Google ເພີ່ມລະບົບ Add-ons ໃຫ້ກັບ Gmail ຊ່ວຍໃຫ້ເຮັດວຽກໄດ້ງ່າຍຂຶ້ນກວ່າເກົ່າ

ຫລ້າສຸດທາງ Google ໄດ້ອັບເດດຄວາມສາມາດໃຫ້ກັບ Gmail ດ້ວຍການເພີ່ມລະບົບ Add-ons ເຮັດໃຫ້ເຮົາເຮັດວຽກຮ່ວມກັບແອັບອື່ນໄດ້ງ່າຍຂຶ້ນ ໂດຍບໍ່ຕ້ອງຄິກອອກຈາກໜ້າ​ເກົ່າ

            ການໃຊ້ງານບໍ່ຍາກ ພຽງແຕ່ເຮົາຄິກໄປທີ່ໄອຄອນເບື້ອງທີ່ມຸມຂວາເທິງຂອງໜ້າ Gmail ຈະເຫັນຕົວເລືອກ Get add-ons ຄິກເຂົ້າໄປ ກໍຈະມີແອັບຂຶ້ນມາໃຫ້ເລືອກຕິດຕັ້ງ ​ເຊິ່ງຈາກການທົດລອງຕອນນີ້ຍັງມີແອັບບໍ່ຫຼາຍ ເທົ່າທີ່ເຫັນກໍຈະມີ CRM in Gmail, Asana, Smartsheet for Gmail, Trello, Wrike, Dialpad, RingCentral  ແລະ CRM FOR GMAIL ຄາດວ່າຈະມີການເພີ່ມແອັບເຂົ້າມາເລື້ອຍໆ.

            ຕົວຢ່າງການໃຊ້ Add-ons “Trello” ໃນ Gmail: ສໍາລັບຜູ້ໃຊ້ທົ່ວໄປ Add-ons ຄົງບໍ່ໄດ້ປະໂຫຍດຫຍັງຫຼາຍ ແຕ່ສໍາລັບບໍລິສັດທີ່ໃຊ້ Gmail ໃນການເຮັດວຽກຢູ່ແລ້ວ ຈຸດນີ້ຈະຊ່ວຍປະຢັດເວລາໃນການເຮັດວຽກໄດ້ຫຼາຍ.