ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້

- 1510215456671 960x0 - ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້
- AGL banner - ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້

ປະທານາທິບໍດີ ມຸນ ​ແຈ​ອິນ ຂອງ ສ.​ເກົາຫລີ ​ເປີດ​ເຜີຍ​ນະ​ໂຍບາຍ​ໃໝ່​ມຸ້ງຮັດ​ແໜ້ນ​ການ​ພົວພັນ​ກັບ​ອາຊີ​ຕາ​ເວັນ​ອອກສຽງ​ໃຕ້​ໃຫ້​ແໜ້ນ​ແຟ້ນຂຶ້ນ. ຂະນະ​ທີ່ ສ.​ເກົາຫລີ ພະຍາຍາມ​ຫລຸດ​ການ​ອາ​ໄສ​ທາງ​ເສດຖະກິດ​ກັບ​ຄູ່​ຄ້າ​ລາຍ​ໃຫຍ່​ເຊັ່ນ: ຈີນ ​ແລະ ອາ​ເມ​ລິ​ກາ.

ປະທານາທິບໍດີ ມຸນ ​ແຈອິນ ​ເລືອກ​ຢ້ຽມຢາມ​ອິນ​ໂດ​ເນ​ເຊຍ ​ເຊິ່ງມີ​ເສດຖະກິດ​ຂະໜາດ​ໃຫຍ່​ທີ່​ສຸດ​ໃນ​ອາຊີ​ຕາ​ເວັນ​ອອກສຽງ​ໃຕ້​ເປັນ​ປະ​ເທດ​ທຳ​ອິດ​ໃນ​ພາລະກິດ​ຢ້ຽມຢາມ​ພາກພື້ນນີ້ ຮ່ວມ​ກັບ​ຄະນະ​ຜູ້​ແທນ​ຈາກ​ຂະ​ແໜງ​ທຸລະ​ກິດ​ປະມານ 200 ຄົນ. ນະ​ໂຍບາຍ​ມຸ້ງ​ໃຕ້ໃໝ່​ມີ​ຈຸດປະສົງ​ເພື່ອ​ເຊື່ອມ​ຕໍ່ ສ.​ເກົາຫລີ ກັບ​ສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ໃຫ້​ຫລາຍ​ຂຶ້ນ ​ແລະ ​ແຜ່​ອິດ​ທິພົນ​ທາງ​ເສດຖະກິດ​ຂອງ ສ.​ເກົາຫລີ ປະ​ເທດ​ທີ່​ມີ​ເສດຖະກິດ​ຂະໜາດ​ໃຫຍ່​ອັນ​ດັບ​ສີ່​ຂອງ​ອາຊີ​ໃນ​ພາກພື້ນອາຊີ​ຕາ​ເວັນ​ອອກສຽງ​ໃຕ້ ​ເຊິ່ງມີ​ປະຊາກອນ​ລວມກັນ​ເກີນ​ກວ່າ 500 ລ້ານ​ຄົນ. ປະທານາທິບໍດີ ມຸນ ​ແຈ​ອິນ ກ່າວ​ໃນ​ໂອກາດ​ເປີດ​ກອງ​ປະຊຸມ​ພາກ​ທຸລະ​ກິດ​ວ່າ: ນະ​ໂຍບາຍ​ການ​ທູດ​ໃໝ່​ຂອງ ສ.​ເກົາຫລີ ​ໄດ້​ຂະຫຍາຍ​ຂອບ​ເຂດ​ໃໝ່ ​ແລະ ມີ​ທ່າ​ອ່ຽງທີ່​ດີ​ຢູ່​ອິນ​ໂດ​ເນ​ເຊຍ. ທຳນຽບ ສ.​ເກົາຫລີ ຖະ​ແຫລ​ງວ່າ: ນະ​ໂຍບາຍ​ດັ່ງກ່າວ​ຈະ​ມີ​ເນື້ອ​ໃນ​ແບບ​ດຽວ​ກັບ​ນະ​ໂຍບາຍ​ມຸ້ງ​ເໜືອ​ໃໝ່ ​ເຊິ່ງມີ​ເປົ້າໝາຍ​ຂະຫຍາຍ​ການ​ຮ່ວມ​ມື​ກັບ​ຈີນ, ຍີ່ປຸ່ນ, ຣັດ​ເຊຍ ​ແລະ ມົງ​ໂກ​ລີ​ໃຫ້​ຫລາຍ​ຂຶ້ນ ​ເຊິ່ງປະທານາທິບໍດີ ມຸນ ​ແຈ​ອິນ ​ເຄີຍ​ຖະ​ແຫລ​ງ​ໄວ້​ໃນ​ກອງ​ປະຊຸມ​ທາງ​ເສດຖະກິດ​ພາກພື້ນຕາ​ເວັນ​ອອກ​ທີ່ຣັດ​ເຊຍ​ໃນ​ເດືອນ​ກັນຍາ.

- Wave100S AD to Website 2020 0 - ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້

ສ່ວນ​ທ່ານ ​ແອຣັງກາ ຮາ​ຕາ​ໂຕ ລັດຖະມົນຕີ​ອຸດສາຫະກຳ​ອິນ​ໂດ​ເນ​ເຊຍ ກ່າວ​ວ່າ: ອິນ​ໂດ​ເນ​ເຊຍ ​ແລະ ສ.​ເກົາຫລີ ​ໄດ້​ລົງ​ນາມ​ໃນ​ບັນທຶກ​ການ​ຮ່ວມ​ມື​ເພື່ອ​ພັດທະນາ​ລະບົບ​ເຄືອ​ຂ່າຍ​ລົດ​ໄຟ​ແອ​ລອາຣທີ. ຂະນະ​ທີ່​ສຳນັກ​ຂ່າວ​ຢອນ​ຮັບ​ຂອງ ສ.​ເກົາຫລີ ລາຍ​ງານ​ວ່າ: ​ໂຄງການ​ດັ່ງກ່າວ​ຢູ່​ຈາ​ກາ​ຕາ​ເປັນ​ສ່ວນ​ໜຶ່ງ​ຂອງ​ບັນທຶກ​ຂໍ້​ຕົກລົງ​ການ​ຮ່ວມ​ມື​ມູນ​ຄ່າ 1.900 ລ້ານ​ໂດ​ລາ​ສະຫະລັດ.

- WhatsApp Image 2020 05 27 at 5 - ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້
- WhatsApp Image 2020 05 27 at 5 - ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້
- WhatsApp Image 2020 05 27 at 5 - ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້
- WhatsApp Image 2020 05 27 at 5 - ຜູ້ນຳ ສ.ເກົາຫລີ ເຜີຍແຜນໃໝ່ມຸ້ງໃສ່ ອາຊີຕາເວັນອອກສຽງໃຕ້
error: Alert: Content is protected !!