ວຸດທິສະພາອາເມລິກາໄຟຂຽວ ງົບການທະຫານຈຳນວນຫລາຍ

- advert banner 728 90 728x90 - ວຸດທິສະພາອາເມລິກາໄຟຂຽວ ງົບການທະຫານຈຳນວນຫລາຍ

ຮ່າງ​ງົບປະມານ​ທາງ​ທະຫານ​ຂອງ​ອາ​ເມ​ລິ​ກາ​ສຳລັບ​ປີ​ການ​ເງິນ 2018 ທີ່​ມີ​ມູນ​ຄ່າ​ສູງ​ເຖິງ 700.000 ລ້ານ​ໂດ​ລາ​ສະຫະລັດ ຜ່ານ​ຄວາມ​ເຫັນ​ພ້ອມ​ຈາກ​ທັງ​ສະພາ​ສູງ ​ແລະ ສະພາ​ຕໍ່າ​ແລ້ວ​ໃນ​ອາທິ​ດນີ້.

- new3 - ວຸດທິສະພາອາເມລິກາໄຟຂຽວ ງົບການທະຫານຈຳນວນຫລາຍ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 16 ພະຈິກ​ວ່າ: ກອງ​ປະຊຸມ​ວຸດ​ທິສະພາ​ອາ​ເມ​ລິ​ກາ​ມີ​ມະຕິ​ໃນ​ວັນ​ທີ 16 ພະຈິກ ​ເຫັນ​ພ້ອມ​ຮ່າງ​ກົດໝາຍ​ອຳນາດ​ຄວາມ​ໝັ້ນຄົງ​ແຫ່ງ​ຊາດ (NDAA) ປະຈຳ​ປີ​ງົບປະມານ 2018 ​ເຊິ່ງຈະ​ເປັນ​ການຈັດ​ສັນ​ງົບປະມານ​ສຳລັບ​ກະຊວງ​ປ້ອງ​ກັນ​ປະ​ເທດ​ໂດຍ​ສະ​ເພາະ ​ໂດຍ​ວົງ​​ເງິນ​ທີ່ກອງ​ປະຊຸມ​ເຫັນ​ພ້ອມ​ສູງ​ເຖິງ 700.000 ລ້ານ​ໂດ​ລາ​ສະຫະລັດ ຫລາຍ​ກວ່າ​ປະທານາທິບໍດີ ​ໂດ​ນັນ ທຣຳ ຍື່ນ​ຂໍ​ໄວ້​ອີກ 26.000 ລ້ານ​ໂດ​ລາ​ສະຫະລັດ ​ແລະ ສູງ​ກວ່າ NDAA ສະບັບ​ປີ 2015 ​ເຊິ່ງ​ເປັນ​ປີ​ສຸດ​ທ້າຍ​ໃນ​ຕຳ​ແໜ່​ງຜູ້ນຳ​ອາ​ເມ​ລິ​ກາ​ຂອງ​ປະທານາທິບໍດີ ບາຣັກ ​ໂອ​ບາ​ມາ ອີກ 15%.

- nt7dpbb8 - ວຸດທິສະພາອາເມລິກາໄຟຂຽວ ງົບການທະຫານຈຳນວນຫລາຍ

ທັງ​ນີ້, ການ​ລົງມະຕິ​ຮັບຮອງ​ຮ່າງ​ກົດໝາຍ​ດັ່ງກ່າວ​ຂອງ​ວຸດ​ທິສະມາຊິກ ​ເຊິ່ງ​ໃຊ້​ວິທີ​ຂານ​ຊື່ ມີ​ຂຶ້ນ 2 ວັນ​ຫລັງ​ສະພາ​ຜູ້​ແທນ​ລາຊະ​ດອນ​ລົງມະຕິ​ເຫັນ​ພ້ອມ​ຮ່າງ​ກົດໝາຍ​ສະບັບ​ດຽວ​ກັນ ດ້ວຍ​ຄະ​ແນນ​ສຽງ​ສະໜັບສະໜູນ 365 ຕໍ່ 70 ສຽງ ​ໂດຍ​ຮ່າງ​ແຜນ​ງົບປະມານ NDAA ສຳລັບ​ປີໜ້າ​ຈະ​ຄວບ​ຄຸມ​ການ​ເພີ່ມ​ການຈັດ​ຊື້​ເຮືອບິນ​ຂັບ​ໄລ່ F-35 ​ເປັນ 90 ລຳ ຫລາຍ​ກວ່າ​ທີ່​ທ່ານ ທຣຳ ຂໍ​ໄວ້ອີກ 20 ລຳ, ​ເຮືອ​ຮົບ ​ແລະ ລົດ​ຫຸ້ມ​ເກາະ​ອີກ​ຫລາຍ​ຮຸ້ນ ​ແລະ ການ​ເພີ່ມ​ງົບປະມານ​ສະໜັບສະໜູນ​ສຳນັກງານ​ປ້ອງ​ກັນ​ລູກ​ສອນ​ໄຟ (MDA) ​ເປັນ 12.300 ລ້ານ​ໂດ​ລາ​ສະຫະລັດ ​ແລະ ການ​ເພີ່ມ​ຄ່າ​ຕອບ​ແທນ​ໃຫ້​ແກ່​ທະຫານ​ທຸກ​ເຫລົ່າ​ທັບ​ອີກ 2,4%.

error: Content is protected !!