ການຂີ່ລົດຖີບໃຫ້ປະໂຫຍດຫຍັງແດ່ ?

- 011511 2017 - ການຂີ່ລົດຖີບໃຫ້ປະໂຫຍດຫຍັງແດ່ ?
- AGL banner - ການຂີ່ລົດຖີບໃຫ້ປະໂຫຍດຫຍັງແດ່ ?
  1. ເຜົາຜານກາລໍຣີ ແລະ ຮັດແໜ້ນກ້າມຊີ້ນຂາ : ການຂີ່ລົດຖີບຈະຊ່ວຍເຜົາຜານກາລໍຣີໄດ້ດີ ໂດຍທີ່ເກືອບຈະບໍ່ຕ້ອງອອກແຮງຫລາຍ, ຄວາມໄວໃນການຂີ່ລົດຖີບ ລວມເຖິງເສັ້ນທາງທີ່ທ່ານເລືອກລ້ວນແຕ່ສົ່ງຜົນຕໍ່ປະລິມານກາລໍຣີທີ່ຖືກເຜົາຜານໃນຂະນະຂີ່ລົດຖີບ ຂະນະດຽວກັນກ້າມຊີ້ນຂາ, ກະໂພກ, ກົ້ນ ແລະ ໜ້າທ້ອງກໍຈະຮັດແໜ້ນ ແລະ ເສີມສ້າງຄວາມແຂງແຮງກ້າມຊີ້ນຫລັງ.
  2. ຜ່ອນຄາຍຄວາມເຄັ່ງຄຽດ : ການຂີ່ລົດຖີບທ່າມກາງທຳມະຊາດ ແລະ ສືບອາກາດບໍລິສຸດຈະເຮັດໃຫ້ທ່ານຈະຮູ້ສຶກຜ່ອນຄາຍ ແລະ ຫລຸດຄວາມເຄັ່ງຄຽດ ຈື່ໄວ້ວ່າຍິ່ງທ່ານມ່ວນກັບການອອກກຳລັງກາຍຫລາຍເທົ່າໃດ ຄວາມເຄັ່ງຄຽດກໍຈະຍິ່ງຖືກກຳຈັດອອກໄປໄດ້ໄວຂຶ້ນເທົ່ານັ້ນ.
  3. ຄວບຄຸມຄວາມຢາກອາຫານ : ນັກວິຊາການພົບວ່າການຂີ່ລົດຖີບພຽງ 60 ນາທີຈະຊ່ວຍໃຫ້ຮໍໂມນທີ່ຊ່ວຍຫຸລດຄວາມຢາກອາຫານເຮັດວຽກ ເຊິ່ງຈະສົ່ງຜົນໃຫ້ກິນອາຫານໜ້ອຍລົງ ຈຶ່ງບໍ່ຕຸ້ຍ.
  4. ປົກປ້ອງຫົວໃຈ : ມີການພິສູດແລ້ວວ່າການຂີ່ລົດຖີບຈະຊ່ວຍຫລຸດຄວາມສ່ຽງໃນການເປັນພະຍາດຫລອດເລືອດຫົວໃຈ, ຄວາມດັນເລືອດ ແລະ ພະຍາດມະເຮັງ ລວມເຖິງຊ່ວຍບໍລິຫານປອດ.
  5. ເສີມສ້າງຄວາມແຂງແຮງໃຫ້ກັບຂໍ້ຕໍ່ : ການຂີ່ລົດຖີບຈະຊ່ວຍຫລຸດແຮງຖ່ວງບໍລິເວນຂໍ້ຕໍ່ໄດ້ ຈະແຕກຕ່າງຈາກກິດຈະກຳຢ່າງອື່ນ ເຊັ່ນ : ການເຕັ້ນແອໂຣບິກ ຫລື ການແລ່ນ ໂອກາດທີ່ຈະບາດເຈັບຈຶ່ງມີໜ້ອຍກ່ວາ ຫາກທ່ານມີບັນຫາກ່ຽວກັບຫົວເຂົ່າ ການຂີ່ລົດຖີບແມ່ນໂຕເລືອກທີ່ເໝາະສົມທີ່ສຸດ.
  6. ນອນຫລັບໄດ້ດີຍິ່ງຂຶ້ນ : ການນອນຫລັບຢ່າງມີຄຸນນະພາບແມ່ນປັດໄຈທີ່ສຳຄັນຢ່າງໜຶ່ງໃນການຜ່ອນຄາຍຮ່າງກາຍ ແລະ ຈິດໃຈ ລວມເຖິງຟື້ນຟູຄວາມສົດຊື່ນ ແລະ ກຳຈັດນຳ້ໜັກສ່ວນເກີນໄດ້ນຳ ແຕ່ຂໍບອກວ່າເວັ້ນໄລຍະເວລາໃນການຂີ່ລົດຖີບກ່ອນຈະເຂົ້ານອນ ປະມານ 4 ຊົ່ວໂມງ.
  7. ຊ່ວຍປັບຄວາມດຸ່ນດ່ຽງຂອງຮໍໂມນ : ນອກຈາກຈະເຮັດໃຫ້ຮູບຮ່າງສົມສ່ວນແລ້ວ ການຂີ່ລົດຖີບຍັງຊ່ວຍຮັກສາຄວາມດຸ່ນດ່ຽງຂອງຮໍໂມນເພດໃນຮ່າງກາຍນຳ ແມ່ຍິງທີ່ມີສຸຂະພາບ ແລະ ຮູບຮ່າງດີ ຈະເຂົ້າສູ່ການໝົດປະຈຳເດືອນຊ້າລົງ.
  8. ກິດຈະກຳສຳລັບຄອບຄົວ ແລະ ເຂົ້າສັງຄົມ : ຂໍ້ດີຢ່າງໜຶ່ງຂອງການຂີ່ລົດຖີບແມ່ນທ່ານສາມາດເຮັດພຽງຄົນດຽວໄດ້ ຫລື ຈະເຮັດຮ່ວມກັບຄົນທີທ່ານຮັກກໍໄດ້ ທັງມ່ວນ ແລະ ໄດ້ປະໂຫຍດ. ສິ່ງສຳຄັນແມ່ນທ່ານບໍ່ຈຳເປັນຕ້ອງລົງທຶນຫຍັງຫລາຍ ເພາະນີ້ແມ່ນກິດຈະກຳທີ່ເຮັດໄດ້ໝົດຄອບຄົວ.
  9. ຊ່ວຍຮັກສາສິ່ງແວດລ້ອມ : ລອງປ່ຽນຈາກການຂັບລົດເປັນຂີ່ລົດຖີບທຸກເທ່ືອທີ່ທ່ານມີໂອກາດ ທ່ານຈະເປັນສ່ວນໜຶ່ງໃນການຮັກສາສິ່ງແວດລ້ອມ ຊ່ວຍຫລຸດມົນລະພິດໃນອາກາດ ສິ່ງສຳຄັນຈະໄດ້ປະຢັດທັງເວລາ ແລະ ເງິນ ທັງຍັງບໍ່ຕ້ອງຫງຸດຫງິດກັບການຈະລາຈອນທີ່ຕິດຂັດນຳອີກ.
-    AD conten website - ການຂີ່ລົດຖີບໃຫ້ປະໂຫຍດຫຍັງແດ່ ?
- lattana banner - ການຂີ່ລົດຖີບໃຫ້ປະໂຫຍດຫຍັງແດ່ ?
- lattana banner 1 - ການຂີ່ລົດຖີບໃຫ້ປະໂຫຍດຫຍັງແດ່ ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!