ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ

- JQN4WLOSGVFS7M4TISKPRG5GAA - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ
- Untitled design - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ

​ເກີດ​ເຫດ​ລະ​ເບີດ​​ໂຮງງານ​ຜະລິດ​ດອກ​ໄມ້​ໄຟ ​ໃກ້​ກັບ​ນະຄອນຫລວງ​ຈາ​ກາ​ຕາ​ຂອງ​ອິນ​ໂດ​ເນ​ເຊຍ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ແລ້ວ 47 ຄົນ ​ແລະ ບາດ​ເຈັບ​ອີກ​ຫລາຍ​ສິບ​ຄົນ ຍັງ​ບໍ່​ຮູ້​ສາ​ເຫດ ຫລັງ​ເປີດ​ໄດ້ 2 ​ເດືອນ.

- 1024x1024 - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຈາ​ກາ​ຕາ ປະ​ເທດ​ອິນ​ໂດ​ເນ​ເຊຍ ​ໃນ​ວັນ​ທີ 26 ຕຸລາ​ນີ້​ວ່າ: ຈາກ​ຄຳ​ບອກ​ເລົ່າ​ຂອງ​ພະຍານ​ຜູ້​ຢູ່​ໃນ​ເຫດການ​ລະບຸ​ວ່າ: ​ເກີດ​ເຫດ​ລະ​ເບີດ​ຮຸນ​ແຮງ​ຈາກ​ໂຮງງານ​ຜະລິດ​ດອກ​ໄມ້​ໄຟ​ແຫ່ງ​ໜຶ່ງ ​ເມື່ອ​ເວລາ​ປະມານ 10:00 ​ໂມງ ​ວັນ​ທີ 26 ຕຸລາ ຕາມ​ເວລາ​ທ້ອງ​ຖິ່ນ. ຈາກ​ນັ້ນຍັງ​ມີ​ສຽງ​ລະ​ເບີດ​ດັງ​ຕໍ່​ເນື່ອງ​ເປັນ​ໄລຍະ. ຂະນະ​ທີ່​ໄຟ​​ໄດ້​​ໄໝ້​ໄປ​ທົ່ວ​ບໍລິ​ເວນ​ອາຄານ​ໂຮງງານ ສົ່ງ​ຜົນ​ໃຫ້​ຄວັນ​ດຳ​ລອບ​ຂຶ້ນ​ໄປ​ເທິງ​ຟ້າ.

 

- 98484562 adc2bb4f d7de 4b3e b022 8080ac138355 - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ

ທ່ານ ຮາຣີ ຄູ​ນິວານ ຫົວໜ້າ​ສະຖານີ​ຕຳຫລວດ​ເມືອງ​ຕັນ​ເກຣັງ ນອກ​ນະຄອນຫລວງ​ຈາ​ກາ​ຕາ ​ເປີດ​ເຜີຍ​ວ່າ: ພົບ​ຜູ້​ເສຍ​ຊີວິດ​ແລ້ວ 47 ຄົນ, ​ແຕ່​ການຄົ້ນຫາ​ເຫຍື່ອ​ຜູ້​ເຄາະ​ຮ້າຍ​ຍັງ​ດຳ​ເນີນ​ຕໍ່​ໄປ ຄາດ​ວ່າ​ຕົວ​ເລກ​ຜູ້​ເສຍ​ຊີວິດ​ອາດ​ສູງ​ກວ່າ​ນີ້ ​ເພາະ​ມີ​ຄົນ​ອີກ​ຈຳນວນ​ຫລາຍ​ໂດດ​ໜີ​ອອກ​ມາ​ຈາກ​ໄຟ​ໄໝ້​ຮຸນ​ແຮງ.

- Wave100S AD to Website 2020 0 - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ

​ໂຮງງານ​ຜະລິດ​ດອກ​ໄມ້​ໄຟ​ທີ່​ເກີດ​ເຫດ ຕັ້ງຢູ່​ໃກ້​ກັບ​ເຂດ​ບ່ອນຢູ່​ອາ​ໄສ​ຂອງ​ເມືອງ​ຕັນ​ເກຣັງ. ລາຍ​ງານ​ຂອງ​ຕຳຫລວດ​ລະບຸ​ວ່າ: ​ໄຟ​ໄດ້​ລຸກລາມ​ໄປ​ຢ່າງ​ວ່ອງ​ໄວ ຫລັງ​ເຫດ​ລະ​ເບີດ​ຈົນ​ເຮັດ​ໃຫ້​ຫລັງຄາ​ໂຮງງານ​ພັງ​ລົງ​ມາ ມີ​ຜູ້​ໄດ້​ຮັບ​ບາດ​ເຈັບ​ກວ່າ 40 ຄົນ ຖືກ​ນຳ​ສົ່ງ​ໂຮງໝໍ 3 ​ແຫ່ງ. ທັງ​ນີ້ ​ໂຮງງານ​ຜະລິດ​ດອກ​ໄມ້​ໄຟ​ມີ​ກຳມະກອນ​ກວ່າ 100 ຄົນ.

- 1024x1024 - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ

ຫົວໜ້າ​ສະຖານີ​ຕຳຫລວດ​ເມືອງ​ຕັນ​ເກຣັງ ກ່າວ​ອີກ​ວ່າ: ​ໂຮງງານ​ແຫ່ງ​ນີ້​ຫາ​ກໍ​ເປີດ​ໄດ້​ພຽງ 2 ​ເດືອນ, ຕຳຫລວດ​ຍັງ​ຕ້ອງ​ສືບສວນ​ຫາ​ສາ​ເຫດ ​ແລະ ຈະ​ເອີ້ນ​ພະຍານ​ມາ​ສອບ​ປາກຄຳ​ອີກ. ​ເຈົ້າຂອງ​ໂຮງງານ ຫລື ​ໃຜ​ກໍ​ຕາມ​ທີ່​ປະໝາດ​ບໍ່​ປະຕິບັດ​ຕາມ​ກົດ​ລະບຽບ​ດ້ານ​ຄວາມ​ປອດ​ໄພ​ ຈະ​ຕ້ອງ​ຖືກ​ລົງ​ໂທດ​ຕາມ​ກົດໝາຍ.

- WhatsApp Image 2020 05 27 at 5 - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ
- WhatsApp Image 2020 05 27 at 5 - ໂຮງງານດອກໄມ້ໄຟລະເບີດຢູ່ອິນໂດເນເຊຍ ມີຜູ້ເສຍຊີວິດຢ່າງໜ້ອຍ 47 ຄົນ
error: Alert: ເນື້ອຫາຂ່າວມີລິຂະສິດ !!