ຍົກລະດັບວຽກງານຄຸ້ມຄອງບໍລິຫານໃຫ້ພະນັກງານນ້ຳປະປາ

ລັດວິສາຫະກິດນ້ຳປະປາ ນະຄອນຫຼວງວຽງຈັນ, ໄດ້ຈັດ ຊຸດອົບຮົມຍົກລະດັບວຽກງານ ຄຸ້ມຄອງບໍລິຫານນໍ້າປະປາຂຶ້ນ ໃນວັນທີ 23 ພະຈິກນີ້, ທີ່ນະ ຄອນຫລວງວຽງຈັນ, ໂດຍ ການເປັນປະທານຂອງ ທ່ານ ຄຳເຜີຍ ວົງສາຄຳຜຸຍ ຜູ້ອຳ ນວຍການ ໃຫຍ່ລັດວິສາຫະ ກິດນ້ຳປະປາດັ່ງກ່າວ, ມີຄະນະ ຮອງອຳນວຍການ ແລະ ຜູ້ຕາງ ໜ້າຈາກ 15 ລັດວິສາຫະກິດນ້ຳ ປະປາທົ່ວປະເທດເຂົ້າຮ່ວມ.

+ ເຊກອງຍົກລະດັບຄວາມຮູ້ດ້ານການບໍລິການໃຫ້ຜູ້ປະກອບການໂຮງແຮມ-ເຮືອນພັກ ແລະ ຮ້ານອາຫານ

+ ຫລາຍເຂດໃນຕົວເມືອງນ້ຳປະປາມາບໍ່ປົກກະຕິ

ທ່ານ ຄຳເຜີຍ ວົງສາ ຄຳຜຸຍ ກ່າວວ່າ: ການເຝຶກອົບ ຮົມເປັນວຽກງານໜຶ່ງ ທີ່ມີຄວາມ ສຳຄັນ ແລະ ຈຳເປັນຫຼາຍໃຫ້ ແກ່ທຸກພະແນກການ, ໂດຍສະ ເພາະແມ່ນວຽກງານນ້ຳປະປາພວກເຮົາ, ເພື່ອພັດທະນາສີມື ຂອງອ້າຍນ້ອງພະນັກງານ, ໄລ ຍະຜ່ານມາ ພວກເຮົາກໍມີການ ຈັດຝຶກອົບຮົມ, ມີການປຶກສາຫາ ລືແລກປ່ຽນບົດຮຽນທີ່ດີຮ່ວມ ກັນຕະຫລອດມາ, ເລີ່ມຈາກ ໂຮງງານຜະລິດນ້ຳ, ເລື່ອງລະ ບົບສົ່ງນ້ຳ, ລະບົບທໍ່, ການສ້ອມ ແປງນ້ຳແຕກ, ນ້ຳເຮ່ຍ ລວມທັງ ວຽກງານບໍລິການອື່ນໆໃຫ້ມີ ຄວາມຮູ້, ຄວາມເຂົ້າໃຈເລິກເຊິ່ງ ຊ່ວຍໃຫ້ເຂົາເຈົ້າໄດ້ມີການແລກປ່ຽນບົດຮຽນວ່າໃນຜ່ານມາ ພວກເຮົາເຮັດໄດ້ຫຍັງແດ່? ຍັງ ດ້ານໃດທີ່ເຮັດບໍ່ໄດ້ດີ? ຊຶ່ງຈະ ຕ້ອງໄດ້ປັບປຸງແກ້ໄຂໃນຕໍ່ໄປ.

ຜູ້ຮັກສາການຫົວໜ້າສູນ ເຝຶກອົບຮົມນ້ຳປະປາໃຫ້ຮູ້ວ່າ: ຜ່ານມາພວກເຮົາບັນລຸການ ເຝິກອົບຮົມໃຫ້ພະນັກງານລັດ ວິສາຫະກິດ ໄດ້ທັງໝົດ 291 ເທື່ອຄົນ, ເທົ່າກັບ 45% ຂອງ ແຜນການປີ, ເຝຶກອົບຮົມໃຫ້ ລັດວິສາຫະກິດນ້ຳປະປາຕ່າງ ແຂວງ ໄດ້ 138 ເທື່ອຄົນ, ເທົ່າ ກັບ 65% ຂອງແຜນການປີ, ເຝຶກອົບຮົມໃຫ້ບໍລິສັດເອກະຊົນ ໄດ້ 7 ເທື່ອຄົນ, ທົດສອບມາດ ຕະຖານສາຂາຊ່າງໄຟຟ້າລະ ດັບ 1 ໄດ້ 30 ເທື່ອຄົນ,ເຝຶກ ອົບຮົມນອກແຜນໄດ້ 31 ເທື່ອ ຄົນ ແລະ ປີ 2018 ໄດ້ວາງ ຄາດໝາຍໄວ້ວ່າ: ຈະເຝຶກອົບ ຮົມຍົກລະດັບຄວາມຮູ້ດ້ານ ວຽກງານນ້ຳປະປາ. ນອກນີ້ ສູນເຝິກອົບຮົມໄດ້ແບ່ງຫລັກ ສູດອອກເປັນ 3 ກຸ່ມຄື: ກຸ່ມການ ຜະລິດ: ໝວດການຄຸ້ມຄອງ ໂຮງງານ, ໂປມສູບນ້ຳ ແລະ ໝວດໄຟຟ້າ; ກຸ່ມເຕັກນິກ: ໝວດອອກແບບ, ໝວດຄຸ້ມ ຄອງລະບົບທໍ່ ແລະ ກຸ່ມບໍລິ ຫານ: ໝວດບໍລິຫານ, ຄຸ້ມຄອງ ການເງິນ ແລະ ໄອທີອີກດ້ວຍ ເພື່ອຮັບປະກັນໃຫ້ການຄຸ້ມ ຄອງບໍລິຫານລະບົບນ້ຳປະປາມີຄຸນນະພາບດີຂຶ້ນ.