ເຈົ້າໜ້າທີ່ໄທ ກວດພົບສາຍເຄເບີ້ນອິນເຕີເນັດ ລາກພາດຂ້າມຂົວມິດຕະພາບໄທ-ລາວ ແຫ່ງທີ2 ຄາດວ່າເປັນເປັນຂອງກຸ່ມ ຄໍເຊັນເຕີ
ລາຍການເລື່ອງເລົ່າເຊົ້ານີ້ ຊ່ອງ3 ຂອງໄທ ລາຍງານວ່າ: ວັນທີ 21 ຕຸລາ 2024 ເຈົ້າໜ້າທີ່ ຄະນະກຳມະການ ກິດຈະການ ຂະຫຍາຍສຽງ ກິດຈະການ ໂທລະທັດ ແລະ ການຄົມມະນາຄົມແຫ່ງຊາດໄທ (ກສທຊ) ຮ່ວມກັບເຈົ້າໜ້າທີີຕຳຫລວດ ໄດ້ກວດພົບ ແລະ ຕັດສາຍເຄເບີນອິນເຕີແນັດ (Internet Cable) ທີ່ຜິດກົດໝາຍ ຍາວປະມານ 5 ກິໂລແມັດ ດຶງຜ່ານຂ້າມຂົວມິດຕະພາບ ໄທ-ລາວ ແຫ່ງທີ 2 ທີ່ເຊື່ອມຕໍ່ລະຫວ່າງ ຈັງຫວັດ ມຸກດາຫານ – ແຂວງສະຫວັນນະເຂດ ສປປ ລາວ ຄາດວ່າເປັນສາຍອິນເຕີເນັດສຳລັບໃຊ້ໃນການກໍ່ອາຊະຍາກຳທາງອິນເຕີເນັດ ຫລື Call Center ທີ່ ເຄື່ອນໄຫວເພື່ອຫລອກລວງ.
ພົນເອກ ນັດທະພອນ ເພາະສຸນທອນ ເຈົ້າໜ້າທີ່ ກສທຊ ກ່າວວ່າ: ການດຶງສາຍເຄເບີ້ນຂ້າມຝັ່ງແບບນີ້ເຮັດໃຫ້ແກ້ງ Call Center ທີ່ດໍາເນີນງານຢູ່ໃນລາວ ເພື່ອຫລອກລວງຄົນໃນໄທ ເຮັດໃຫ້ຄົນເຊື່ອວ່າພວກເຄື່ອນໄຫວຢູ່ໃນປະເທດໄທແທ້ ສາຍເຄເບີ້ນດັ່ງກ່າວສາມາດກະຈາຍອິນເຕີເນັດຄວບຄຸມພື້ນທີ່ຂະໜາດໃຫຍ່ ແລະ ສາມາດຕອບສະໜອງຜູ້ຊົມໃຊ້ປະມານ 10,000 ຄົນພາຍໃນເວລາດຽວກັນ,” ສາຍເຄເບີ້ນດັ່ງກ່າວຕິດຕັ້ງໂດຍບໍລິສັດທີ່ NBTC ໄດ້ຮັບອະນຸຍາດໃຫ້ບໍລິການໂທລະຄົມໃນປະເທດໄທ ເທົ່ານັ້ນ. ສ່ວນຜູ້ໃຊ້ບໍລິການ ຄະນະກຳມະການບໍ່ໄດ້ບອກຊື່ຜູ້ໃຫ້ບໍລິການໂທລະຄົມທີ່ກ່ຽວຂ້ອງ.
