ຕຳຫລວດໄທ ຢຶດລົດຫລູ 18 ບອສ The icon group ຫລັງຖືກຈັບຖານສໍ້ໂກງປະຊາຊົນ-ຜິດ ພ.ຮ.ບ ຄອມພີວເຕີ

ວັນທີ 17 ຕຸລາ 2024, ເຈົ້າໜ້າທີ່ຕຳຫລວດໄທ ນຳລົດຫລູທີ່ຢຶດໄດ້ ຈາກ 18 ຜູ້ຕ້ອງຫາຄະດີ ດິໄອຄອນ ກຣຸບ ມາຈອດມ້ຽນໄວ້ຢູ່ໜ້າກອງບັນຊາການຕຳຫລວດສອບສວນກາງ ເພື່ອກຽມກວດສອບຕາມຂັ້ນຕອນຂອງກົດໝາຍ.

ກ່ອນໜ້ານີ້ຕຳຫລວດໄດ້ເຂົ້າກວດຄົ້ນ 16 ຈຸດທີ່ສົງໄສ ແລະ ຢຶດຊັບສິນໄດ້ເບື້ອງຕົ້ນ 5 ປະເພດ ຄື: ລົດຫລູ 23 ຄັນ ປະກອບມີຍີ່ຫໍ້: Rolls-Royce, Bentley, Maybach, McLaren, Ferrari, Porsche ແລະ ລົດຄາສສິກ Ford Mustang ລວມມູນຄ່າຫລາຍກວ່າ 100 ລ້ານບາດ. ເງິນສົດ 1,620,000 ບາດ. ອຸປະກອນອີເລັກໂທນິກ 39 ລາຍການ. ສິນຄ້າແບຣນເນມ 121 ລາຍການ ແລະ ເອກະສານອື່ນໆ.

ຂໍ້ມູນ: The Standard News