ທີມຊາດອັງກິດ ໄດ້ແຊ໊ມບານໂລກ U-17 ເປັນຄັ້ງທຳອິດໄປຄອງ

ການແຂ່ງຂັນບານໂລກ 2017 ຮຸ່ນອາຍຸບໍ່ເກີນ 17 ປີ ທີ່ປະເທດອິນເດຍ ໃນວັນທີ 28 ຕຸລາຜ່ານມາ ໃນຮອບຊີງ ຊະນະເລີດ ຜົນປາກົດວ່າ ທີມ ຊາດອັງກິດ ພິກສະຖານະ ການຈາກຕາມຫຼັງ ທີມຊາດ ສະເປນ 0-2 ເລັ່ງເຄື່ອງຍິງ 5 ປະຕູລວດ ກັບມາແຊງຊະນະ ໄດ້ຢ່າງສຸດຍອດ 5-2 ໄດ້ແຊ໊ມ ໂລກໄປຄອງ.
ໂດຍ ອັງກິດ ໄດ້ປະຕູ ຈາກ ໄຣອັນ ບຣິວສະເຕີ ນາທີ 44, ມໍແກນ ກິບໄວ ນາທີ 58, ຟິລິບ ໂຟເດນ ນາທີ 69 ແລະ 88, ມາກ ກູຮີ ນາທີ 84. ສ່ວນ ທາງ ສະເປນ ໄດ້ປະຕູຈາກ ເຊຄິໂອ ໂກເມດ ນາທີ 10 ແລະ 31.
ສຳລັບລາງວັນນັກເຕະດີເດັ່ນປະຈຳທົວນາເມນບານ ຄຳໄດ້ແກ່ ຟິລິບ ໂຟເດນ ຈາກ ອັງກິດ, ລາງວັນດາວ ຍິງສູງ ສຸດເກີບຄຳໄດ້ແກ່ ໄຣອັນ ບຣິວສະເຕີ ຈາກ ອັງກິດ 8 ປະ ຕູ, ລາງວັນຜູ້ຮັກສາປະ ຕູດີ ເດັ່ນຖົງມືຄຳໄດ້ແກ່ ກາບຣຽລ ບຣາເຊົາ ຈາກ ບາຊິລ.