ສະຖານ​ນີລົດຂົນ​ສົ່ງ​ສາຍ​ເໜືອ​ຢືນຢັນ​ປີ​ໃໝ່​ຈະບໍ່ສວຍໂອກາດຂຶ້ນລາຄາໂດຍສານຢ່າງເດັດຂາດ

- Untitled design - ສະຖານ​ນີລົດຂົນ​ສົ່ງ​ສາຍ​ເໜືອ​ຢືນຢັນ​ປີ​ໃໝ່​ຈະບໍ່ສວຍໂອກາດຂຶ້ນລາຄາໂດຍສານຢ່າງເດັດຂາດ

- 666 300x200 - ສະຖານ​ນີລົດຂົນ​ສົ່ງ​ສາຍ​ເໜືອ​ຢືນຢັນ​ປີ​ໃໝ່​ຈະບໍ່ສວຍໂອກາດຂຶ້ນລາຄາໂດຍສານຢ່າງເດັດຂາດ          ປີ​ໃໝ່​ລາວ​ປີ​ນີ້ເຫັນ​ວ່າ​ມີ​ວັນພັກ​​ແກ່ຍາວຫລາຍວັນ, ​ໂດຍ​ເລີ່​ມ​ແຕ່​ວັນ​ທີ 13-17 ​ເມສາ​, ຊຶ່ງ​ຫລາຍ​ຄົນ​ອາດຖື​ໂອກາດ​ດັ່ງກ່າວເດີນທາງ​ໄປ​ຢ້ຽມຢາມ​ພໍ່​ແມ່​ພີ່ນ້ອງ ​ແລະ ສະ​ເຫລີ​ມສະຫລອງ​ບຸນປີ​ໃໝ່​​ຢູ່​ບ້ານ​ເກີດ​ເມືອງ​ນອນ​ຂອງ​ໃຜລາວ, ​ໃນ​ການ​ເດີນທາງ ກໍອາດຈະແມ່ນລົດ​ໂດຍສານເປັນສ່ວນຫລາຍ, ​ແຕ່​ສັງຄົມ​ກໍ​ຍັງ​ມີ​ຄວາມ​ເປັນ​ຫວ່ງ​ຢ້ານ ສະພາບ​​ເຕັກນິກ​ຂອງ​ລົດທີ່​ບໍ່​ຮັບປະກັນ ​ແລະ ບັນຫາ​ສຸຂະພາບ​ຂອງ​ຄົນ​ຂັບ​ລົດ​ໂດ​ຍສານ​ບໍ່ພ້ອມ.

ຕໍ່ບັນຫາທ່າ​ນນາງ ຈິດ​ປະສົງ ຫລວງ​ເດດ​ມີ​ໄຊ ປະທານສະຖານີລົດ​ຂົນ​ສົ່ງ​ໂດ​ຍສານ​ສາຍ​ເໜືອ ​ໃຫ້​ສຳພາດ​ຕໍ່​ນັກ​ຂ່າວ​ລາວ​ພັດທະນາ ໃນ​ວັນ​ທີ 4 ​ເມສາ​ນີ້​ວ່າ: ​ໃນ​ໂອກາດ​ບຸນປີ​ໃໝ່​ລາວທີ່​ຈະ​ມາ​ເຖິງ​ນີ້, ທາງ​ສະຖານີ​ຂອງ​ພວກ​ເຮົາໄດ້​ມີ​ການ​ກະກຽມ​ລົດ​ໂດຍສານ​ຢ່າງຮັບປະກັນ​​ໄວ້ຈຳນວນຫລາຍ ເພື່ອສາມາດຕອບສະໜອງໃຫ້ມີ​ຄວາມພຽງພໍກັບ​ຄວາມ​ຮຽກຮ້ອງ​ຕ້ອງການ​ຂອງ​ສັງຄົມ ແລະ ລົດທຸກຄັນຈະຕ້ອງໄດ້ເອົາ​ໃຈ​ໃສ່​ກວດກາ​ເຕັກນິກສະພາບ​ລົດໃຫ້ດີທີ່ສຸດ ພ້ອມມີ​ການ​ສຶກສາອົບຮົມ​ພະນັກງານ​ຂັບ​ລົດ​ແຕ່​ລະ​ສາຍ​ທາງ​ໃຫ້​ມີ​ຄວາມ​ພ້ອ​ມ​ໃນ​ທຸກ​ດ້ານ ​ເພື່ອ​​​ໃຫ້​ການ​ເດີນທາງ​ຂອງ​ຜູ້ໂດຍສານມີ​ຄວາມ​ປອດ​ໄພ. ​

ທ່ານນາງ ຈິດປະສົງ ກ່າວວ່າ: ສຳລັບສະຖານີໂດຍສານ ພວກເຮົາແມ່ນຈະບໍ່ອະນຸຍາດໃຫ້​ຂຶ້ນ​ຄ່າ​ໂດຍສານ​ແບບບໍ່​ເປັນ​ທາງ​ການຢ່າງເດັດຂາດ. ແຕ່ເຖິງຢ່າງໃດກໍຂໍເຕືອນ​​ໃຫ້​ກັບ​ຜູ້​ໂດຍສານທຸກຄົນຈົ່ງມີສະຕິມາຊື້ປີ້ ແລະ ຂຶ້ນລົດຢູ່ທີ່ສະຖານີໂດຍກົງ, ພ້ອມທັງສັງເກດເບິ່ງປີ້ຂອງຕົນ ແລະ ໝາຍເລກທະບຽນລົດກ່ອນຈະຂຶ້ນລົດທຸກຄັ້ງ, ທັງນີ້ ກໍເພື່ອຄວາມປອດໄພດ ຄວາມເປັນລະບຽບຮຽບຮ້ອຍ ສ່ວນລາຄາປີ້ລົດໂດຍສານແຕ່ລະສາຍນັ້ນ ພວກເຮົາໄດ້ຕິດໄວ້ດ້ານເທິງຂອງແຕ່ລະຊອ່ງບໍລິການຂາຍປີ້ ເພື່ອຄວາມກະຈ່າງແຈ້ງແລ້ວ, ຖ້າທ່ານໃດຊື້ປີ້ໃນລາຄາທີ່ເກີນກວ່າຕົວຈິງນັ້ນ ແມ່ນໃຫ້ແຈ້ງຕໍ່ຫ້ອງການສະຖານີຂົນສົ່ງໂດຍສານໄດ້ທຸກເວລາ.

ທ່ານປະທານ ກ່າວຕື່ມວ່າ: ຕໍ່ກໍລະນີຜູ້ໂດຍສານບາງຄົນອອກລັດລົດຢູ່ແຄມທາງ, ນອກເຂດສະຖານີນັ້ນ ແມ່ນພວກເຮົາຈະບໍ່ມີຄວາມຮັບຜິດຊອບໃນກໍລະນີນັ່ງຕັ່ງເສີມ ເພາະສະຖານີໄດ້ມີລະບຽບການວາງອອກເທົ່ານັ້ນຄື: ຕ້ອງໄດ້ຂຶ້ນລົດຢູ່ສະຖານີໂດຍກົງເທົ່ານັ້ນ ເພື່ອຫລີກລ້ຽງບັນຫາການເອົາລັດເອົາປຽບຈາກຄົນຂັບລົດໂດຍສານ, ຊຶ່ງບັນຫານີ້ມັນເປັນຢູ່ນອກເຂດການຄຸ້ມຄອງຂອງສະຖານີ, ຊຶ່ງອາດຈະເຮັດໃຫ້ມີຊ່ອງຫວ່າງໃນການປະພຶດສິ່ງບໍ່ດີຂອງຜູ້ຂັບລົດກໍເປັນໄດ້ ແລະ ບາງສາຍທາງຫລັກເຊັ່ນ: ວຽງຈັນ-ວັງວຽງ, ວຽງຈັນ-ທ່າລາດ, ວຽງຈັນ-ຫລວງພະບາງ ແລະ ອື່ນໆ, ທາງສະຖານີຂົນສົ່ງ ໄດ້ມີການເພີ່ມຈຳນວນລົດໂດຍສານຂຶ້ນຕື່ມເທົ່າຕົວ ເພື່ອຮອງຮັບຜູ້ໂດຍສານທີ່ອາດຈະເພີ່ມຂຶ້ນໃຫ້ພຽງພໍ.

- Wave100S AD to Website 2020 0 - ສະຖານ​ນີລົດຂົນ​ສົ່ງ​ສາຍ​ເໜືອ​ຢືນຢັນ​ປີ​ໃໝ່​ຈະບໍ່ສວຍໂອກາດຂຶ້ນລາຄາໂດຍສານຢ່າງເດັດຂາດ

 

- WhatsApp Image 2020 05 27 at 5 - ສະຖານ​ນີລົດຂົນ​ສົ່ງ​ສາຍ​ເໜືອ​ຢືນຢັນ​ປີ​ໃໝ່​ຈະບໍ່ສວຍໂອກາດຂຶ້ນລາຄາໂດຍສານຢ່າງເດັດຂາດ
- WhatsApp Image 2020 05 27 at 5 - ສະຖານ​ນີລົດຂົນ​ສົ່ງ​ສາຍ​ເໜືອ​ຢືນຢັນ​ປີ​ໃໝ່​ຈະບໍ່ສວຍໂອກາດຂຶ້ນລາຄາໂດຍສານຢ່າງເດັດຂາດ
error: Alert: ເນື້ອຫາຂ່າວມີລິຂະສິດ !!