ຮອງລັດຖະມົນຕີກະຊວງກະສິກຳ-ປ່າໄມ້ ຊຸກຍູ້ການແກ້ໄຂຄວາມທຸກຍາກຂອງປະຊາຊົນບ້ານ ຄຳປ່າແໜ ແລະ ບ້ານປ່າກ້ວຍ

- advert banner 728 90 728x90 - ຮອງລັດຖະມົນຕີກະຊວງກະສິກຳ-ປ່າໄມ້ ຊຸກຍູ້ການແກ້ໄຂຄວາມທຸກຍາກຂອງປະຊາຊົນບ້ານ ຄຳປ່າແໜ ແລະ ບ້ານປ່າກ້ວຍ

ໃນວັນທີ 14 ພະຈິກນີ້, ທ່ານ ຄຳບຸນນັດ ໄຊຍະນົນ ຮອງລັດຖະມົນຕີກະຊວງກະສິກຳ ແລະ ປ່າໄມ້ ພ້ອມດ້ວຍຄະນະ, ໄດ້ລົງຊຸກຍູ້ຕິດຕາມການແກ້ໄຂຊີວິດການເປັນຢູ່ຂອງປະຊາຊົນບ້ານຄຳປ່າແໜ ແລະ ບ້ານປ່າກ້ວຍ, ເມືອງ ຈຳພອນ, ແຂວງ ສະຫວັນນະເຂດ, ເພື່ອຊຸກຍູ້ຄວາມຄືບໜ້າຂອງໂຄງການໃນແຕ່ລະໄລຍະ, ໂດຍປະຊາ ຊົນໃນບ້ານດັ່ງກ່າວສ່ວນຫຼາຍເປັນຊົນເຜົ່າກະຕາງ, ຖືເຮັດນາປູກເຂົ້າເປັນອາຊີບຕົ້ນຕໍ ແລະ ຖືເອົາການປູກຝັງ ແລະ ລ້ຽງສັດເປັນອາຊີບສຳຮອງ ແລະ ຜ່ານມາເບື້ອງລັດ ໄດ້ລົງທຶນປະຕິບັດຫຼາຍກິດຈະກຳເຊັ່ນ: ການປູກຜັກ, ລ້ຽງປາ, ລ້ຽງໄກ່ພັນໄຂ່, ລ້ຽງໝູ, ລ້ຽງແບ້, ລ້ຽງກົບ, ສັດປີກ ແລະ ອື່ນໆອີກ, ແຕ່ຍ້ອນຄວາມທຸກຍາກຂາດເຂີນ, ເນື້ອທີ່ການຜະລິດບໍ່ພຽງພໍ, ຈຶ່ງມີຄອບຄົວຈຳນວນໜຶ່ງຂາດເຂົ້າກິນ ແລະ ການນຳຂັ້ນເມືອງກໍໄດ້ເອົາໃຈໃສ່ແກ້ໄຂຄວາມທຸກຍາກຂອງເຂົາເຈົ້າ ຕະຫຼອດມາ ແລະ ກໍເຮັດໄດ້ພຽງແຕ່ເຮັດໃຫ້ຄອບຄົວທຸກຍາກຫຼຸດລົງ. ມາຮອດທ້າຍປີ 2015 ການນຳເມືອງຈຳພອນ ແລະ ເຈົ້າຂອງໂຮງງານນໍ້າດື່ມໂລມາຄຳ ຈຶ່ງໄດ້ເຊັນບົດບັນທຶກຮ່ວມກັນເພື່ອແກ້ໄຂຄວາມທຸກຍາກຂອງປະຊາຊົນ ສອງບ້ານດັ່ງກ່າວ. ໃນເບື້ອງຕົ້ນ ໄດ້ນຳພາປະຊາຊົນປູກຜັກ, ບຸກເບີກເນື້ອທີ່ນາ, ປຸກສາງເກັບມ້ຽນເຂົ້າ, ຊື້ໂຮງສີເຂົ້າ, ນຳພາລ້ຽງສັດ (ໝູ, ແບ້ ແລະ ສັດປີກ), ເຮັດຝາຍເກັບນ້ຳຂະໜາດນ້ອຍ, ສ້າງໜອງປາ ແລະ ບຸກເບີກເນື້ອທີ່ນາຕື່ມອີກ.

- new3 - ຮອງລັດຖະມົນຕີກະຊວງກະສິກຳ-ປ່າໄມ້ ຊຸກຍູ້ການແກ້ໄຂຄວາມທຸກຍາກຂອງປະຊາຊົນບ້ານ ຄຳປ່າແໜ ແລະ ບ້ານປ່າກ້ວຍ

ມາຮອດປັດຈຸບັນ ຍ້ອນຄວາມເອົາໃຈໃສ່ ແລະ ເປັນຫ່ວງເປັນໃຍຂອງພັກ ແລະ ລັດຖະບານ ກໍ່ຄືການນຳກະຊວງກະສິກຳ ແລະ ປ່າໄມ້, ອຳນາດການປົກຄອງທ້ອງຖິ່ນ, ຈຶ່ງຊ່ວຍໃຫ້ປະຊາຊົນບ້ານຄຳປ່າແໜ ແລະ ບ້ານປ່າກ້ວຍ ມີຊີວິດການເປັນຢູ່ທີ່ດີຂຶ້ນ ແລະ ກ້າວໄປສູ່ການຫລຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.

error: Content is protected !!