10 ທັກສະເດັ່ນທີ່ຖືກຈ້າງວຽກຫລາຍທີ່ສຸດໃນປີ 2017

1. Statistics Analysis and Data Mining : ສະຖິຕິ, ການວິເຄາະ ແລະ ການເຮັດເໝືອງຂໍ້ມູນ ວຽກງານດ້ານນີ້ນຳ ໄປປະຢຸກໃຊ້ໃນວຽກງານຫລາຍປະເພດ ທັງໃນດ້ານທຸລະກິດທີ່ຈະຊ່ວຍໃນການຕັດສິນໃຈຂອງຜູ້ບໍລິຫານ, ໃນດ້ານວິທະຍາສາດ ແລະ ການແພດ ລວມທັງໃນດ້ານເສດຖະກິດ ແລະ ສັງຄົມ. ການເຮັດເໝືອງຂໍ້ມູນປຽບດັ່ງວິວັດທະນາການໜຶ່ງໃນການຈັດເກັບ ແລະ ຕີຄວາມໝາຍຂໍ້ມູນ, ຈາກແຕ່ກ່ອນທີ່ມີການຈັດເກັບຂໍ້ມູນຢ່າງງ່າຍໆມາສູ່ການຈັດເກັບໃນຮູບຖານຂໍ້ມູນທີ່ສາມາດດຶງດູດຂໍ້ມູນຕ່າງໆ ມາໃຊ້ຈົນເຖິງການເຮັດເໝືອງຂໍ້ມູນທີ່ສາມາດຄົ້ນພົບຄວາມຮູ້ທີ່ເຊື່ອງຢູ່ໃນຂໍ້ມູນນັ້ນນຳອີກ ເຊິ່ງສຳຄັນ ແລະ ຈຳເປັນຫລາຍແທ້ໆ.
2. Middleware and Integration Software : ວຽກງານວິໄຈກ່ຽວກັບການຈັດການຊອຟແວແບບບູລະນາການ ເອີ້ນ ວ່າໃຜຂາດທັກສະນີ້ໄປກໍຈະບໍ່ມີໃຜເຝົ້າເປັນໂຕກາງປະສານລະຫ່ວາງ Client ກັບ Server ເຊິ່ງຖືວ່າຈຳເປັນຫລາຍໆ.
3. Storage Systems and Management : ຜູ້ທີ່ເຮັດວຽກກ່ຽວກັບລະບົບການຈັດເກັບ ແລະ ການຈັດການ ເອີ້ນວ່າເປັນການເກັບຮັກສາຂໍ້ມູນ ກໍຕ້ອງການທັງຄວາມເປັນລະບົບ ແລະ ການບໍລິຫານຈັດການ ເຊິ່ງຜູ້ທີ່ເຮັດໜ້າທີ່ນີ້ໄດ້ຢ່າງຄ່ອງແຄ້ວ ບໍລິສັດຍ່ອມຕ້ອງຍອມຈ່າຍເພື່ອທ່ານຢູ່ແລ້ວ.
4. Network and Information Security : ປະຈະບັນນີ້ ທຸກບໍລິສັດຫັນມາເກັບຂໍ້ມູນຜ່ານເຄືອຂ່າຍ ແລະ ຄອມພິວເຕີກັນໝົດແລ້ວ ເພາະສະນັ້ນເຄືອຂ່າຍ ແລະ ຄວາມປອດໄພຂອງຂໍ້ມູນຖືເປັນສິ່ງສຳຄັນທີ່ສຸດ ແລະ ບໍ່ວ່າຢູ່ໃສກໍຍ່ອມຕ້ອງການຄົນທີ່ມີທັກສະມາເບິ່ງແຍງດູແລພາກສ່ວນນີ້.
5. SEO/SEM Marketing : ຍ້ອນຍຸກນີ້ແມ່ນຍຸກດິຈິຕັອນ ແລະ ການຕະຫລາດຍຸກດິຈິຕັອນອອນລາຍກໍຍ່ອມຕ້ອງການ 2 ທັກສະນີ້ທີ່ສຸດ.
6. Business Intelligence : ບໍ່ວ່າຈະເປັນທຸລະກິດແບບໃດ ກໍຍ່ອມຕ້ອງການລະບົບທຸລະກິດທີ່ສະມ໊າດ ແລະ ອັດສະລິຍະ ແລະ ຜູ້ທີ່ມີຄວາມເຂົ້າໃຈໃນ Process  ທຸລະກິດຕ່າງໆອາດຍັງບໍ່ພໍ, ແຕ່ຕ້ອງມີ Logic ໃນການຂຽນໂປຣແກຣມນຳອີກ ໃຜເຮັດໄດ້ກໍຖືວ່າໂຊກດີທີ່ສຸດແລ້ວ.
7. Mobile Development : ຄົງບໍ່ມີໃຜປະຕິເສດວ່າທ່ານກຳລັງອ່ານຂ່າວນີ້ຢູ່ເທິງໂທລະສັບມືຖື ແລ້ວຮູ້ຫລືບໍ່ວ່າທ່ານກຳລັງໃຊ້ມັນຜ່ານແອັບພລິເຄເຊິນຫຍັງ ເມື່ອໃດທີ່ແອັບພລິເຄເຊິນຍັງຄົງມີຜູ້ໃຊ້ງານຢ່າງຕໍ່ເນື່ອງ ແລະ ເພີ່ມຈຳນວນຫລາຍຂຶ້ນທຸກໆມື້ ກໍຕ້ອງມີຜູ້ເຮັດແອັບພລິເຄເຊິນຫລາຍຂຶ້ນນຳ ຖ້າທ່ານມີທັກສະນີ້ມັນກໍບໍ່ຕ່າງຈາກຂຸມຄຳທີ່ມີຢູ່ໃນເຮືອນທ່ານ.
8. Web Architecture and Development Framework : ຍຸກນີ້ທ່ານໃຊ້ເວລາຢູ່ກັບໂທລະພາບຫລາຍປານໃດ ແລະ ໃຊ້ເວລາເຂົ້າເວັບໄຊຫລາຍປານໃດ, ບາງຄົນຢູ່ເທິງໜ້າເວັບໄຊຫລາຍກ່ວາເບິ່ງໂທລະພາບຫລາຍເທົ່າໂຕ. ສະນັ້ນແລ້ວ ວຽກທີ່ກ່ຽວກັບການອອກແບບ ແລະ ຈັດການຮູບໂສມການເຮັດວຽກຂອງເວັບໄຊກໍສຳຄັນໄປບໍ່ໜ້ອຍກ່ວາຄົນສ້າງລາຍການໂທລະພາບທຸກມື້ນີ້.
9. Algorithm Design : ການອອກແບບອັລໂກຣິຊຶມ ແນ່ນອນວ່າທັກສະໃນການຈັດລຳດັບທາງຄວາມຄິດນັ້ນສຳຄັນ ໂດຍສະເພາະແມ່ນການຂຽນໂປຣແກຣມພາສາຄອມພິວເຕີນຳແລ້ວມັນສຳຄັນຫລາຍ.

10. Perl/Python/Ruby : ພາສາທີ່ໃຊ້ໃນການຂຽນໂປຣແກຣມຄອມພິວເຕີ ຕ້ອງໃຊ້ຄົນທີ່ມີຄວາມລຶ້ງເຄີຍ ແລະ ມີຄວາມເຂົ້າໃຈໃນແຕ່ລະພາສາທີ່ແຕກຕ່າງກັນອອກໄປ ແລ້ວຖ້າທ່ານມີທັກສະໃນດ້ານນີ້ ກໍຖືວ່າເປັນໂຊກທີ່ດີສຸດແລ້ວ.