ກອງປະຊຸມສຸດຍອດອາຊຽນ ຄັ້ງທີ 31 ໄຂຂຶ້ນຢູ່ຟີລິບປິນ
ກອງປະຊຸມສຸດຍອດອາຊຽນຄັ້ງທີ 31 ໄດ້ໄຂຂຶ້ນຢ່າງເປັນທາງການຢູ່ນະຄອນຫຼວງມະນີລາ ປະເທດຟີລິບປິນ ໃນວັນທີ 13 ພະ ຈິກນີ້.
ຫຼັງກອງປະຊຸມສຸດຍອດອາຊຽນ, ມະນີລາຍັງຈະຈັດກອງປະຊຸມຜູ້ນຳການຮ່ວມມືອາຊີຕາເວັນອອກຫຼາຍຮອບ ລວມທັງກອງປະ ຊຸມສຸດຍອດ ຈີນ-ອາຊຽນ ຄັ້ງທີ 20, ກອງປະຊຸມສຸດຍອດ ອາຊຽນ-ຈີນ, ຍີ່ປຸ່ນ ແລະ ສ.ເກົາຫຼີ ຄັ້ງທີ 20 ແລະ ກອງປະຊຸມສຸດຍອດອາຊີຕາເວັນອອກຄັ້ງທີ 12. ນອກນີ້, ກອງປະຊຸມສຸດຍອດຂອງສັນຍາວ່າດ້ວຍສາຍພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນ ຫຼື RCEPກໍຈະຈັດຂຶ້ນໃນໄລຍະດຽວກັນ.
ນອກຈາກຜູ້ນຳ 10ປະເທດອາຊຽນແລ້ວ, ຍັງມີຜູ້ນຳຈີນ, ອາ ເມລິກາ, ຣັດເຊຍ, ຍີ່ປຸ່ນ, ສ.ເກົາ ຫຼີ, ການາດາ, ອົດສະຕຣາລີ, ນິວຊີ ແລນ, ອິນເດຍ ແລະ ປະເທດອື່ນໆ ກໍຄືເລຂາທິການໃຫຍ່ອົງການສະຫະປະຊາຊາດກໍຈະເຂົ້າຮ່ວມກອງປະຊຸມຕ່າງໆເຊັ່ນກັນ.
ປະທານາທິບໍດີ ດູເຕີເຕ ກ່າວວ່າ: ບັນຫາການປຸ້ນສະດົມຢູ່ທະເລ ສົ່ງຜົນກະທົບຕໍ່ການເຕີບໃຫຍ່ທາງເສດຖະກິດຂອງປະເທດ ຕ່າງໆໃນພາກພື້ນ ແລະ ລະດັບໂລກ. ທ່ານຍັງກ່າວຂອບໃຈປະຊາຄົມໂລກທີ່ໃຫ້ການຊ່ວຍເຫລືອໃນການຍຶດເມືອງມາລາວີຄືນ ຈາກກຸ່ມຫົວຮຸນແຮງທີ່ເຊື່ອມໂຍງກັບກຸ່ມລັດອິດສະລາມ ຫລື IS ແລະ ກອງປະຊຸມເປັນເວລາ 2 ວັນ ຈະເນັ້ນເລື່ອງປາບປາມກຸ່ມ ຫົວຮຸນແຮງຢູ່ຟີລິບປິນ ເນື່ອງຈາກໄພຄຸກຄາມຕໍ່ພາກພື້ນນີ້ບໍ່ມີຊາຍແດນ.
