ຕິດເຊື້ອໄຂ້ຫວັດສັດປີກ H9N2 ຄົນທໍາອິດໃນຮອບ 5 ປີຂອງອິນເດຍ
- kitchen vibe - ອະນາໄມໂລກຢືນຢັນຜູ້ຕິດເຊື້ອໄຂ້ຫວັດສັດປີກ H9N2 ຄົນທໍາອິດໃນຮອບ 5 ປີຂອງອິນເດຍ

     WHO ຢືນຢັນ ເດັກເພດຊາຍຄົນໜຶ່ງຢູ່ອິນເດຍ ເປັນຜູ້ຕິດເຊື້ອໄວຣັສໄຂ້ຫວັດສັດປີກ ສາຍພັນ H9N2 ຄົນທີສອງຂອງປະເທດ ນັບແຕ່ປີ 2019.

      ວັນທີ 13 ມິຖຸນາ, ສໍານັກຂ່າວຕ່າງປະເທດລາຍງານວ່າ: ອົງການອະນາໄມໂລກ (WHO) ອອກຖະແຫລງການ ກ່ຽວກັບການຢືນຢັນການພົບຜູ້ຕິດເຊື້ອໄວຣັສໄຂ້ຫວັດສັດປີກ ສາຍພັນ H9N2 ເປັນເດັກນ້ອຍຜູ້ຊາຍອາຍຸ 4 ປີ ອາໄສຢູ່ລັດເບັງກໍຕາເວັນຕົກ ຕັ້ງຢູ່ທາງຕາເວັນອອກຂອງອິນເດຍ.

- Visit Laos Visit SALANA BOUTIQUE HOTEL - ອະນາໄມໂລກຢືນຢັນຜູ້ຕິດເຊື້ອໄຂ້ຫວັດສັດປີກ H9N2 ຄົນທໍາອິດໃນຮອບ 5 ປີຂອງອິນເດຍ

      ທັງນີ້, ຜູ້ຕິດເຊື້ອຫາຍດີແລ້ວ ຫລັງເຂົ້າຮັບການປິ່ນປົວຢູ່ໂຮງໝໍແຫ່ງໜຶ່ງ ເປັນເວລາ 3 ເດືອນ ໃນເດືອນກໍລະກົດຜ່ານມາ ຈາກອາການຕິດເຊື້ອຢ່າງຮຸນແຮງໃນລະບົບທາງເດີນຫາຍໃຈ, ເປັນໄຂ້ສູງ ແລະ ການເຈັບທ້ອງຢ່າງໜັກ.

      ຂະນະທີ່ຜົນການສອບສວນພະຍາດໃນເບື້ອງຕົ້ນ ພົບວ່າຜູ້ຕິດເຊື້ອມີປະຫວັດສໍາຜັດກັບສັດປີກໃນບໍລິເວນທີ່ຢູ່ອາໄສ ແລະ ມາຮອດປັດຈຸບັນ ຍັງບໍ່ພົບຜູ້ຕິດເຊື້ອຈາກເຊື້ອໄວຣັສໄຂ້ຫວັດສັດປີກ ສາຍພັນ H9N2 ເພີ່ມອີກ ແລະ ເດັກນ້ອຍຄົນດັ່ງກ່າວ ຖືເປັນຜູ້ຕິດເຊື້ອຈາກໄວຣັສໄຂ້ຫວັດສັດປີກ ສາຍພັນ H9N2 ຄົນທໍາອິດຂອງອິນເດຍ ນັບແຕ່ປີ 2019.

     ໃນອາທິດຜ່ານມາ, WHO ຢືນຢັນຂໍ້ມູນຈາກກະຊວງສາທາລະນະສຸກອົດສະຕຣາລີວ່າ: ເດັກນ້ອຍເພດຍິງອາຍຸ 2 ປີເຄິ່ງ ເຊິ່ງເດີນທາງມາຈາກອິນເດຍ ສະແດງອາການຈາກການຕິດເຊື້ອໄຂ້ຫວັດສັດປີກ H5N1 ເມື່ອຢູ່ອົດສະຕຣາລີ ໂດຍຜູ້ຕິດເຊື້ອມີປະຫວັດອາໄສຢູ່ເມືອງໂກລກາຕາ ລະຫວ່າງວັນທີ 12-29 ກຸມພາຜ່ານມາ ແລະ ເດີນທາງມາເຖິງອົດສະຕຣາລີໃນວັນທີ 1 ມີນາ ກ່ອນເຂົ້າຮັບການປິ່ນປົວຢູ່ໂຮງໝໍແຫ່ງໜຶ່ງ ໃນລັດວິກຕໍເຣຍ.

     ນອກຈາກນີ້, WHO ຢືນຢັນການພົບຜູ້ເສຍຊີວິດຈາກການຕິດເຊື້ອໄວຣັສໄຂ້ຫວັດສັດປີກ H5N2 ຄົນທໍາອິດຂອງໂລກ ເປັນຜູ້ຊາຍຊາວແມັກຊິໂກ ອາຍຸ 59 ປີ ແລະ ເສຍຊີວິດຢູ່ໂຮງໝໍແຫ່ງໜຶ່ງ ໃນນະຄອນຫລວງແມັກຊິໂກ ໃນວັນທີ 24 ເມສາຜ່ານມາ.

- 4 - ອະນາໄມໂລກຢືນຢັນຜູ້ຕິດເຊື້ອໄຂ້ຫວັດສັດປີກ H9N2 ຄົນທໍາອິດໃນຮອບ 5 ປີຂອງອິນເດຍ
- 3 - ອະນາໄມໂລກຢືນຢັນຜູ້ຕິດເຊື້ອໄຂ້ຫວັດສັດປີກ H9N2 ຄົນທໍາອິດໃນຮອບ 5 ປີຂອງອິນເດຍ
- 5 - ອະນາໄມໂລກຢືນຢັນຜູ້ຕິດເຊື້ອໄຂ້ຫວັດສັດປີກ H9N2 ຄົນທໍາອິດໃນຮອບ 5 ປີຂອງອິນເດຍ