ຜູ້ແທນກາແດງລາວເຂົ້າຮ່ວມກອງປະຊຸມໃຫຍ່ສະພາກາແດງ ແລະ ຊິກວົງເດືອນແດງສາກົນ ທີ່ປະເທດຕວກກີ
ຄະນະຜູ້ແທນ ອົງການກາ ແດງລາວ ນຳໂດຍທ່ານ ທອງ ພະຈັນ ສອນນະສິນ ຮອງປະ ທານອົງການກາແກງລາວ, ໄດ້ ເຂົ້າຮ່ວມກອງປະຊຸມໃຫຍ່ສະພາຂອງຂະບວນການກາແດງ ແລະ ຊິກວົງເດືອນແດງສາກົນ, ໄດ້ຈັດຂຶ້ນລະຫວ່າງ ວັນທີ 5-11 ພະຈິກນີ້, ທີ່ເມືອງອານຕາເລຍ, ປະເທດຕວກກີ.
+ ກະຊວງການຕ່າງປະເທດຈັດແຂ່ງຂັນກ໊ອຟຕ້ອນຮັບຄະນະຜູ້ແທນເຊື້ອຊາດລາວທີ່ອາເມລິກາ
+ ເຜີຍແຜ່ພາລະບົດບາດ ແລະ ຂະບວນການກາແດງ
ກອງປະຊຸມດັ່ງກ່າວ ໄດ້ ຮ່ວມເອົາກອງປະຊຸມສະມັດຊາ ໃຫຍ່(General Assembly) ຂອງສະຫະພັນກາແດງ ແລະ ຊິກວົງເດືອນແດສາກົນ (IFRC) ແລະ ກອງປະຊຸມ ຂອງບັນດາກາແດງ ແລະ ຊິກວົງເດືອນແດງ(RCRC Forum) ເພື່ອປຶກສາຫາລືບັນ ຫາທີ່ກ່ຽວຂ້ອງ ໃນວຽກງານ ມະນຸດສະທຳ, ກອງປະຊຸມສະມັດຊາໃຫຍ່ຄັ້ງທີ 21 ນີ້, ແມ່ນ ເວທີສູງສຸດຂອງ ສະຫະພັນກາ ແດງ ແລະ ຊິກວົງ ເດືອນແດງສາກົນ (IFRC), ເຊິ່ງໄດ້ຈັດຂຶ້ນໃນທຸກໆ 2 ປີ, ເພື່ອກຳນົດ ແລະ ປຶກສານະໂຍບາຍຂອງວຽກງານມະນຸດສະທຳ. ນອກນັ້ນ, ຍັງຈະໄດ້ຍົກເອົາບັນດາ ຫົວຂໍ້ໃນຂົງເຂດວຽກງານມະນຸດສະທຳຂອງບັນດາກາແດງ ແລະ ຊິກວົງເດືອນແດງແຫ່ງຊາດຕ່າງໆ.
ໃນກອງປະຊຸມ ຜູ້ເຂົ້າຮ່ວມຍັງຈະໄດ້ປືກສາຫາລືໃນຫລາຍຫົວຂໍ້ຄື: ການພັດທະນາຊາວໜຸ່ມ, ອາສາສະໝັກ, ເພີ່ມທະ ວີຄວາມເຂັ້ມແຂງໃນການກອບກູ້ ແລະ ຟື້ນຟູ ໄພພິບັດ ແລະ ວິກິດການ, ການປ້ອງກັນສຸຂະພາບ, ການເຄົາລົບເຄື່ອງໝາຍ, ການອົບພະຍົບ, ສືບທາວຫາ ຍາດພີ່ນ້ອງ, ການຊ່ວຍເຫຼືອ ດ້ານຈິດຕະສັງຄົມ ແລະ ການສົ່ງເສີມວັດທະນະທຳບໍ່ໃຊ້ ຄວາມຮຸນແຮງ ແລະ ຄວາມ ສະຫງົບ.
ຂະນະດຽວກັນ, ກາແດງ ແລະ ຊິກວົງເດືອນແດງແຫ່ງຊາດ, ໄດ້ລົງຄະແນນສຽງຮັບ ຮອງເອົາປະທານ, ຮອງປະທານ ແລະ ສະພາບໍລິຫານຂອງ ສະຫະພັນກາແດງ ແລະ ຊິກວົງ ເດືອນແດງສາກົນຊຸດໃໝ່, ພ້ອມທັງມີການປັບປຸງທຳມະນູນ ຂອງສະຫະພັນ ເພື່ອຫັນເປັນ ທັນສະໄໝ ຂອງຂະບວນການເລືອກຕັ້ງ, ໂດຍນຳໃຊ້ການລົງຄະແນນສຽງແບບອີເລັກໂທ ນິກ, ລວມເຖິງ ການເພີ່ມຄວາມ ເຂັ້ມແຂງຂອງກົນໄກການຮ່ວມມື. ໄລຍະຜ່ານມາ, ຂະບວນການກາແດງໄດ້ແນໃສ່ ປັບປຸງການຮ່ວມມື, ປະສານງານ ແລະ ການຕອບສະໜອງ ບໍ່ສະເພາະໃນເຫດການສຸກເສີນ ໃນລະດັບກວ້າງ, ແຕ່ຍັງລວມ ເຖິງສະຖານະການປົກກະຕິອີກດ້ວຍ.
