ວິທີແກ້ໄຂບັນຫາຖ່າຍຍາກຫລັງເກີດລູກ

- 010311 2017 - ວິທີແກ້ໄຂບັນຫາຖ່າຍຍາກຫລັງເກີດລູກ
- advert banner 728 90 728x90 - ວິທີແກ້ໄຂບັນຫາຖ່າຍຍາກຫລັງເກີດລູກ

ເປັນບັນຫາໃຫຍ່ຫລາຍສຳລັບແມ່ທີ່ຫາກໍເກີດລູກ ແລ້ວປະສົບບັນຫາການຖ່າຍຍາກຫລັງເກີດ ຈາກການທີ່ລະບົບຕ່າງໆ ແລະ ຮໍໂມນໃນຮ່າງກາຍຍັງເຮັດວຽກບໍ່ຄ່ອຍຄົງທີ່ ໂດຍສະເພາະກ້າມຊີ້ນພາກສ່ວນລຳໄສ້ທີ່ຍັງເຮັດວຽກບໍ່ສົມບູນ ຈຶ່ງເຮັດໃຫ້ເກີກຄວາມກັງວົນວ່າຈະເຮັດໃຫ້ບາດແຜຫຍິບຫລັງເກີດອາດຍະໄດ້ ຈົນເຮັດໃຫ້ເກີດບັນຫາທີ່ບໍ່ສະບາຍໂຕຂອງແມ່ ເຊິ່ງອາດກາຍ ເປັນຄວາມເຄັ່ງຄຽດສະສົມໄດ້ມາເບິ່ງກັນວ່າຄວນແກ້ໄຂບັນຫານີ້ແນວໃດດີ.

- lattana 1 - ວິທີແກ້ໄຂບັນຫາຖ່າຍຍາກຫລັງເກີດລູກ
- Wave100S AD to Website 2020 0 - ວິທີແກ້ໄຂບັນຫາຖ່າຍຍາກຫລັງເກີດລູກ

– ເລືອກກິນອາຫານທີ່ມີໄຟເບີສູງ : ການແກ້ໄຂບັນຫາອາການຖ່າຍຍາກທີ່ດີທີ່ສຸດ ບໍ່ແມ່ນແຕ່ແມ່ຫລັງເກີດ ກໍຄືການກິນອາຫານທີ່ມີໄຟເບີ ຫລື ໄຍອາຫານສູງ ເພື່ອຈະໄດ້ຊ່ວຍຍ່ອຍ ແລະ ກະຕຸ້ນການຂັບຖ່າຍໃຫ້ເຮັດວຽກໄດ້ງ່າຍຂຶ້ນ ລວມທັງອາຫານທີ່ເປັນຢາລະບາຍອ່ອນໆກໍສາມາດກິນໄດ້ເຊັ່ນກັນ ໂຕຢ່າງ : ໝາກກ້ວຍນຳ້, ໝາກພຸນ, ໝາກແອັບເປິ້້ນ, ໝາກຫຸ່ງສຸກ ເປັນຕົ້ນ ຫລື ຈະເລືອກກິນນຳ້ຜັກ – ນຳ້ໝາກໄມ້ສະກັດກໍເປັນທາງເລືອກທີ່ດີຄືກັນ.

– ດື່ມນຳ້ຫລາຍໆ : ຄວນດື່ມນຳ້ໃຫ້ໄດ້ 8 – 12 ຈອກຕໍ່ມື້ ເພື່ອໃຫ້ລະບົບຕ່າງໆໃນຮ່າງກາຍເຮັດວຽກໄດ້ຢ່າງມີປະສິດທິພາບຍິ່ງຂຶ້ນ ໂດຍສະເພາະລະບົບຍ່ອຍອາຫານ ແລະ ລະບົບຂັບຖ່າຍ. ນອກຈາກນີ້, ການດື່ມນຳ້ຫລາຍໆຍັງຊ່ວຍໃຫ້ອາຈົມອ່ອນຂຶ້ນ ແມ່ຫລັງເກີດຈຶ່ງບໍ່ຕ້ອງກັງວົນເລີຍວ່າຖ້າຂັບຖ່າຍຈະເຮັດໃຫ້ບາດແຜຍະໄດ້ ເພາະຖ້າຫາກບໍ່ຖ່າຍຈະຍິ່ງສົ່ງຜົນ ໃຫ້ບັນຫາການຖ່າຍຍາກຫລັງເກີດຮຸນແຮງຂຶ້ນໄດ້.

– ອອກກຳລັງກາຍເປັນປະຈຳ : ເມື່ອນຳ້ຄາວປາຢຸດໄຫລ ຫລື ເມື່ອເກີດລູກແລ້ວ 2 – 4 ອາທິດ ກໍສາມາດອອກກຳລັງກາຍເບົາໆໄດ້ ເຊັ່ນ : ການເຮັດວຽກເຮືອນ ຫລື ການຍ່າງອອກກຳລັງກາຍ ເຊິ່ງຈະເປັນການກະຕຸ້ນໃຫ້ລະບົບລຳໄສ້ເຮັດວຽກໄດ້ດີຫລາຍຍິ່ງຂຶ້ນ ລວມທັງຊ່ວຍກະຕຸ້ນໃຫ້ແມ່ຂັບຖ່າຍງ່າຍນຳ ຍິ່ງຖ້າເຮັດຮ່ວມກັບການດື່ມນຳ້ຫລາຍໆກໍບໍ່ຕ້ອງຢ້ານອາການຖ່າຍຍາກຈະມາຢາມ.

– ຍຸ້ມຊ່ອງຄອດ ແລະ ຮູທະວານ ຊ່ວຍແກ້ບັນຫາການຖ່າຍຍາກ : ອາດຈະເຄີຍໄດ້ຍິນວ່າການຍຸ້ມຈະຊ່ວຍໃຫ້ຊ່ອງຄອດ ແລະ ມົດລູກມີຄວາມແຂງແຮງຍິ່ງຂຶ້ນ, ແຕ່ຮູ້ຫລືບໍ່ວ່າການຍຸ້ມນີ້ຈະຊ່ວຍກະຕຸ້ນໃຫ້ເກີດການຂັບຖ່າຍໄດ້ດີຂຶ້ນ, ຊ່ວຍປ້ອງກັນບັນຫາຖ່າຍຍາກຫລັງເກີດໄດ້ດີ.

– ກໍລະນີແມ່ເປັນລິດສີດວງທະວານ : ມີແມ່ຫລາຍຄົນເປັນລິດສີດວງ ຈຶ່ງເຮັດໃຫ້ບໍ່ກ້າຂັບຖ່າຍຈົນມີອາການຖ່າຍຍາກຮຸນແຮງ ກໍຂໍແນະນຳໃຫ້ລອງປະຄົບອຸ່ນ ຫລື ນັ່ງແຊ່ໃນນຳ້ອຸ່ນທີ່ເກືອບຈະຮ້ອນ ຈະຊ່ວຍຫລຸດບັນຫາການອັກເສບຂອງລິດສີດວງໄດ້,  ແຕ່ຖ້າເປັນແລ້ວ ແລະ ຍັງບໍ່ສາມາດຫາວິທີແກ້ບັນຫາດ້ວຍຕົນເອງໄດ້ ກໍຂໍໃຫ້ໄປພົບແພດເພື່ອໃຫ້ແພດປິ່ນປົວໄດ້ຢ່າງຖືກຕ້ອງ ເພື່ອທີ່ທ່ານຈະໄດ້ເບິ່ງແຍງລູກນ້ອຍໄດ້ຢ່າງສະບາຍໃຈ.

error: Alert: Content is protected !!