ສະມາຄົມ ເຍຍລະມັນ-ລາວ ເພື່ອການພັດທະນາ ຊ່ວຍເຫລືອພັດທະນາການສຶກສາ ຢູ່ເມືອງຕະໂອ້ຍ ມູນຄ່າ 1.4 ຕື້ກວ່າກີບ

ວັນທີ 30 ຕຸລາ 2024 ທີ່ແຂວງສາລະວັນ ໄດ້ມີພິທີເຊັນບົດບັນທຶກ ຄວາມເຂົ້າໃຈ ໂຄງການສົ່ງເສີມການສຶກສາເດັກກ່ອນໄວຮຽນຂັ້ນບ້ານ ລະຫວ່າງ ກະຊວງສຶກສາທິການ ແລະ ກິລາ ກັບ ສະມາຄົມ ເຍຍລະມັນ-ລາວ ເພື່ອການພັດທະນາ ມູນຄ່າ 1,400,000,000 ລ້ານກວ່າກີບ ມອບໃຫ້ ເມືອງຕະໂອ້ຍ ເພື່ອນຳໃຊ້ເຂົ້າໃນ 3 ກິດຈະກຳຫລັກຄື:ການສົ່ງເສີມກອງທຶນອາຫານທ່ຽງໃຫ້ໂຮງຮຽນ ອານຸບານ ບ້ານ ຕະຮວກ, ສ້າງຈິດສຳນຶກໃຫ້ປະຊາຊົນບ້ານເປົ້າໝາຍໃຫ້ເຂົ້າໃຈເຫັນໄດ້ຄວາມສຳຄັນຂອງການສຶກສາກ່ອນໄວຮຽນ ເພື່ອຊຸກຍູ້ໃຫ້ລູກຫຼານໄດ້ເຂົ້າຮຽນຕາມເກນອາຍຸ, ສ້າງຄວາມອາກສາມາດໃຫ້ໃຫ້ຜູ້ອຳນວຍການແລະຄູສອນຢູ່ໂຮງຮຽນ ອານຸບານ ກໍ່ຄືການຄຸ້ມຄອງບໍລິຫານ ແລະ ການສິດສອນຫລັກສູດແບບໃໝ່. ສໍາລັບໄລຍະຂອງການຈັດຕັ້ງປະຕິບັດໂຄງການແມ່ນແຕ່ນັບແຕ່ມື້ໄດ້ຮັບອານຸມັດຈົນເຖິງ 31 ທັນວາ 2026.