ເຄັດລັບຊ່ວຍໃຫ້ມີລູກງ່າຍ ແລະ ເລືອກເພດລູກໄດ້
ເວັບໄຊຂ່າວຕ່າງປະເທດ ລາຍງານຜົນການວິໄຈໃໝ່ທີ່ລົບລ້າງຄວາມຄິດເກົ່າໆທີ່ວ່າ ຫາກຢາກມີລູກໃຫ້ເອົາໃຈໃສ່ເລື່ອງອາ ຫານການກິນ ເພື່ອເພີ່ມປະສິດທິພາບໃຫ້ກັບບັນດາໂຕອະສຸຈິໃຫ້ແຂງແຮງ ເພາະເລື່ອງດັ່ງກ່າວອາດບໍ່ຈຳເປັນອີກຕໍ່ໄປ ເມື່ອຜົນ ການວິໄຈໃໝ່ຈາກຈາກ North Middle sex Hospital ໃນນະຄອນຫລວງລອນດອນຂອງປະເທດອັງກິດ ບອກວ່າ : ການຫລັ່ງອະສຸຈິຕິດຕໍ່ກັນ 2 ເທື່ອພາຍໃນເວລາ 1 ຊົ່ວໂມງ ເຮັດໃຫ້ໂອກາດຂອງການຖືພາເພີ່ມຂຶ້ນ 3 ເທົ່າ.
ຜົນການສຶກສາດັ່ງກ່າວນຳພາ 73 ຄູ່ຮັກທີ່ກຳລັງຢູ່ໃນຂະບວນການສັກອະສຸຈິເຂົ້າສູ່ມົດລູກໂດຍກົງ ເຊິ່ງເປັນວິທີແກ້ໄຂບັນ ຫາການມີລູກຍາກວິທີໜຶ່ງ ເອີ້ນວ່າ : Intrauterine insemination (IUI) ໂດຍການເກັບເອົາອະສຸຈິຈາກຜູ້ຊາຍ 2 ເທື່ອ ພາຍ ໃນເວລາ 1 ຊົ່ວໂມງ ແລະ ໃຊ້ອະສຸຈິທີ່ເກັບໄດ້ໃນເທື່ອທີ 2 ເທົ່ານັ້ນ ມາໃຊ້ໃນການເຮັດ (IUI).
ຜົນທ່ີໄດ້ເປັນທ່ີໜ້າປະຫລາດໃຈ ເພາະມີການຖືພາເກີດຂຶ້ນເຖິງ 20% ເພີ່ມຂຶ້ນຈາກເກົ່າເຖິງ 3 ເທົ່າ (ໂດຍທົ່ວໄປຂະບວນການ (IUI) ຈະມີໂອກາດຖືພາແມ່ນ 6% ເທົ່ານັ້ນ). ໃນຂະນະທີ່ມີແມ່ຍິງ 15 ຄົນ ຖືພາທັນທີ ແລະ ອີກ 10 ຄົນທີ່ຖືພາຫລັງຈາກທົດລອງມີເພດສຳພັນຕິດກັນ 2 ເທື່ອໃນ 1 ຊົ່ວໂມງຫລັງຈາກນັ້ນ 1 ເດືອນຖັດໄປ ໂດຍທັງໝົດນີ້ທັງມວນນີ້ ຄິດເປັນໂຕເລກປະສົບຜົນສຳເລັດ ແມ່ນ 34%.
ຜົນການວິໄຈດັ່ງກ່າວເປັນການສຶກສາ ແລະ ນຳມາປຽບທຽບກັນລະຫ່ວາງການເຮັດ (IUI) ແລະ (IVF) ຫລື ເດັກຫລອດແກ້ວ, ແຕ່ຜູ້ຊ່ຽວຊານຍັງຢາກໃຫ້ຄູ່ຮັກຖືພາເອງໂດຍວິທີທຳມະຊາດ ແທນການໃຊ້ໂຕຊ່ວຍທາງວິທະຍາສາດຂ້າງເທິງ.
ສ່ວນຄຳແນະນຳທີ່ວ່າໃຫ້ມີເພດສຳພັນຕິດຕໍ່ກັນ 2 ເທ່ືອພາຍໃນ 1 ຊົ່ວໂມງນັ້ນ ຈະມີໂອກາດຖືພາເພີ່ມຂຶ້ນ 3 ເທົ່າ ເນື່ອງຈາກອະສຸຈິຊຸດທີ 2 ຈະໃໝ່ສົດກ່ວາ ທັງຍັງມີຄຸນນະພາບ ແລະ ໂຕອະສຸຈິຍັງແຂງແຮງກ່ວາການຫລັ່ງອອກມາຈາກເທື່ອທຳອິດນຳອີກ.
ດ້ານ ດຣ. ແຈັກສັນ ເຄີກແມນ ບຣາວ ຜູ້ຊ່ຽວຊານດ້ານການຈະເລີນພັນຈາກມະຫາວິທະຍາໄລເບີມິງແຮມ ກ່າວວ່າ : ຜູ້ຄົນເຂົ້າໃຈຜິດມາໂດຍຕະຫລອດວ່າຖ້າຢາກມີລູກ ພວກເຂົາຕ້ອງເກັບອະສຸຈິໄວ້ ໂດຍທີ່ຄວາມຈິງແລ້ວວິທີດັ່ງກ່າວຜິດ ໂດຍສະເພາະສຳລັບຜູ້ຊາຍ ເພາະຈະສົ່ງຜົນໃຫ້ຄຸນນະພາບຂອງອະສຸຈິຫລຸດລົງ ເຊິ່ງອະສຸຈິທີ່ສົດໃໝ່ຕ່າງຫາກຄືສິ່ງສຳຄັນ. ຄົນສະໄໝນີ້ມີລູກຊ້າແດ່, ໄວແດ່, ອາຍຸຍັງນ້ອຍແດ່ ຖ້າຈະມີລູກເພດໃດ ໃຜມາເກີດແລ້ວໄດ້ໝົດ ແນ່ນອນວ່າບໍ່ວ່າຈະແມ່ນລູກຊາຍ ຫລື ລູກສາວ ພໍ່ກັບແມ່ກໍຮັກ, ແຕ່ຖ້າບໍ່ແມ່ນການຖືພາເທື່ອທຳອິດ ແລະ ມີລູກເພດໃດເພດໜຶ່ງມາແລ້ວ ກໍຢາກຈະໄດ້ອີກເພດໜຶ່ງໃຫ້ເທົ່າກັນ ຄຳຖາມແມ່ນເຮົາສາມາດກຳນົດເພດລູກໄດ້ແທ້ຫລືບໍ່ ? ຄຳຕອບແມ່ນໄດ້ ເຖິງຈະບໍ່ 100% ແຕ່ກໍເຮັດໄດ້ ຖ້າທ່ານປະຕິບັດຕາມກົດໃຫ້ໄດ້ທຸກຂໍ້.
ມາເຮັດຄວາມຮູ້ຈັກກັບອະສຸຈິ XY ກັນກ່ອນດີກ່ວາ ຈະເວົ້າໄປແລ້ວອະສຸຈິຂອງຜູ້ຊາຍແມ່ນໂຕການສຳຄັນທີ່ລອຍແຂ່ງກັນ ມາຮອດເສັ້ນໄຊເພື່ອຝັງໂຕກັບຜິວໜັງມົດລູກຂອງແມ່ຍິງ ຄວາມຄິດຄົນບູຮານທີ່ເອົາແຕ່ໂທດແມ່ຍິງພຽງຝ່າຍດຽວຈຶ່ງບໍ່ຖືກຕ້ອງ.
X ແມ່ນອະສຸຈິໂຕແມ່ : ເຖິງຈະເຄື່ອນໂຕໄດ້ຊ້າແບບນີ້ ນາງກໍມີຄວາມສາມາດພິເສດຄືທົນຕໍ່ສະພາບຄວາມເປັນກົດໃນຊ່ອງຄອດໄດ້ດີ, ນາງຈຶ່ງແມ່ນຜູ້ຢູ່ລອດ ແລະ ເຮັດໃຫ້ຈຳນວນປະຊາກອນຍິງໃນໂລກນີ້ມີຫລາຍກ່ວາຜູ້ຊາຍ.
Y ແມ່ນອະສຸຈິໂຕຜູ້ : ສາມາດເຄື່ອນໂຕໄດ້ໄວກ່ວາອະສຸຈິໂຕແມ່, ແຕ່ເຫັນໄວແບບນີ້ ພົບກັບກົດກໍຈອດ ສາມາດຕາຍໄດ້ຖ້າ ພົບກັບຄວາມເປັນກົດສູງໃນຊ່ອງຄອດ, ແຕ່ມັກຄວາມເປັນດ່າງ ແລະ ຈະລອຍໄດ້ໄວຂຶ້ນ.
ເມື່ອໄດ້ຮູ້ຈັກກັບ ເດັັກຍິງ X ແລະ ເດັກຊາຍ Y ແລ້ວ ກໍຄົງຈະພໍເຂົ້າໃຈວ່າເຮົາຢາກໄດ້ເພດໃດ ຕ້ອງໃຫ້ໃຜຢູ່ລອດກັນໄປອີກ 9 ເດືອນໃນທ້ອງຂອງແມ່. ດັ່ງນັ້ນ, ກຽມຈົດສູດນີ້ໃສ່ເຈ້ຍໄວ້ເລີຍ.
– ສູດໄດ້ລູກຊາຍ : ແນ່ນອນວ່າອະສຸຈິໂຕ Y ມັກຄວາມເປັນດ່າງ ຈຶ່ງຕ້ອງໃຫ້ສະພາບຊ່ອງຄອດເປັນດ່າງ ໂດຍການປະສົມ ຜົງຟູ ຫລື ເບກກິ້ງໂຊດາ 2 ບ່ວງແກງໃສ່ນຳ້ສະອາດ 1 ລິດ ປະໄວ້ 15 ນາທີກ່ອນເອົາມາສວນລ້າງຊ່ອງຄອດ, ງົດການມີເພດສຳພັນ ປະມານ 1 ອາທິດ ເພື່ອໃຫ້ອະສຸຈິ Y ແຂງແຮງ ແລະ ເພີ່ມຈຳນວນກອງທັບໃຫ້ຫລາຍຂຶ້ນເພື່ອໃຫ້ຕໍ່ສູ້ກັບອະສຸຈິອວບ X ໃຫ້ໄຫວ. ເມື່ອເຖິງຈຸດສູງສຸດຂອງຜູ້ຊາຍ ໃຫ້ດັນເຂົ້າໄປເລິກໆ ຕ້ອງສົ່ງລູກໄປໃຫ້ໄກທີ່ສຸດ ເຊິ່ງຮອດຕອນນີ້ແມ່ຍິງກໍຄວນຈະເຖິງຈຸດສູງສຸດຄືກັນ, ຄຳນວນວັນໃຫ້ດີ ເພາະວັນທີ່ເໝາະສົມແມ່ນວັນທ່ີຮໍໂມນສູງສຸດ ຫລື ວັນທີ່ໄຂ່ຕົກແລ້ວປະມານ 12 – 24 ຊົ່ວໂມງ ເພື່ອໃຫ້ໄຂ່ເດີນທາງມາໃກ້ທີ່ສຸດ ຊ່ວຍກັນຫລຸດຜ່ອນໄລຍະທາງໃຫ້ສັ້ນລົງ ອັນນີ້ໃຫ້ທ່ານໝໍຊ່ວຍຈະດີກ່ວາ ໂດຍທ່ານໝໍຈະວັດແທກອຸນຫະພູມຂອງຮ່າງກາຍໃຫ້ ຂໍແນະນຳໃຫ້ຈັດມື້ສຳຄັນນີ້ໃຫ້ຢູ່ໃນສະຖານທີ່ເປັນສ່ວນໂຕ ແຕ່ກະຕຸ້ນອາລົມທີ່ສຸດ ຢ່າລືມວ່າຜູ້ຊາຍຕ້ອງພາແມ່ຍິງເຖິງຈຸດສູງສຸດນຳ ຈຶ່ງບໍ່ຄວນຢູ່ໃນຫ້ອງທີ່ຈະເຮັດຫຍັງກໍເກງໃຈ.
– ສູດໄດ້ລູກສາວ : ສະບາຍຫລາຍ ພຽງແຕ່ຢ່າມີເພດສຳພັນກັນໃນໄລຍະໄຂ່ສຸກ ນອກຈາກນັ້ນ ໄດ້ທຸກມື້ ຢ່າກຽດຄ້ານ ໂດຍໃຊ້ນຳ້ສົ້ມສາຍຊູ 2 ບ່ວງແກງ ປະສົມກັບນຳ້ສະອາດ 1 ລິດ ສວນລ້າງຊ່ອງຄອດ ເພື່ອເຮັດໃຫ້ສະພາບພາຍໃນຊ່ອງຄອດເປັນກົດ ເມື່ອໃກ້ຈະເຖິງຈຸດສູງສຸດຂອງຜູ້ຊາຍຕ້ອງຖອຍອອກມາໜ້ອຍໜຶ່ງ ເຊິ່ງແມ່ຍິງຫ້າມໄປເຖິງຈຸດສູງສຸດ, ໃຫ້ທ່ານໝໍກວດເປັນປະຈຳເພື່ອຈະໄດ້ຄຳນວນວັນກ່ອນໄຂ່ຕົກປະມານ 2 ວັນ ແມ່ນກ່ອນການກວດພົບຄ່າ HL. ເບິ່ງຄືວ່າການມີລູກສາວບໍ່ຍາກປານໃດ ແລະ ການມີລູກຊາຍອາດຈະຍາກກ່ວາ ເພາະຕ້ອງໃຊ້ຄວາມອົດທົນກ່ວາ, ແຕ່ກໍກຸ່ມຄ່າຖ້າໄດ້ເພດລູກສົມໃຈ.
