ເມືອງພະລານໄຊເປີດໃຊ້ຊົນລະປະທານບ້ານພະນົມໄຊ
ໃນວັນທີ 15 ພະຈິກນີ້, ຫ້ອງ ການະສິກໍາ ແລະ ປ່າໄມ້ ເມືອງພະ ລານໄຊ ແຂວງສະຫວັນນະເຂດ ຮ່ວມກັບ ກຸ່ມຊາວນາໂຄງການ ພະນົມໄຊ, ໄດ້ຈັດພິທີເປີດນໍາໃຊ້ ນໍ້າຊົນລະປະທານ ສໍາລັບການ ຜະລິດລະດູແລ້ງ, ຢູ່ບ້ານ ພະ ນົມໄຊ, ເມືອງ ແລະ ແຂວງດັ່ງ ກ່າວ, ໂດຍການເຂົ້າຮ່ວມຂອງ ທ່ານ ຄໍາບຸນນັດ ໄຊຍະນົນ ຮອງ ລັດຖະ ມົນຕີກະຊວງກະສິກໍາ ແລະ ປ່າໄມ້.
ໂຄງການຊົນ ລະປະທານ ຈັກສູບນໍ້າ ບ້ານພະນົມໄຊ ໄດ້ ເລີ່ມ ລົງມືກໍ່ສ້າງມາແຕ່ກາງ ປີ 1998, ໃນໄລຍະນັ້ນພາກ ສ່ວນລັດໄດ້ ຕິດຕັ້ງລະບົບຫົວງານ, ສ່ວນລະ ບົບຄອງເໝືອງແມ່ນ ປະຊາຊົນ ຂຸດເອງ ຈຶ່ງມີ ຄວາມຫຍຸ້ງຍາກ ໃນການແຈກ ຢາຍນໍ້າ ແລະ ຕົ້ນທຶນການຜະລິດສູງ. ມາ ຮອດປີ 2016 ກົມ ຊົນລະປະ ທານກະຊວງກະສິກໍາ ແລະ ປ່າໄມ້ ໄດ້ຟື້ນຟູ-ປັບປຸງລະ ບົບ ຫົວງານ ແລະ ຄອງເໝືອງຄືນ ໃໝ່ໄປຕາມທິດຫັນເປັນທັນ ສະໄໝເທື່ອລະກ້າວ ໂດຍ ໄດ້ຮັບ ທຶນກູ້ຢືມຈາກທະນາຄານພັດ ທະນາອາຊີ (ADB) ເພື່ອຈັດຊື້ ຈັກສູບນໍ້າ 3 ເຄື່ອງ, ຂະໜາດ 75 ກິໂລວັດ, ສ້າງຄອງເໝືອງ ເບຕົງເສີມເຫຼັກ, ມີຄວາມຍາວ ທັງໝົດ 6,5 ກິໂລແມັດ, ຄອງ ສົ່ງນໍ້າຍາວ 7,6 ກິໂລແມັດ ແລະ ຄອງລະບາຍ ນໍ້າຍາວ 3 ກິໂລ ແມັດ, ຄາດວ່າ ຈະສາມາດຫົດ ເນື້ອທີ່ການຜະລິດໄດ້ 250 ເຮັກຕາ, ລວມມູນຄ່າໃນການກໍ່ ສ້າງ 1 ລ້ານ ໂດລາສະຫະລັດ.
+ ສຶກສາຄວາມເປັນໄປໄດ້ການປັບປຸງຊົນລະປະທານນໍ້າຫຸມ ແລະ ນໍ້າຊວງເມືອງນາຊາຍທອງ
ຂ່າວໃຫ້ຮູ້ອີກວ່າ: ໃນວັນ ດຽວກັນເມືອງດັ່ງກ່າວ, ກໍໄດ້ເປີດ ຂະບວນການສັກຢາວັກຊິນກັນພະຍາດສັດເຊັ່ນ: ອະຮີວາ ແລະ ນິວຄັດເຊິນ, ພ້ອມໄດ້ເບິ່ງການ ສາທິດການນໍາໃຊ້ເຕັກນິກໃໝ່ ເຂົ້າໃນການປູກເຂົ້າແບບນາ ຢອດແຫ້ງ, ຢອດປຽກ, ນາ ຫວ່ານ ຫຼື ຜົ່ນດ້ວຍເຄື່ອງຈັກ, ເພື່ອຊ່ວຍປະຢັດເວລາ ແລະ ແຮງ ງານໃນ ການຜະລິດ, ພ້ອມຊ່ວຍ ໃຫ້ສະມັດຕະພາບການເກັບ ກ່ຽວສູງຂຶ້ນ.
