ADB ເບິ່ງເສດຖະກິດອາຊີຍັງເຕີບໃຫຍ່ໄດ້ ເຖິງວ່າປະສົບບັນຫານະໂຍບາຍທ່ານ ທຣຳ

- Untitled design - ADB ເບິ່ງເສດຖະກິດອາຊີຍັງເຕີບໃຫຍ່ໄດ້ ເຖິງວ່າປະສົບບັນຫານະໂຍບາຍທ່ານ ທຣຳ

- 5271F65B 6551 4E02 8115 DD66CCBFFB97 w1023 r1 s 300x169 - ADB ເບິ່ງເສດຖະກິດອາຊີຍັງເຕີບໃຫຍ່ໄດ້ ເຖິງວ່າປະສົບບັນຫານະໂຍບາຍທ່ານ ທຣຳ      ສຳນັກຂ່າວຕ່າງປະເທດລາຍງານຈາກນະຄອນຫລວງມະນິລາ ປະເທດຟີລິບປິນ ໃນວັນທີ 6 ເມສານີ້ວ່າ: ທະ ນາຄານພັດທະນາອາຊີ (ADB) ອອກລາຍງານໃນວັນທີ 6 ເມສາ ຍັງຮັກສາລະດັບຄາດໝາຍການຂະຫຍາຍຕົວ ທາງເສດຖະກິດຂອງອາຊີໃນປີນີ້ໄວ້ປະມານ 5,7% ບໍ່ປ່ຽນແປງຈາກລາຍງານໃນປີຜ່ານມາ ແລະ ລະບຸອີກວ່າ: ທິດ ທາງການເຕີບໃຫຍ່ຂອງເສດຖະກິດໃນອາຊີຈະຍັງຢູ່ລະດັບດັ່ງກ່າວໃນປີ 2018, ເຖິງວ່າຕ້ອງຜະເຊີນກັບປັດໄຈ ສ່ຽງຮອບດ້ານ ໂດຍສະເພາະນະໂຍບາຍເສດຖະກິດຂອງລັດຖະບານຊຸດປັດຈຸບັນທີ່ສາມາດປ່ຽນແປງໄດ້ຕະຫຼອດ ເວລາ.

ຂະນະທີ່ທ່າອ່ຽງການເຕີບໃຫຍ່ທາງເສດຖະກິດຂອງ 30 ຈາກ 45 ປະເທດທີ່ຢູ່ໃນລາຍງານວິເຄາະສະບັບຫລັງ ສຸດຢູ່ໃນລະດັບຍືນຍົງ ເຊິ່ງຈະຊ່ວຍທົດແທນຈາກສະພາບຊຸດໂຊມຂອງເສດຖະກິດຈີນໄດ້ ເຊິ່ງ ADB ຄາດໝາຍ ວ່າຈະຂະຫຍາຍຕົວຫລຸດລົງຈາກ 6,7% ໃນປີຜ່ານມາລົງມາຢູ່ 6,5% ໃນປີນີ້ ແລະ 6,2% ໃນປີ 2018 ຖືເປັນສະ ພາບຂະຫຍາຍຕົວຊ້າຂອງເສດຖະກິດຈີນຫລາຍທີ່ສຸດໃນຮອບ 30 ປີ ຕາມການຕີລາຄາໂດຍ ADB , ສ່ວນສະຖາ ນະການທາງເສດຖະກິດຂອງອິນເດຍຍັງຢູ່ໃນເກນດີ ເຊິ່ງ ADB ຄາດໝາຍວ່າຈະຂະຫຍາຍຕົວ 7,4% ໃນປີນີ້ ແລະ 7,6% ໃນປີຕໍ່ໄປ ເພີ່ມຂຶ້ນຈາກລະດັບ 7,1% ໃນປີຜ່ານມາ.

- Wave100S AD to Website 2020 0 - ADB ເບິ່ງເສດຖະກິດອາຊີຍັງເຕີບໃຫຍ່ໄດ້ ເຖິງວ່າປະສົບບັນຫານະໂຍບາຍທ່ານ ທຣຳ

ທັງນີ້, ລາຍງານວິເຄາະຂອງ ADB ໄດ້ຮັບການເຜີຍແຜ່ອອກມາກ່ອນປະທານາທິບໍດີ ໂດນັນ ທຣຳ ຈະຮັບ ການມາຢ້ຽມຢາມຂອງປະທານປະເທດ ຈີສິ້ນຜິງ ລະຫວ່າງວັນທີ 6-7 ເມສານີ້ ໂດຍບັນຫາສຳຄັນທີ່ຄາດວ່າຈະ ມີການຍົກຂຶ້ນມາຫາລືກັນ ລວມທັງການພົວພັນທາງເສດຖະກິດ ແລະ ການຄ້າລະຫວ່າງອາເມລິກາກັບຈີນ, ພາຍຫລັງທ່ານ ທຣຳ ກ່າວຫາອີກຝ່າຍວ່າເອົາປຽບການຄ້າ ແລະ ແຊກແຊງຄ່າເງິນ, ແຕ່ຫລາຍຝ່າຍເຊື່ອວ່າຍັງບໍ່ອາດຈະມີການປະກາດມາດຕະການໃດໆອອກມາຢ່າງຈະແຈ້ງລະ ຫວ່າງການຫາລືໃນເທື່ອນີ້.

- WhatsApp Image 2020 05 27 at 5 - ADB ເບິ່ງເສດຖະກິດອາຊີຍັງເຕີບໃຫຍ່ໄດ້ ເຖິງວ່າປະສົບບັນຫານະໂຍບາຍທ່ານ ທຣຳ
- WhatsApp Image 2020 05 27 at 5 - ADB ເບິ່ງເສດຖະກິດອາຊີຍັງເຕີບໃຫຍ່ໄດ້ ເຖິງວ່າປະສົບບັນຫານະໂຍບາຍທ່ານ ທຣຳ
error: Alert: ເນື້ອຫາຂ່າວມີລິຂະສິດ !!